【高雄駁二新酒店】帕鉑候工所距離車站一分鐘，最平 HK$504 起，仲有溜滑梯四人房！

高雄駁二有新酒店喇！帕鉑候工所 Papo’A Harbor Hotel 即將於 2024 年 4 月 30 日開幕。新酒店地點超方便，距離駁二蓬萊站僅需步行 1 分鐘，行 3 分鐘就到駁二藝術特區。酒店前身係港務局員工宿舍，成個設計都保留咗原候工室原始嘅水泥外牆，好有特色。酒店採用自助 check in 服務，客房配有 TOTO 免治馬桶、55吋智慧液晶電視、獨家訂製精油洗沐備品。