【巴黎博物館通行證＋巴黎暢遊通票】購買方法、預約教學、景點分別、使用小貼士
好多歐洲熱門城市都會提供一種城市通行證，目的係為咗幫助遊客節省時間同錢。去巴黎的話，好多人都會入手「巴黎博物館通行證」，到底值唔值得買？入面包啲咩？點樣用最抵？呢篇文章會詳細地講解有關於巴黎博物館通行證內吓細節，包括喺邊度買同點樣用，大家可以根據自己嘅行程再作安排，再分析一下巴黎通行證同巴黎博物館通行證之間嘅區別。如果大家嚟緊都準備去巴黎，記得留意一下喇！
巴黎博物館通行證 Paris Museum Pass
「巴黎博物館通行證 Paris Museum Pass」係專為博物館愛好者設計，買咗之後可以進入巴黎及其周邊地區 50 多間博物館同紀念碑（每個景點可以進入一次。）。所以如果你是有心參觀多個法國巴黎有紀念性博物館，這個通票應該對你有用，但如果你只打算參觀一至兩個，就無需要喇！博物館通行證另一個附加嘅價值，係有「免排隊特權」，好似係羅浮宮同聖母院呢啲熱門景點，當你參考其它人嘅遊記或 YouTube，都會見到勁多人排隊，而且好多景點都要求提前預約時間，目的係為減少咗喺售票處排隊嘅人。所以如果你唔想排隊可以買「巴黎博物館通票」，變相係用錢買時間。凱旋門係巴黎博物館通行證包括嘅景點之一。持有巴黎博物館通行證嘅遊客唔需要提前預約就可以參觀凱旋門。
巴黎博物館通票價格可以分為 2 天 、4 天及 6 天：
2 天 HK$631
4 天 HK$758
6 天 HK$859
購買網址：
klook
https://www.klook.com/zh-HK/activity/3310-museum-pass-paris/?aid=16&aff_ext=paris
Getyourguide
https://www.getyourguide.com/zh-tw/paris-l16/paris-museum-pass-t49746/
巴黎博物館通行證包括的景點
巴黎博物館通行證包括嘅景點相當多，可以去超過 60 個景點，當中最熱門去既地點包括：
- 羅浮宮（€17）
- 奧賽博物館（€18）
- 聖母院 & 考古地下室入口（€9）
- 聖母院小禮拜堂（€11.50）
- 監獄宮（€11.50）
- 凱旋門（€13）
- 奧蘭日里博物館（€12.5）
- 龐比度中心（€14）
- 羅丹博物館（€14）
- 畢加索博物館（€11）
- 軍事博物館 & 拿破崙墓（€14）
- 凡爾賽宮 & 特里亞農莊園（€18）
- 尚蒂伊城堡（€17）
- 芳堤娜城堡（€12）
- 文森城堡（€9.50）
- 所有景點可按此
當然，唔係所有景點都可以用到巴黎博物館通行證，用唔到嘅就有：
- 艾菲爾巴黎鐵塔 (Eiffel Tower)
- 地下墓穴 (Catacombs)
- 阿斯特裡克斯公園 (Parc Astérix)
- 巴黎迪士尼樂園 (Disneyland Park)
- 蒙帕納斯大廈 (Montparnasse Tower)
- 巴黎水族館 (Paris Aquarium or Cinéaqua)
- 巴黎悖論博物館 (Museum of Paradox)
- 巴黎格雷萬蠟像館 (Grévin Wax Museum)
- 聖禮拜堂 (Sainte-Chapelle)
- 塞納河遊船 (Seine River Cruise)
- 歌劇院 (Opéra Garnier)
巴黎博物館通行證的購買和使用方法
巴黎博物館通行證嘅購買方法非常簡單，大家可以直接喺官網上面預訂，又或者直接喺法國機場、巴黎遊客中心等等都可以買到，不過最方便都抵玩，一定係喺 KLOOK、GetYourGuide 等平台預先購買，會平好多！
購買網址：
klook
https://www.klook.com/zh-HK/activity/3310-museum-pass-paris/?aid=16&aff_ext=paris
Getyourguide
https://www.getyourguide.com/zh-tw/paris-l16/paris-museum-pass-t49746/
