【帝逸酒店 ALVA HOTEL BY ROYAL 自助餐優惠】開業優惠 71 折！有生蠔、龍蝦、鵝肝、乳鴿、自家製 Gelato
11月23日更新：收到酒店消息，開業自助餐 71 折優惠已滿座。最新自助餐價錢可參考：https://www.alva.com.hk/tc/offers-detail/alva-house-international-gourmet-showcase-dinner-buffet.html
============
正呀，香港有新酒店開，我地又有新蒲點啦！帝逸酒店 (ALVA HOTEL BY ROYAL)位於沙田石門，而為慶祝酒店開業，由 11 月 25 日起至 12 月 13 日期間享用自助餐更有差不多 7 折優惠，折後連埋加一星期日至四自助晚餐成人每位 $498、星期五、六成人每位 $547，以上價錢已經計埋加一服務費。自助餐有即開生蠔、龍蝦、麵包蟹、煎鵝肝，甜品仲要提供自家製 Gelato 雪糕添，不妨去試下。
訂座電話 +852 3653 1118 (11 月21 日更新：由於反應熱烈，電話較難接通，建議大家透過以下網址預訂)
預訂網址：https://app.optitable.com/tc/reservation/?rid=188
五星級新酒店自助晚餐連埋加一唔洗五百喎，大家當然關心有咩食啦，就等小編率先帶大家睇自助晚餐既實況啦~~
自助餐的餐廳叫「Alva House」，位置在地下大堂，所以大家來到酒店大堂直入就會見搵到餐廳。
餐廳好大，坐位與坐位之間都有好多空位，坐得好闊落
知道大家一定關心有咩海鮮食，所以先去海鮮區啦。好開心見到有即開生蠔，當晚就有美國生蠔供應，味道鮮甜。
食完生蠔，之後當然要食海鮮，有凍蝦、長腳蟹、翡翠螺、麵包蟹、龍蝦。
有麵包蟹、又有龍蝦，埋單連埋加一都係 $497，要回本黎講對一些好喜歡食海鮮既朋友應該唔難。
龍蝦 Size 適中，唔算大隻又唔算細，同埋要搵隻爆晒膏既都好易。
食完海鮮再轉戰刺身和壽司，刺身有希靈魚、帶子、三文魚、油甘魚、八爪魚、吞拿魚、鯛魚。個人就最鐘意自助餐有油甘魚食，當晚的油甘魚，以自助餐質素黎講都幾靚。而壽司款式和賣相都幾好，不過因為要留肚食其它，所以壽司小編就無試喇。
海鮮旁邊就是日式區，帝逸酒店自助晚餐的日式食品都幾多選擇，除了有即炸天婦羅之外，更有日式爐端燒（例如燒雞軟骨、燒雞翼、羊架）、炸蠔、燒牛肉、燒鵝肝，平時出去食日式串燒真係唔平，估唔到連自助餐都有得食。
煎鵝肝
連流水麵都有得玩
另一邊的範圍就是其它熱盤區域，除了一般自助餐必有的粉麵檔、燒牛肉、燒味、燉湯之外，酒店更有旋轉燒烤爐，所以熱盤會有乳豬供應。
當晚還有片皮鴨、沙田乳鴿
甜品賣相精緻，更有 Movenpick 牌子的雪糕供應。
必試的自家製 Gelato 雪糕，有 6 款口味選擇
飲品
自助晚餐更會無限量供應一些特式飲品。
以上食物只反映小編上次體驗自助晚餐的情況，自助晚餐的食物會相對比較豐富，而食物亦有機會因應季節變化及供應而改變。
自助餐價錢
自助晚餐價錢
供應時間：下午 6 時 – 晚上 10 時 30 分
| 成人（已包服務費） | 3至11歲小童 | |
| 週日至週四 | 港幣$498 （原價： | 港幣$328 （原價： |
| 週五、六及日 | 港幣$574 （原價： | 港幣$360 （原價： |
自助午餐價錢
供應時間：中午 12 時 – 下午 2 時 30 分
| 成人（已包服務費） | 3至11歲小童 | |
| 週日至週五 | 港幣$258 （原價： | 港幣$178 （原價： |
| 週六及公眾假期 | 港幣$283 （原價： | 港幣$195 （原價： |
交通
港鐵石門站：在石門站 B 出口，右轉至安明街，使用行人天橋橫過城門河，於橋的盡頭左轉進入小瀝源路，經過小瀝源路遊樂場與歷奇單車場， 帝逸酒店就在右邊，步行時間約 8 分鐘。按此查閱地圖
地圖
帝逸酒店 (ALVA HOTEL BY ROYAL)
地址：沙田源康街 1 號
預訂網址：
https://www.alva.com.hk/tc/
訂座電話：+852 3653 1118 (11 月21 日更新：由於反應熱烈，電話較難接通，建議大家透過以下網址預訂)
預訂網址：
https://app.optitable.com/tc/reservation/?rid=188
其它自助餐優惠
海景嘉福洲際酒店 10 至 11 月份蟹之盛宴主題自助晚餐，電話訂座自助晚餐最高 75 折，最平每位成人 $471
【港島太平洋酒店自助餐優惠】60 歲或以上長者半價，成人小童 65 折！
【8度海逸酒店自助晚餐優惠】網上預購 8 折，身份證有指定號碼再額外 9 折！最平連埋加一每位$392
