【香港八大旅遊保險計劃比較指南】保障範圍、優惠推廣、價錢等資訊一覽
相信大家近期都知流感嚴重、最近仲有唔少旅遊事故發生，今時今日出行買旅遊保險真係必須。香港市場上有唔少旅遊保險產品，今次就詳細比較咗中銀旅遊保、AIG 旅遊保、Generali 忠意旅遊保、安聯旅遊保、藍十字旅遊保、Starr 旅遊保、Avo 旅遊保險同大新旅遊保險共八間公司嘅計劃。會由保障範圍、各計劃保額同特色對比，仲有以唔同活動（例如購物、自駕、滑雪潛水、高齡旅客）分類為大家推薦適合方案。小編仲一次列清各旅遊保險嘅 RunHotel 獨家優惠，折扣最高有成 6 折架。
主要保障範圍一覽
8 間旅遊保險公司嘅基本保障都大同小異，主要係保障額度、涵蓋活動同附加服務上有所不同。8 間公司嘅旅遊保險大致提供以下幾項核心保障重點：
- 緊急醫療費用
包括因為意外或疾病嘅海外醫療支出同住院費用。大部分計劃嘅醫療保障額都係幾百萬港元。好似中銀旅遊保，醫療費用可以高達 HK$150 萬、Starr「卓悅遊」旅遊保險同樣提供高達 HK$150 萬嘅醫療保障仲冇自付額限制。部分計劃仲提供住院現金津貼、緊急醫療運送等服務，保障嚴重傷病時能及時得到救援。 - 人身意外
如於旅程中發生意外導致身故或永久傷殘，保險公司會提供賠償。中銀旅遊保嘅人身意外賠償額特別高，單次旅程計劃提供雙倍賠償、最高可達 HK$400 萬。追求高額保障或帶長者出遊人士買旅遊保前可特別注意呢項。 - 旅程取消及縮短
如因受保原因（嚴重天氣、家人重病、航班取消等）而導致行程取消或提早結束，保險會賠償預付費用損失。安聯旅遊保險取消行程保障高達 HK$40,000，大新「智優遊」計劃同樣有呢個保障、仲特別涵蓋外遊警示（黃、紅、黑色）導致嘅行程取消。 - 旅程延誤
如航班或交通工具延誤達到一定時間，會提供現金津貼或補償費用。AIG 旅遊保嘅航班延誤保障優於同行，延誤每 5 小時就有 HK$300 賠償、再延誤 10 小時仲會額外賠 HK$500，總上限高達 HK$3,000。Generali 忠意旅遊保則每 6 小時延誤有 HK$500賠償，總上限高達 HK$2,000。補償可以用黎支付食宿、轉機等額外開支。 - 行李同個人財物
保障旅途中行李延誤、遺失或者被盜嘅損失。例如 Generali 忠意旅遊保除了行李保障仲會保障手提電話遺失／損毀、藍十字「智在遊」計劃亦都包括行李同電子產品損失。如果會隨身攜帶高價品如攝影器材或電子用品，可以留意計劃有冇指定物品嘅分項保障；例如大新旅遊保喺相機保障方面額度有提高，金計劃同鑽石計劃分別可賠償相機損失最多 HK$5,000 及 HK$7,500。 - 個人責任
如果喺旅途中唔小心導致第三者受傷或者財物損失，保險會於限額內提供賠償，保障額通常係幾百萬，防止旅客喺海外因意外事件背上巨額賠償。 - 其他特色保障
部分計劃仲提供額外保障，例如信用卡被盜用保障、旅遊證件遺失補辦費、航班劫持、恐怖襲擊等。
各旅遊保險計劃保額及特色
- 保障額度高
中銀旅遊保單次旅程計劃下嘅人身意外賠償雙倍可高達 HK$4,000,000；醫療費用最高可以係 HK$1,500,000。高保障意味如果發生嚴重意外，受保人或家屬可以獲得更充裕嘅經濟保障。 - 涵蓋高風險活動
中銀旅遊保特別列明承保多種危險或者戶外活動，包括笨豬跳、跳傘、激流、潛水、行山同熱氣球等非職業性質運動。適合鍾意刺激活動嘅旅客。 - 長者保障友善
中銀旅遊保嘅年齡上限較寬鬆。通常大部份旅遊保 70 歲以上就唔受保，但中銀嘅單次旅程計劃年齡上限已經提升至 100 歲。計劃帶長者出國可以考慮。 - 額外保障同服務
中銀旅遊保仲涵蓋新冠肺炎醫療、旅遊警示延期保障等。如因意外後需要創傷輔導都會提供保障。
RunHotel 獨家 75 折優惠
銀計劃折後 HK$90 起、金計劃折後 HK$112 起、鑽石計劃折後 HK$179 起，全年旅遊保折後 HK$1,317 起。
