位於尖沙咀的海景嘉福洲際酒店嘅自助晚餐向來都相當受歡迎，酒店最近加碼住宿連自助餐優惠，星期一至四入住，房價 HK$1,860 (已連服務費) 連於海景咖啡廊享用自助晚餐，仲包埋翌日雙人自助早餐，可以提早到 12 點入住、延遲退房到下午 3 點，而星期五、六入住房價 HK$1,488 (連服務費 HK$1,637)起，可於瀚林廳 / 樂韻廳享用國際自助餐 ，同埋亦包括自助早餐。今期海景咖啡廊享自助晚餐推出「貝類水產鮮味配」主題，可以任食 11 款海鮮，自然係海鮮控嘅最愛！

11月份內預訂「美食住宿之旅」配自助餐仲有額外升級優惠，當中包括可以免費升級至尊尚半海景客房、自助晚餐期間無限添飲汽水、精選紅白酒及啤酒，另外再送你海景咖啡廊單人自助晚餐禮券於下次享用（價值HK$723）。而如果你係於 11 月生日的話，於 11 月 30 日前入住，入住期間就可以免費獲贈朱古力慕斯蛋糕或士多啤梨慕斯蛋糕一個，而 12 歲下嘅小朋友仲會獲贈神秘生日禮物一份添！

自助晚餐食物選擇超級多，「貝類水產鮮味配」主題由即日起至 12 月 6 日供應，主打當然係法國 Fine de Claire 生蠔啦，冰鎮海鮮方面仲有加拿大松葉蟹腳、英國麵包蟹同智利藍青口。另外仲有即煮海鮮站，白灼藍花蟹、草蝦、蟶子、花甲及東風螺，可以帶出海鮮原來嘅鮮味！餐廳仲會送每位成人半隻新鮮波士頓龍蝦添，客人可以自己揀烹調方法（包括煎或蒸）。除此之外仲有大量海鮮菜式，包括即煮生滾海鮮粥、豉椒炒蜆、泰式黃咖哩炒蟹、美式燴海鮮、酥炸日本廣島生蠔、焗釀北海道蟹蓋等等，刺身方面嘅選擇都不少，有三文魚、吞拿魚、北海道帆立貝、鯛魚、甜蝦及赤貝。每晚 7 點 15 分及 30 分都會限量供應蒜蓉粉絲蒸扇貝及即烤乳豬。

如星期五、六入住，自助餐會在瀚林廳 / 樂韻廳享用，海洋選擇會少一些，無即開生蠔和麵包蟹，任食 menu 可按此參考。

預訂及適用入住日期：即日起至 2020 年 12 月 17 日
預訂網址：
https://eshop.icgrandstanford.com/products/summer-dine-stay?ref=rh

預訂 tips
星期日至四入住請先選擇「海景咖啡廊享用自助晚餐」+ 城市客房，星期五、六入住先選瀚林廳 / 樂韻廳 + 城市客房，然後才選擇日期。

▼ 半海景客房

▼ 小編同大家分享最近星期一至四海景咖啡廊享用自助晚餐既體驗啦，有法國生蠔任食！

▼凍海鮮都有好多款，必食加拿大松葉蟹腳、英國麵包蟹

▼麵包蟹多膏

▼ 仲有凍煆、螺、青口、細龍蝦等

▼ 今期自助晚餐最正係有白灼海鮮，廚師會即叫即煮，白灼可以保留海鮮的鮮味，而海鮮都有唔少選擇，包括蟹、蝦、螺、聖子、青口等

▼仲有即煮海鮮粥，大家可以挑選想要的海鮮

▼刺身方面，有三文魚、吞拿魚、北海道帆立貝、鯛魚、甜蝦及赤貝

▼熱盤有泰式咖喱炒蟹

▼黃金骨

▼焗北海道蟹蓋

▼美式雜錦燴海鮮

▼每晚 7 點 15 分及 30 分都會限量供應蒜蓉粉絲蒸扇貝

▼甜品方面選擇都不少！有芒果拿破崙蛋糕、藍莓芝士餅、歌劇院蛋糕等。

▼即整迷你紅豆銅鑼燒

▼ 最後留肚食甜品，Häagen-Dazs 6 款雪糕任食

條款及細則

• 優惠須提早一日預訂
• 所有價目已包括加一服務費
• 優惠有效期至2020年12月17日
• 酒店將視乎場地情況而安排客人於瀚林廳或樂韻廳享用國際自助餐
• 晚餐只限堂食
• 延長一晚住宿優惠不適用於套房預訂
• 兒童7歲以下免費，7歲或以上需付第叁位客人之附加費
• 此優惠不包含洲際行政俱樂部的尊屬禮遇
• 訂單確認後，不接受退款
• 優惠更改須提早24小時，並視乎房間供應情況及最終確認
• 推廣內容如有更改，恕不另行通知
• 預訂客房需視乎房間供應情況而定
• 此優惠不適用於洲際皇家大使周末住宿禮券
• 此優惠不能與任何其他推廣優惠或折扣同時使用
• 此優惠不適用於洲際皇家大使客房升級及禮遇
• 如有查詢，請電郵至 reservations@icgrandstanford.com 與我們的訂房部聯絡

條款及細則

• 所有訂單需視乎供應情況而定及以確認付款後為準。
• 所有價格均以港元計算。
• 於 “餐飲”系列中, 所有價格均含10％的服務費。
• 不能兌換現金或其他服務。
• 所有已確認的訂單一概不設退款、不可更改或取消。
• 如有任何爭議，海景嘉福洲際酒店保留最終決定權。
• 如有查詢，請致電+852 2721 5161或電郵至info@icgrandstanford.com

海景嘉福洲際酒店
地址：香港九龍尖沙咀東部麽地道 70 號

▼海景嘉福洲際酒店eshop 預訂網址▼
https://eshop.icgrandstanford.com/products/summer-dine-stay?ref=rh