京都嘉佩樂酒店 2026 年開幕｜隈研吾打造禪意奢華設計、體驗舞妓款待同私人溫泉套房嘅京都新酒店推薦
京都嘉佩樂酒店（Capella Kyoto）」預計喺 2026 年春天開幕，係嘉佩樂酒店集團第一次登陸日本。由世界知名建築師隈研吾親自設計，酒店將京都傳統町家風格同現代奢華元素融合得恰到好處，散發出獨特嘅「禪意奢華」氣氛。住客除咗可以享受私人溫泉套房、頂級法式同日式餐飲，仲可以體驗舞妓奉茶、金繼修復、木屐工藝等京都特色文化，絕對係 2026 年最值得期待嘅京都新酒店之一。
隈研吾打造「禪意奢華」京都新地標，體驗舞妓款待與私人溫泉套房
來自新加坡嘅頂級酒店品牌「嘉佩樂（Capella）」即將首次進駐日本，「京都嘉佩樂酒店」預計於 2026 年春季 正式開幕，地點位於京都東山區祇園中心地帶，距離清水寺、八坂神社同鴨川等名勝都好近，位置極之方便。酒店將於 2025 年 11 月 10 日 起開放預訂，提供 2026 年 3 月 23 日 之後嘅入住日期。
禪意與現代交織嘅建築美學
整個項目由建築大師 隈研吾建築都市設計事務所 主理設計，將京都傳統町家「間」嘅理念融入空間，展現出靜謐而優雅嘅氣氛。酒店興建喺昔日「新道小學校」原址，部分建材經重新利用，延續歷史記憶。中庭中央種有小學時代留下嘅櫻花樹，成為整個空間嘅靈魂象徵。
建築為地上四層、地下兩層設計，外觀低調卻極具現代感，既融入京都街景，又散發奢華氣息。
89 間客房、6 間私人溫泉套房
酒店共有 89 間客房，包括多款套房房型，當中 6 間溫泉套房 提供天然泉水私人風呂，讓住客盡享靜謐時光。整體客房空間以天然木質與柔和色調為主，呈現日式禪意風格。
三間餐廳與 Auriga Spa 水療中心
酒店設有三個餐飲空間，包括以法式料理為主嘅 French Brasserie、承襲花街文化氣氛嘅 Omakase 和食餐廳，以及結合炭火料理概念嘅日式餐廳，呈現京都風味新詮釋。
水療中心 Auriga Spa 提供多款療程與溫泉體驗，讓旅客在京都旅程中獲得身心放鬆。另有面向花園嘅宴會廳，可用於茶道體驗或慶典活動，充分展現京都自然與藝術嘅和諧之美。
獨特文化體驗「Capella Curates」
嘉佩樂京都亦為住客準備三項專屬體驗：
- 「宮川町之門」：由舞妓親手奉上抹茶與和菓子，欣賞傳統舞樂表演。
- 「漆之匠」：體驗日本傳統漆器工藝與金繼修復技術。
- 「一步一心 – Soul of Geta」：由百年木屐工坊師傅指導，了解日本古法製履文化。
呢啲活動讓旅客能深入感受京都人文藝術嘅深厚底蘊。
房價資訊
京都嘉佩樂酒店暫時接受 2026 年 3 月 23 日起入住的預訂，暫時開幕首日入住的 Deluxe City King 客房，每晚房價為 450,100 日圓（已包稅及服務費），折合約港幣 23,400 元，住宿方案已包括雙人早餐，此房型面積約為 50 至 52 平方米，配有一張特大床，房內可欣賞宮川町一帶的街景。
京都嘉佩樂酒店 Capella Kyoto
地址：京都府京都市東山區大和大路通四條下る四丁目小松町130
交通：京阪本線「祇園四條站」步行 4 分鐘；阪急京都線「京都河原町站」步行 8 分鐘
開幕日期：2026 年春季
電話：+81 75 606 5810
官網： https://capellahotels.com/en/capella-kyoto
(adsbygoogle = window.adsbygoogle || []).push({});