買咗通行證之後，好多博物館都依然係要預先上網預約參觀時間，特別係熱門個啲景點，好易因為爆滿而有 pass 都入唔到去。當中一定要預約嘅景點包括羅浮宮、凡爾賽宮、橘園美術館、巴黎古監獄、聖徒禮拜堂等等，而比較少人唔太需要預約嘅就有凱旋門、龐比度中心等等。預約方法都好簡單，基本上係去返各大景點官網購票時揀「Paris Museum Pass holders」，再揀埋前往嘅日期、時間、人數，到時出示返通行證及預約時間就可以喇！通行證會喺你第一次使用時啟動，而且係按日計算不按小時，必須連續幾日使用，所以一定要將會用到通行證嘅景點集中放晒嗰幾日！
另外，18 歲以下嘅小朋友不需要巴黎博物館通票，因為部份博物館係免費嘅，小朋友只需要預約時間段，並出示適當嘅身份證件以領取免費門票。
▼預約方法
巴黎博物館通行證使用小貼士
想善用你嘅巴黎博物館通行證，就要跟住呢啲貼士同指引：
– 星期一同星期二或者每個月嘅第一個星期日，好多巴黎嘅博物館都會關閉，所以一定要避免喺呢啲日子使用通行證；每個月嘅第一個星期日係免費入場博物館日，用咗就會好浪費喇！
– 通行證按日除計算，唔係小時，一定要一大清早開始使用，咁樣先可以得到最大價值，特別係使用短期通行證，最好 group 晒啲景點喺嗰幾日。
– 部分景點如羅浮宮、凡爾賽宮都要花幾乎一日，喺排行往嘅時候就要留意一下喇～
– 18 歲以下嘅兒童及殘疾人士大部分博物館都可以免費入場，無需購買通行證。
– 建議喺 Klook 或網上預先購買通行證，唔好等到去咗一個熱門博物館先買，因為巴黎真係一個非常多遊客嘅地方，排隊嘅時間比你想像中多好多！購買網址：https://www.klook.com/zh-HK/activity/3310-museum-pass-paris/?aid=16&aff_ext=paris
巴黎通行證 The Paris Pass
喺巴黎仲有另一種通行證好受歡迎﹐就係巴黎暢遊通票 The Paris Pass ，佢係一個更全面嘅城市通行證，提供 80 多個巴黎博物館同景點嘅快速通道入場。如果你買咗巴黎通行證，你會得到兩張通行證：巴黎博物館通行證同巴黎通行證。
對於巴黎暢遊通票同巴黎博物館通行證，兩個 Pass 應該點揀嘅問題，如果你係一位博物館愛好者，真心想喺巴黎花時間盡量多睇藝術同歷史，可以考慮單買巴黎博物館通行證，咁就可以參觀埋艾菲爾鐵塔、巴黎隨上隨下巴士觀光之旅、羅浮宮皇家酒窖品嚐法國葡萄酒 、巴黎聖母院和考古地穴體驗、塞納河觀光遊船、蒙馬特 & 聖心堂健行之旅、歌劇院同蒙帕納斯塔等等，巴黎通行證仲會包埋導賞團，等你唔使係咁 plan 行程！
購買網址：
Klook
https://www.klook.com/zh-HK/activity/6165-paris-pass-paris/
Getyourguide
https://www.getyourguide.com/paris-l16/paris-go-city-all-inclusive-pass-with-35-attractions-t433772/
巴黎通行證價格：
2日：€159 巴黎通行證，HK$1,312 起
3日：€194 巴黎通行證，HK$1,601 起
4日：€229 巴黎通行證，HK$1,890 起
6日：€269 巴黎通行證，HK$2,220 起
巴黎通行證包括景點：
巴黎暢遊通票 The Paris Pass 提供 91 個巴黎博物館同景點嘅快速通道入場，包括：
艾菲爾鐵塔導覽攀登（€38）、
歌劇院（€14）、
巴黎大巴跳上跳落遊（€42）、
巴黎人船遊（€17）、
盧浮宮地窖紅酒博物館（€35），
一小時導賞葡萄酒品酒之旅、聖母院同考古地下室體驗（€34）、
蒙帕納斯塔觀光（€15，或週末€17）、
蒙馬特同聖心大教堂步行遊（€38）、
馬雷區步行遊（€36）、
拉丁區步行遊（€36）、
有蓋通道步行遊（€36）、
蒙帕納斯社區步行遊（€36），
完整列表。
值得留意的是，巴黎博物館通行證同巴黎通行證係同時啟用，無論你先用邊一張，兩張都會同一時間開始計時啟用。
