【珠海御溫泉度假村攻略】交通方法 / 四間酒店介紹 /什麼是大餐廟會 / 二日一夜夠玩嗎？
文章目錄
引言
珠海御溫泉渡假村位於珠海市香洲區，係一個集合咗超過 50 個唔同主題嘅溫泉池同 4 間酒店嘅度假勝地。御溫泉度假區範圍超大，可以喺度踩單車，夜晚仲可以放煙花，成個溫泉區有好多唔同款式嘅浴池，酒店內有好多打卡位，可以盡情享受各種設施，仲可以睇小動物添。夜晚廟會型式的自助餐，吃喝玩樂 4 個鐘，遊戲同歌舞表演都應有盡有，而且「廟會」範圍好似片場咁，除咗有特色小店，仲有小橋流水，食夠出去玩，玩夠再返嚟食自助餐，可以出入無限次，都幾正！
▼珠海御溫泉預訂網站▼
https://www.klook.com/zh-HK/activity/52180-yu-hot-spring-resort-zhu-hai/
香港去珠海御溫泉的交通方法
關於交通，都是最多人問和最多人關心的部份，所以先同大家講講交通，方便大家安排行程。
香港去珠海，可以坐船或直通巴，先講講坐船。
坐船去珠海九洲港
在上環碼頭，和尖沙咀中港城碼頭，都有船可以坐去珠海九洲港碼頭，船程大約 1 小時 10 分鐘，坐船既好處係，可以網上預先買票，準時，同埋保證有位，假期出發保證有位同埋開船時間準真係好重要（同老人家或小朋友出門有位坐真係好重要！），單程成人每位 $200、小童 $110。
香港去珠海九洲港每日船程時間表
由上環港澳碼頭出發：08:50*、10:30、13:50*、15:30*、17:30*、19:30
由尖沙咀中港城碼頭出發：08:30、11:30*、13:30*、15:10*、17:10、18:50*
請注意，帶有星號(*)的時間，表示該航班經上環港澳碼頭前往珠海九州港/九龍中港城中國客運碼頭
但注意每日上環碼頭和尖沙咀碼頭去珠海的航班只有 6 班（即共 12 班），缺點是時間較疏落。到達珠海九州港碼頭後，只可以選擇叫車或坐的士去珠海御溫泉，車費大約 RMB 160。或可選擇坐御溫泉免費接駁車，
珠海九州港碼船票預訂網址：
https://www.wingontravel.com/ferry/
御溫泉免費接駁車於九洲港時間表和出發位置
九洲港➞御溫泉：11:10、14:10、16:10、17:10
御溫泉➞九洲港：9:00、12:00、13:00、14:30
雖然九洲港有御溫泉免費接駁車，但如果大家細心留意，其實香港坐船到達九洲港後，要等一小時以上才有接駁車，所以如選擇坐船去御溫泉，去到珠海最好坐的士。
▼九洲港出發候車點
珠海金巴
第二個方法，就是經港珠澳大橋，坐金巴。去港珠澳大橋的方法，就是乘坐座城巴機場快線巴士，包括 A11、A21、A22、A23 、A25、A296 ，在港珠澳大橋香港口岸下車，然後轉乘坐金巴，由香港到達珠海橫琴口岸，大概需要 45 分鐘，然後再用手機叫車去御溫泉，大約 RMB120 車費。不過留意珠海金巴差不多要 30 分鐘才有一班。金巴就唔需要預早買飛既，坐機場巴士去到口岸，再現場買金巴既飛就OK。而 3 歲或 95 cm 以下，不占座位小童免費。
提提各位爸爸媽媽，每名乘客只可以帶一位行李，包括 BB 車（都叫做一件）。
到達珠海口岸後，除了直接坐的士外，如果想想平一些，可以再轉口岸巴士，去拱北口岸 （珠海輕軌站）車費 $10，就可以轉搭御溫泉接駁車 (車程約 45 分鐘)。
留意如需坐御溫泉接駁車，需要提前至少 1 日打 0756-5797128 預約，同埋要提前 15 分鐘到接駁點搭對應嘅接駁車。返程候車點在御溫泉的御瀛莊酒店門前，訂返程車票在酒店前台預訂就可以喇！自駕游去御溫泉渡假村嘅朋友，可以直接泊車喺入場辦理大廳隔離嘅停車場，車位非常充足！
▼御溫泉渡假村接駁車
城軌珠海站接駁車時間表如下
城軌珠海站➞御溫泉：11:30、14:30、16:30、17:30 (車程約 45 分鐘)
御溫泉➞城軌珠海站：9:00、12:00、13:00、14:30 (車程約 45 分鐘)
