【香港東隅酒店 FEAST 半自助餐優惠】買 2 位成人送 1 位小童！3 位半自助午餐 HK$801、四道菜晚餐 HK$750 起
香港東隅酒店自助餐 FEAST (Food by EAST) 推出夏日優惠，買 2 位成人送 1 位小童免費食！平日半自助午餐、週末及公眾假期半自助早午餐，以至平日同週末晚市套餐都有優惠，而且以下價錢已經包原價加一服務費，一家三口計落幾抵食。
▼預訂網址▼
https://www.kkday.com/zh-hk/product/146806
如果兩大一細最抵食，平日星期一至三四道菜晚餐最抵食，2 成人加 1 位 3 至 11 歲小童只需 HK$750，即係平均每位 HK$250；晚餐 4 道菜套餐有沙律吧、前菜、主菜同甜品，主菜可揀香烤碎辣三文魚、烤本地放養雞胸或者手工意大利薯糰配南瓜蓉。3 位只需 HK$750，小童有兒童餐牌，如果主要想一家三口平平地去酒店食晚飯，呢個最值得留意。星期四至日晚餐都有買 2 送 1 小童，價錢 HK$1,130，價錢就明顯高平日一截，不過食物亦豐富好多。前菜有蝦、青口、鮑魚及時令海鮮組成嘅海鮮拼盤，主菜可以揀蟹肉意大利麵、香煎南極鱈魚、慢煮法國春雞等，最後仲有甜品車任揀兩款甜品。如果想再豪啲，亦可以加錢升級法式紅酒燴牛小排、澳洲 M8 和牛臀蓋肉或者 500 克烤波士頓龍蝦。
如果想有多少少自助餐 feel，可考慮平日半自助午餐，3 位 HK$801、平均每位 HK$267，可以任食沙律、冷盤同甜品，再揀一款即叫即製主菜，包括法式油封鴨腿、西班牙香烤八爪魚、英式焗三文雪魚批、摩洛哥烤羊肉串等；想食牛扒就可以加 HK$80 升級烤美國頂級側腹牛扒。週末想一家人慢慢歎 Brunch，3 位 HK$860、平均每位約 HK$287。至於星期四至日晚餐人均價最高，但有海鮮拼盤、主菜同甜品車，食物豐富度明顯高一截，適合想食得豪少少。
資料最後核對：2026 年 8 月 14 日（價錢及供應情況以 KKday 頁面為準）
FEAST 夏日優惠價錢
- 平日半自助午餐｜買 2 成人送 1 小童 HK$801 一組（2 成人＋1 小童），平均每位HK$267，用餐時間：星期一至五 12:00-14:30（公眾假期除外）。
- 週末及公眾假期半自助早午餐｜買 2 成人送 1 小童 HK$860 一組（2 成人＋1 小童），平均每位約HK$287，用餐時間：星期六、日及公眾假期 12:00-14:30。
- 852 GREEN DINNER 平日四道菜晚市套餐｜買 2 成人送 1 小童 HK$750 一組（2 成人＋1 小童），平均每位HK$250，用餐時間：星期一至三 18:00-22:00。
- WEEKEND FEAST TABLE 週末四道菜晚市套餐｜買 2 成人送 1 小童 HK$1,130 一組（2 成人＋1 小童），平均每位約HK$377，用餐時間：星期四至日 18:00-22:00。
以上優惠價已經包原價加一服務費，所以計數時唔使再額外加一。
小朋友唔係跟大人食，仲有獨立 Kids Menu
今次「買 2 成人送 1 位 3至 11 歲小童」另一個幾吸引嘅地方，就係小朋友有自己嘅 Kids Menu，唔係淨係跟住大人食。兒童套餐包一款指定飲品同一球朱古力雪糕，飲品可以揀蘋果汁、橙汁或者牛奶；主菜就有日式雞蛋炒飯、迷你牛肉漢堡、酥炸鱈魚柳、軟麵包吞拿魚三文治或者肉醬意大利麵等，款式都係比較啱小朋友口味。
小編之前實試 FEAST
小編之前都有去過 FEAST (Food by EAST) 試星期一至五嘅商務午市半自助餐，大家可以睇下餐廳環境，同埋自助區大概係點。以之前體驗嚟講，FEAST 嘅自助餐桌唔係行「勁多款」路線，但勝在食物水準唔錯，而且餐廳環境舒服，座位亦唔會令人覺得太迫。如果想慢慢食、傾下偈，比起追求幾十款食物任拎，FEAST 呢種半自助形式反而幾舒服。
以下相片係小編之前體驗時拍攝，並非今次優惠嘅即時菜式圖片。餐廳菜式及自助餐桌內容有機會因供應而調整，一切以酒店當日安排為準。
▼之前去食嘅時候，自助午餐有生蠔供應，當日職員 keep 住 refill，基本上唔使點排隊。 
▼甜品同雪糕都係 FEAST 幾吸引嘅部分，之前體驗時甜品賣相幾精緻。 
▼比較特別嘅係可以自己斟礦泉水、有氣水等。 
▼FEAST (Food by EAST) 餐廳仲有半露天空間，天氣好嘅時候幾 chill。 
相關自助餐優惠
如果仲想睇多幾間酒店、比較完價錢先決定，可以睇埋：
・更多香港酒店自助餐優惠
・比較香港自助餐價錢
香港東隅酒店 EAST Hong Kong｜FEAST (Food by EAST)
地址：香港太古城太古城道 29 號香港東隅 1 樓
交通：港鐵太古站 D 出口
用餐日期：2026 年 8 月 14 日至 9 月 30 日
▼預訂網址▼
https://www.kkday.com/zh-hk/product/146806