預訂網址：https://www.bocgins.com/untrv/index.html
了解詳情：https://www.runhotel.hk/boc-insurance
- 24 小時緊急支援團隊
AIG 擁有自己嘅 24 小時全球緊急支援中心，海外遇上醫療或突發狀況時，可即時致電 AIG 救援熱線獲得緊急醫療運送及送返、醫療諮詢等協助。佢地做會補償因聯絡救援熱線而產生嘅電話及上網費用（上限 HK$500），相當貼心。 - 航班延誤及行程保障
AIG 喺航班延誤賠償方面表現優勝，延誤 5 小時可獲 HK$300 津貼，再延誤至 10 小時再賠 HK$500，上限高達 HK$3,000。如因嚴重延誤取消行程，AIG 亦會賠償不可退回旅費。 - 醫療及疫情保障
AIG 提供高達 HK$150 萬或以上嘅醫療保障，仲有海外住院現金津貼（每日 HK$500）同回港後覆診費用保障等。不過，70 歲以上旅客嘅保障額度會較少，投保時可留意金額合唔合適。 - 財物保障
AIG 旅遊保亦涵蓋行李財物損失及個人錢財遺失損毀，但對電子產品嘅賠償額度較保守。如果會攜帶高價電子設備出行，可能要留意相應上限足唔足夠。
RunHotel 獨家 8 折優惠
以一個人選擇亞洲地區 4 日旅遊保險，美亞旅遊智易保折後最平保費只需 HK$23.2；家庭計劃折後都只係 HK$47.2，不限 17 歲以下既子女。
預訂網址：https://buy.aig.com.hk
了解詳情：https://www.runhotel.hk/AIG10off
- 保障範圍廣
包括意外及醫療費用等基本保障，另外滑雪、水肺潛水、高空彈跳等休閒體育運動都有保障。因自然災害或恐怖襲擊造成嘅損失，個人財物、電子通訊器材及運動用品等都受保。 - 零自付額
相比其他保險對行李、手機等設有免賠額，Generali 發生索償時受保人唔使自己墊支費用。 - 高額保障
「尊尚計劃」最高醫療保障額達 HK$1,500,000、另設有住院現金津貼，個人行李及財物保障達 HK$20,000，旅程取消／縮短上限達 HK$40,000，每 6 小時航班延誤津貼 HK$500。 - 信心保證
Generali 忠意保險於 2020 年獲得國際財經雜誌頒發「最佳旅遊保險產品」獎項。
RunHotel 獨家 75 折優惠
3 日個人保障折後低至 HK$96 起、全年旅遊保障折後 HK$1,344 起！
75 折推廣碼：RUNHOTEL24
單次旅遊保預訂網址：
https://bravo.generali.com.hk/gtravel1?lang=zh&businessEmail=RUNHOTEL24&pn=TRAVELS2
全年旅遊保預訂網址：
https://bravo.generali.com.hk/gtravel1?lang=zh&businessEmail=RUNHOTEL24&pn=TRAVELA2
了解詳情：https://www.runhotel.hk/Generali-travel-insurance
- 海外租車自負額賠償
另外亦包括海外租車自負額賠償（上限約 HK$5,000），於外地租車發生事故要賠錢俾租車公司、安聯正正可以為你減輕到自駕旅客嘅經濟風險。 - 保障全面
取消行程保障高達 HK$40,000、行李延誤/遺失都保、保障手機等電子產品被盜竊、連受保原因下損失嘅積分/飛行里數都保。 - 長旅程保障
安聯單次旅程最長可保 360 日，全年計劃不限出行次數、每次旅行最長 90 日，適合長時間外遊或工作假期人士。
RunHotel 獨家 6 折優惠
以日本 5 天遊為例，銅計劃折後 HK$53，銀計劃折後 HK$100，金計劃折後 HK$123。全年計劃銀計劃折後 HK$990；金計劃折後 HK$1,512 。
