【麗晶七海郵輪】船種、房型、航程、費用等詳細介紹
想上郵輪玩，大部分香港人都只係識星夢郵輪，但其實坊間有好多間郵輪公司提供唔同航線，今次 RunHotel 就為大家介紹一下麗晶七海郵輪 ( Regent Seven Seas Cruises )，佢地就行歐洲線比較多，想去番個 10 日以上的長線遊，就好岩你喇！
麗晶七海郵輪官網：
https://www.rssc.com/
麗晶七海郵輪船種
麗晶七海郵輪目前一共有 5 支船隊，分別係七海探索者號 Seven Seas Explorer 、七海海洋號 Seven Seas Mariner、七海領航者 Seven Seas Navigator、七海航海家號 Seven Seas Voyager 同埋 2020 年將會啟航的七海輝煌號 Seven Seas Splendor。
七海探索者號
七海探索者號於 2016 年啟航，排水量是 54,000 噸，一共有 10 層，客房總數為 354，船員乘客比例則是 1.36。七海探索者號全是套房及附露台設計，而仲有得歎著名水療中心 Canyon Ranch SpaClub！
七海海洋號
七海海洋號號於 2001 年建造，2018 年時進行了一次翻新，排水量是 48,075 噸，一共有 8 層 ，客房總數為 354，船員乘客比例則是 1.57。七海海洋號內的房間全部套房，而且都有陽台。
七海領航者號
七海領航者號於 1999 年建造，2012 年時進行了一次翻新，排水量是 28,803 噸，一共有 8 層 ，客房總數為 345，船員乘客比例則是 1.42。七海領航者號全是海景套房，更有部份設有私人露台。
七海航海家號
七海航海家號於 2003 年建造，2016 年時進行了一次翻新，排水量是 42,363 噸，一共有 9 層 ，客房總數為 354，船員乘客比例則是 1.56。七海航海家號全部是套房，而且均設有陽台！
七海輝煌號
七海輝煌號係將會於 2020 年 2 月啟航的新船，排水量是 54,000 噸，一共有 10 層 ，全船375間全露台套房均配備雲石浴室，令客人可以有奢華享受。
香港出發可以去的目的地
麗晶七海郵輪由於多去歐洲的長途航程，所以由香港出發的選擇其實非常少，目前只有12 晚的船票，由香港出發，去越南﹅汶萊﹅馬來西亞等地，好多情況之下都係非香港上船，9 – 21 日以上的行程都會有，例如宜家會有七海旅行者號10晚 – 希臘、意大利、法國 、七海探索者號意大利、法國、摩洛哥、西班牙、或者七海輝煌號黎緊會有12晚 – 意大利、以色列、塞浦路斯、希臘、馬爾他、西班牙的行程。呢個情況客人就要自己買機票飛過去再上船，又或者可以睇下坊間旅行社會唔會有機票連船票的 package 喇！
麗晶七海郵輪船上玩樂設施
好多人上郵輪都會希望船上有好多表演、活動，雖然麗晶七海郵輪的賣點並不是船上的玩樂設施，不過基本配備都齊全，好似有游泳池、圖書館、賭場、桑拿、水療按摩、健身室等等，另外仲會有一啲課程如烹飪中心、美食導覽行程，亦會有歌舞表演！加上佢地大部分都係好長途，所以幾乎每日都會埋岸畀你落船玩，唔會有太多時間係船上的。
房型
麗晶七海郵輪非常講究客人的入住體驗，所以對於房型的設計、用料都非常用心，而且無內艙房的，一般可以分為七海套房、套房、尊貴露台套房、禮賓級套房，大部分艙房都會設有獨立寬敞的私人海景露台，而套房級以上更提供專業管家服務！
▼套房 (七海探索號)
▼尊貴露台套房 (七海探索號)
▼七海套房 (七海航行者號)
郵輪航費已包項目
如果有玩開郵輪，相信都會知麗晶七海郵輪係比好多郵輪貴的！原因係佢地個價錢係「全包式航遊風格」，除了基本的郵輪住宿、各種娛樂享受及休閒設施次外，仲有船上服務人員小費、指定岸上觀光活動、船上 WiFi 服務及無限量酒水供應，仲包埋船上的所有餐廳，唔係得一間自助餐係免費，要你食足咁多日，所以貴都貴得有道理。
價錢包什麼餐飲
正如上述所言，麗晶七海郵輪的價錢包晒所有餐飲，所以每一餐都係值得期待的！七海探索者號有國際美食餐廳 La Veranda、意大利式餐廳 Sette Mari at La Verande、船務旗艦主餐廳 Compass Rose、亞洲餐廳 Pacific Rim 、法式餐廳 Chartreuse 及美式扒房 Prime 7 。 七海旅行者號同七海航行者號仲有由法國藍帶大廚主理的特色餐廳 Signatures ！郵輪會提供 24 小時送餐服務 Room Service，不另收費!
2020 年新船 – 七海輝煌號
相信好多人都會期待 2020 年的新船七海輝煌號，將會於 2 月啟航，全船 375 間全露台套房都配備雲石浴室，加埋其他設施有超過 46,000 平方呎的意大利雲石，而露台總面積接近 52,000 平方呎，比美式足球場仲大！而每間套房陽台面積平均約達 138 平方呎，係咪好浮誇呢！
輝煌號共有 32 間特色套房，包括主公套房、豪華套房、輝煌套房和七海套房等，而更高級的仲有頂層套房、禮賓套房、高級套房、豪華陽台套房和陽台套房，面積 307 平方呎起，分分鐘大過好多人屋企！
▼主公套房
▼雲石浴室
▼七海套房
▼頂層套房
▼高級套房
▼高級陽台套房
▼觀景酒廊
七海輝煌號仲有個觀景酒廊，牆上綴有傳統英式建築造型裝飾，感覺非常優雅時尚！
常見問題
如果你從來都未坐過郵輪，相信一定會有好多疑問，宜家就為大家整理一下常見的問題啦！
- 於預訂之後因各種因素(包括生病)而要更改或取消行程／訂位都是可以的，但有可能有其他收費。
- 如果想訂機票，麗晶七海郵輪官網是無法做到的，一定要自己買或找旅行社。
- 如果到達碼頭後發現郵輪已開出，你可以到下個港口上船，但費用由你承擔，錯過的航程部分不做退款。
- 6 個月至 18 歲的人都要成年人陪同才可上船，而懷孕少於 24 周期才可上船。
- 每人可攜帶最多兩件行李上船。
- 船上的 wifi 是免費的。
如果有其他更多的查詢，可以上麗晶七海郵輪官網搵下答案：https://www.rssc.com/frequently-asked-questions/
其他郵輪介紹
