【吉隆坡柏悅酒店 Park Hyatt Kuala Lumpur】入住亞太區最高摩天大樓！252 間客房全採落地玻璃窗設計，仲有無邊際泳池！
吉隆坡最新嘅奢華地標終於登場！凱悅酒店集團（Hyatt Hotels Corporation）旗下奢華品牌柏悅（Park Hyatt）2025 年正式進駐馬來西亞，於全新地標默迪卡 118 大樓（Merdeka 118） 盛大開幕！這座全亞太區最高的摩天大樓，樓高 118 層，而吉隆坡柏悅酒店則坐落於第 75 至 114 樓層，住客可以喺高空盡覽吉隆坡壯麗的天際線與雙峰塔美景，享受前所未有的空中居住體驗。每晚房價 HK$2,700 起，經官網預訂仲會有開業會員優惠！
按此可查看吉隆坡新酒店資料庫
252 間高空客房與套房
房間設計方面，酒店有 252 間客房同套房，全部採用落地玻璃窗設計，將壯觀市景一覽無遺。房內空間寬敞舒適，設有書房工作區、步入式衣帽間、雙洗手盆，以及獨立淋浴與芳療蒸氣浴室。部分套房更配備專屬用餐空間，完全係高空私人公寓嘅感覺。
多間餐廳＋無邊際泳池
講到食，柏悅都好有睇頭。酒店嘅 Merdeka Grill 主打高空扒房體驗，用本地食材配合頂級牛扒同海鮮，仲有雪松木慢烤三文魚、夏多布里昂牛扒，甜品仲加埋本地魚子醬，成件事夠晒浮誇。想食本地菜就可以去 Park Lounge，傳統馬來古早味配合主廚新派做法，仲有超精緻嘅下午茶體驗。至於 Cacao Mixology & Chocolate 就係全吉隆坡第一間朱古力主題酒吧，有朱古力雞尾酒、甜品拼盤，仲可以參加甜品世界冠軍主廚帶領的朱古力工作坊。
如果想hea一hea，記得上去 99 樓嘅靜養中心。入面有瑜伽室、健身房、喜馬拉雅鹽洞、活力水療池，仲有一個 30 米長嘅無邊際泳池，可以邊游水邊望住吉隆坡全景。酒店仲引入咗少見嘅「晝夜節律療法」，幫你由朝到晚調整身心節奏，好啱長途飛完機嘅旅客。
設計靈感：甘榜美學與當代藝術
吉隆坡柏悅酒店整體設計都相當高質。由倫敦設計團隊 G.A Group 打造，靈感嚟自馬來西亞傳統嘅甘榜村落。當中有好多原木同編織元素，黃銅網屏加上蠟染圖案，既有當地文化味道，又保持現代感。整個氛圍溫潤自然，好似行入一個空中藝廊咁，酒店仲特登展出好多以馬來西亞自然景色為靈感嘅藝術品，亦特別安排默迪卡 118 區域導賞，帶領住客走訪默迪卡體育場、國家紡織博物館及清真寺等歷史文化地標，深度感受吉隆坡嘅文化脈絡。
吉隆坡柏悅酒店
地址：Menara Merdeka 118, Presint Merdeka 118, 50118 吉隆坡, 馬來西亞
▼Runhotel 幫你搜尋最平訂房網站▼