預訂網址：https://booking.allianz-travel.com.hk/B2C/TRAVEL/HK/step-1?ac=runhotel
了解詳情：https://www.runhotel.hk/allianz-travel-insurance
- 醫療及跟進治療
最高計劃醫療保障額達 HK$1,000,000，包埋返港後 90 天內必要覆診費用。而住院現金津貼、緊急援助同醫療運送都有提供。 - 旅遊警示
無論係黃、紅、黑色旅遊警示，藍十字都有相關賠償。例如取消或縮短行程帶嚟嘅費用損失。市面上並非所有旅保都包黃色警示，而藍十字就全部涵蓋。
RunHotel 獨家高達 75 折優惠
3 日旅程折後 HK$123 起、5 日旅程折後 HK$147 起。由即日起至 2025 年 12 月 31 日購買再送 6 個月 Deliveroo Plus 銀級會員會藉。
推廣碼：RUNHOTEL
預訂網址：https://www.bluecross.com.hk/ch/Travel-Smart/Application
了解詳情：https://www.runhotel.hk/Bluecross-travel-insurance
- 冒險運動保障
Starr 卓悅遊特別適合會去滑雪、潛水等極限運動嘅旅客，佢嘅戶外活動保障冇高度或深度限制。只要係休閒性質，都唔怕因超出限制而被拒賠。 - 醫療保障無上限門診次數
醫療保障額度高達 HK$1,500,000，住院同門診費用冇自付額，亦唔設次數上限、相對寬鬆。 - 涵蓋租車自負額
海外租車時如果發生意外，最高可賠償 HK$5,000。對鍾意自駕遊嘅人嚟講更加安心。
RunHotel 獨家高達 8 折優惠
3 日個人保費最平標準計劃折後 HK$86；而全年旅遊標準計劃折後 HK$840、全年非凡計劃折後 HK$1,360、全年尊貴計劃折後 HK$1,680。
推廣碼：50DSL10D
單次旅遊保預訂網址：https://starrinsurance.com.hk/hk_starr_insurance/insurance_detail/127087
全年旅遊保預訂網址：https://starrinsurance.com.hk/hk_starr_insurance/insurance_detail/127087
了解詳情：https://www.runhotel.hk/Starr-insurance-discount-code
- 全面基本保障
Avo 嘅旅遊保險涵蓋咗大部分旅程中常見嘅風險，包括旅程取消、延誤、行李丟失、個人責任、醫療費用保障等。基本計劃提供嘅緊急醫療保障高達 HK$1,200,000。 - 自選附加活動保障
無論係水上運動、冬季運動、業餘運動比賽、海外婚紗攝影或婚禮活動都可以額外加購相關保障，確保上述特殊活動中發生嘅意外都有保障。呢個設計喺傳統旅保公司較少見，更符合現代旅客需求。 - 個人財物保障
包括手提電話、手提電腦、相機等可以賠償。對於必帶電子產品出遊嘅年輕一輩呢項保障十分重要。
RunHotel 獨家高達 75 折優惠
Lite 計劃每程折後 HK$98 起、Plus 計劃折後 HK$140 起；全年 Lite 計劃折後 HK$1,295 起、Plus 計劃折後 HK$1,594 起。
全球旅遊保預訂網址：https://www.heyavo.com/zh-hk/products/travel
內地旅遊保預訂網址：https://www.heyavo.com/zh-hk/products/travel/china
大灣區旅遊保預訂網址：https://www.heyavo.com/zh-hk/products/travel/gba
泰國旅遊保預訂網址：https://www.heyavo.com/zh-hk/products/travel/thailand
