逾 40 年灣仔咖喱老字號餐廳重開，國際咖喱館已進駐英皇駿景酒店 Monkey Cafe
灣仔人熟悉嘅人氣咖喱老字號餐廳「國際咖喱館」，喺區內屹立逾 40 年，去年 5 月因租約期滿結業，一度令招牌秘製咖喱成為回憶。事隔接近一年，餐廳現已正式進駐英皇駿景酒店 Monkey Cafe 重新開業，呢間被譽為「城中名人飯堂」嘅經典食店，正式回歸灣仔，繼續帶來地道南亞風味。
一直以來，「國際咖喱館」憑獨有秘製咖喱粉炮製多款國際化咖喱菜式，吸引唔少城中明星、富豪等名人幫襯，亦係好多老饕同港人嘅集體回憶。今次回歸由老闆蘇文英師傅親自操刀及傳授技藝，將多款經典招牌菜再次呈現，包括乾炒咖喱雞、蘇門塔臘黑咖喱羊、錫蘭白咖喱、香椰星加坡咖喱雞、咖喱角，以及東印度巴基斯坦咖喱牛脷等，務求原汁原味重現昔日風味。英皇集團副主席楊政龍表示，集團好高興可以將「國際咖喱館」帶返灣仔，並落戶英皇駿景酒店。
蘇文英師傅就表示，非常感謝英皇駿景酒店提供機會，讓「國際咖喱館」可以重返灣仔。他提到，自去年結業後，唔少招牌咖喱菜式一度失傳，今次進駐 Monkey Cafe重新開業，除咗希望延續呢份獨特風味，亦希望可以繼續回饋一直支持嘅街坊同熟客。
瀏覽菜牌：
單點 (全日供應)
午市套餐 (中午12時至下午2:30供應)
特別推介經典招牌菜：
【干炒腩】：乾香惹味，肉質軟稔入味，是店內人氣冠軍
【錫蘭白咖喱】：清而不辣，椰香濃郁，溫潤順滑，帶有獨特的口感層次
【蘇門達臘黑咖喱】：以多種藥材加進咖喱膽熬成，故顏色和呈黑而滲有濃郁藥材味，味道帶辣，襯托牛或羊肉最佳
除咗可以重溫經典咖喱，如果想搵小型公司活動或者小型包場聚會場地，亦 Monkey Cafe 舉行，詳情可瀏覽：https://event.runhotel.hk/tour/emperor-hotel-monkey-cafe/
▼國際咖喱館菜式
▼ 英皇駿景酒店 X 國際咖喱館
▼英皇駿景酒店 X 國際咖喱館
▼蘇文英師傅
▼國際咖喱館之前在 2025 年宣佈結業 (網上圖片)
英皇駿景酒店 x 國際咖喱館 (Monkey Cafe)
地址：灣仔皇后大道東 373 號英皇駿景酒店地舖
電話：29613340
訂座或 Whatsapp 網址： 5407 3340
或按此預訂 Monkey Cafe 包場或公司活動
(adsbygoogle = window.adsbygoogle || []).push({});