香港嘉里酒店自助餐優惠｜午餐及晚餐有 8 折，自助晚餐 HK$664 起，每枱送海鮮拼盤、任食三文魚籽、花膠撈麵，星期五至日更有皇帝蟹腳
今個 4 月，香港嘉里酒店嘅大灣咖啡廳再度推出升級版「海洋珍饈盛宴」自助晚餐，海鮮控絕對要 Bookmark！有龍蝦、矜貴花膠，到任食三文魚籽，再加上每枱都有嘅豐盛海鮮拼盤，款款都係重點位，真係多嘢食到停唔到口，輕鬆食到回本！
首先，最吸引係每枱都會奉上升級版海鮮拼盤 (只限一盤)，如果一至四入座，會有龍蝦、韓國扇貝、韓國青口、凍三點蟹同醃香草三文魚，份量十足；而星期五至日、公眾假期及前夕更加升級到皇帝蟹腳、韓國莞島鮑魚等高級海鮮，海鮮控必試！所以如果想食皇帝蟹腳就記得訂星期五至日喇。
刺身區同冰鎮海鮮區同樣誠意十足，無限量供應三文魚籽，配搭帶子、油甘魚、阿根廷紅蝦等時令刺身，海鮮迷一定食到滿足，仲有龍蝦、長腳蟹、大蝦、藍青口等輪流供應，抵食程度再升級！指定日子（4 月 18、19、25 及 26 日）更有現場即劏原條藍鰭吞拿魚表演，廚師即場展示刀工，將頂級藍鰭吞拿魚即劏即切。
熟食方面同樣精彩，推介包括紅燒花膠伴蝦籽麵，花膠厚身彈牙配濃郁蝦籽香氣，超級矜貴；仲有薑蔥炒龍蝦鉗、蒜蓉牛油大蝦、花雕雞油蒸原條海鱸魚等熱葷海鮮，環球風味方面仲有四川口水鮮魷、西班牙海鮮飯、冬陰浸蜆、泰式蜆肉生菜包等，現場即叫即製嘅海鮮豆乳熱石鍋亦係焦點，滾燙石鍋鎖住海鮮鮮味，熱辣辣上枱。最後再以雞蛋仔、焦糖布甸同意式雪糕收尾，甜品控都唔會失望！星期一至四可無限暢飲果汁、咖啡及茶；星期五至日及公眾假期更升級至任飲紅白酒、啤酒、汽水等。
經klook 或 Kkday 網站預訂可享有 8 折，成人 8 折後自助晚餐 HK$591（連服務費後 HK$665 起）。
▼ Runhotel 幫你搜尋最平預訂網站 ▼
以下是小編於星期六體驗的情況
▼海鮮區算係重點位，見到幾個大桶裝滿龍蝦、長腳蟹同其他海鮮，畫面其實幾震撼。龍蝦對半切開，肉質望落幾飽滿；旁邊仲有一大盆三文魚籽（Salmon Roe／三文魚籽） 無限量供應，橙紅色好搶眼。三文魚籽係完全開放式任拎，可以自己舀。
▼入座後，每人會有一盤海鮮拼盤 (只送一次)，星期五至日就有皇帝蟹腳和韓國鮑魚、還有蟹、青口和帶子。
▼皇帝蟹腳真係啖啖肉，超正。
▼ 刺身有三文魚、吞拿魚、帶子、甜蝦、八爪魚，色澤自然。三文魚油脂紋理明顯，帶子同甜蝦偏白透亮，整體感覺新鮮度唔錯。
▼ 熟食方面有紅燒花膠伴蝦籽麵，花膠厚身彈牙配濃郁蝦籽香氣。
▼蒜蓉粉絲蒸扇貝
▼當晚其它熱盤
▼ 甜品區一入場已經好吸睛，整個玻璃櫃擺滿細件dessert，加上復活節主題裝飾（兔仔、雞蛋、公仔擺設）。
▼環境方面，木系裝修，燈光偏暖，坐得舒服，唔會太擠迫。
香港嘉里酒店大灣咖啡廳
地址：香港九龍紅磡灣紅鸞道38號3樓
▼ Runhotel 幫你搜尋最平預訂網站 ▼
按此可以睇埋近期有咩自助餐買一送一。
(adsbygoogle = window.adsbygoogle || []).push({});