了解詳情：https://www.runhotel.hk/avo-travel-insurance/
- 家庭計劃超值
只需俾兩位成人嘅保費，就可以保障最多 2 位家長同不限 18 歲以下嘅子女數目。對於多子女家庭好合適。 - 保障期自動延長
如果因為不可控事故延長旅程，大新會免費延長保障期 14 日、唔使擔心保單過期。 - 零自負額
所有保障項目都唔設自付金額，無論係行李遺失定其他財物損失都係直接賠償。 - 廣泛休閒活動保障
保障範圍包括消閒或業餘活動，例如滑雪 、滑水、熱氣球、跳傘、笨豬跳、潛水、攀石及爬山等。 - 個人財物保障充足
財物保障相機及現金等，相機嘅賠償額可達HK$7,500、啱曬帶相機出行嘅旅客。
RunHotel 獨家 7 折優惠
由即日起至 2025 年 3 月 31 日，三日旅程折後 HK$91（原價 HK$130）起、全年保障折後 HK$1,225（原價 HK$1,750）起。
推廣碼：RH25Q1
預訂網址：https://www.dahsinginsurance.com/?PromoCode=RunHotel_TS
了解詳情：https://www.runhotel.hk/Dah-Sing-travel-Insurance
根據活動及旅遊需求推薦
每個旅客嘅行程重點唔同，對旅遊保險嘅需求都會有所不同。以下係根據常見嘅旅遊活動類型，為大家推薦適合嘅保險計劃：
集中購物
如果你係以購物為主去旅行可能會帶多啲現金或買到唔少如電子產品等戰利品，呢類旅客應該選擇保障個人物品同行李嘅保險。小編提提大家，投保前記得睇清楚檢查保單對指定物品嘅賠償上限，應該揀 Cover 到行李中最貴單品價值嘅計劃。以下係幾間公司適合嘅選擇：
- Generali 忠意：提供全面嘅個人財物保障而且冇自付金額
- 藍十字：保障如手提電話、手提電腦、平板電腦等電子產品遺失或破損
- 大新：對現金同相機等都有保障
- Allianz 安聯：指定計劃針對手機失竊有賠償
自駕遊人士
如果你打算係旅行期間自駕，最好選擇含有租車自負額保障嘅旅遊保險。題外話，旅遊保一般唔包第三者意外責任賠償，所以租車時要睇清楚你揀嘅公司有冇包。如果冇包就要同租車公司額外買第三者保險。以下係幾個適合自駕旅人士嘅旅遊保：
- Starr：租車自負額保障最高可賠償 HK$5,000
- Allianz 安聯：部分計劃有租車保險自付額，仲有個人責任保障
- Avo：如旅程間所租車輛在被偷竊、損毀或遭遇車禍，Plus 計劃會保障汽車保險自負額、更涵蓋至露營車。
進行戶外運動
如果你計劃去旅行滑雪或潛水等就要選擇會保你將進行運動嘅旅遊保，特別係中意玩刺激活動嘅旅客最忌就係買咗唔適合嘅保險。仲有可以確認埋自己嘅裝備（滑雪板、潛水用具等）洗唔洗保險，有啲計劃旅遊保對自家或租借嘅設備都有保障。以下係幾間適合玩戶外活動人士嘅保險：
- Starr：保障冇高度或者深度限制，適合滑雪同潛水人士
- 中銀：保障非職業危險運動如 Bungee Jump 吊索跳、降落傘、激流、潛水、遠足及熱氣球等
- Generali 忠意：保障各休閒體育運動包括滑雪、水肺潛水、高空彈跳等
與高齡旅客出行
帶父母長輩旅遊，就一定要揀長者可投保而保障唔會被年齡影響嘅旅遊保。中銀旅遊保單次旅程計劃受保人年齡為 6 個星期至 100 歲，對高齡人士較友好。
選擇旅遊保險時並冇一個「最好」嘅選擇，最緊要係根據自己嘅行程同需求、挑選最合適嘅產品。希望大家睇完今次嘅指南可以善用內文資訊同優惠買到最心儀嘅保障。
最後提提大家，買旅遊保險後記得出行期間要 Claim 嘅野 Keep 好單據、報告等相關文件。出門旅行時發生意外，如果可以嘅第一時間聯絡保險公司嘅 24 小時救援熱線求助！同埋小編補充一句，保險公司會因情況修改內容和條款，本文只供參考，一切保額和內容以保險公司資料為準。