▼城軌珠海站出發候車點 (車程約 45 分鐘)
總結一下，經港珠澳大橋去御溫泉：
- 有心理準備，要轉好多程車，轉車次數越多，等待時間就越長，所以最少預留 3 小時以上才能到達御溫泉。
- 坐車比坐船便宜（因此，如果經濟許可，坐船再轉乘的士是最舒適的方法）。
- 如果時間充裕，到達拱北口岸後，那裡有餐廳可供用餐，因此很多人會選擇經港珠澳大橋，先在拱北用午餐，然後再乘坐接駁車前往御溫泉。
御溫泉地圖
御溫泉真係好大，第一次黎，真係好有度假感覺 (可按此看大圖)
如果你仲諗緊係帶小朋友黎御溫泉，定珠海長隆宇宙飛船，可參考：珠海長隆宇宙飛船介紹
溫泉設施介紹
御溫泉嘅水質極為豐富，含有好多對人體有益嘅礦物質，而且啲溫泉水完全純天然，絕不會人工加熱。所有溫泉水都係 100% 直接由地底深處通過管道送到各個溫泉池，而且每個泉池都係持續噉流動，不會重複使用，保證每一滴泉水都係新鮮嘅，大家用嘅時候可以完全放心，而且每 4 個鐘頭就會換一次水。
御溫泉亦創新引入咗露天園林式嘅溫泉享受，開發咗好多種特色溫泉，包括加料溫泉、情境溫泉同私家溫泉；種類繁多，有華興池、六福湯「N」次方、高溫池、香薰湯、瀑布溫泉、咖啡溫泉、酒池、姜湯、醋池、蜜湯、名木湯、花草泉、音波噴射泉、木桶泉、藥足浴、忽然一泉、瓜果湯、椰奶泉、三合風呂、鹽霧浴、鹽池、遊泳池同地熱帶等等。除此之外，仲有桑拿浴、蒸汽浴等多樣化嘅服務項目。
▼露天溫泉，係 24 小時開放，所以夜晚凌晨去浸都無問題
▼更衣室內免費提供消毒的泳衣泳褲、拖鞋、毛巾、擦腳巾、牙膏、紙內褲、泳帽等。
▼設有母嬰室
▼露天區免費提供熱飲、凍飲、糖水同雪糕
▼地熱帶，石板下面係全日24小時嘅活水溫泉，即使唔浸水都可以攤係度享受下！
▼溫泉區仲有泳池呀！
▼浸完溫泉仲可以去休息室食嘢飲嘢
御溫泉度假村內的四間酒店介紹
大部份香港人去珠海御溫泉度假村，都會入住兩日一夜，所以這部份就講講關於酒店。御温泉度假村設有 4 間酒店，名字叫「長盛莊酒店」、「雲來客棧」、「御瀛莊」、和「御泉府邸」，下文會詳細介紹第一間酒店。
所有酒店入住時間係 15：00，退房時間是第二日 13:00，早咗嚟嘅朋友都可以checkin拎咗房卡先，去到酒店大堂寄存行李，浸溫泉周圍玩下，15:00 再上返客房都得！
另外，訂酒店的時候，很通常會聽到「入格」，「入格」有兩個意思。一是雲來客棧入住稱入格，入住一人叫一人入格，二人入住，叫多二入格。二是雲來客棧的其中一種房型叫入格，入格房型的特點之一是沒有固定牀的，就像日式榻榻米一樣，全部睡在地上，所以房間可以容納 1 至 6 人，而房間就跟日本一樣，以入住人數來收費。
▼四間酒店都會喺入場辦理大廳 checkin 
▼有免費嘅甜品、飲品同雪糕提供
▼checkin之後會有酒店專用車，帶大家去返相對應嘅酒店
長盛莊酒店
長盛莊酒店係御溫泉渡假村最新嘅酒店，2019 年新落成，有「長莊」同「盛莊」兩種房型，房間內部空間設計分成上下兩層，布局新穎，富有創新特色，預訂長盛莊酒店，必需先了解什麼是「上朝」。入住長盛莊酒店，又稱為「上朝」，酒店房型是支持多人入住的，跟雲來客棧一樣，也是可以一人或多人一同入住，最多可以 8 人同住。
▼長盛莊酒店外觀
▼健身室
▼童趣屋，可以DIY做手工
▼酒店嘅lift都可以打卡！
▼長盛酒店內有通往露天溫泉區的獨立通道同更衣室，可以直接享用玩溫泉就直接返酒店房間
▼好有趣嘅走廊裝飾
▼盛莊房，單閣樓復式
▼長莊房，雙閣樓復式， 8 個人入住都無問題
雲來客棧
雲來客棧擁有 5 種房型，分別係「入格」、「上房」、「童趣房」、「天泉府邸」、「86套房」，而且可以借麻雀喺房度打！
▼雲來客棧外觀
▼ Lift內設計以皮影戲為主題
▼走廊都係打卡位！
▼入格房，即係榻榻米通鋪，無論兩個人、三人、一家人、一班人，齊齊入格都無問題 （房價就會以入住人數計算。）
▼上房，豪華大床房
▼童趣房
▼獨有上下床 (只限童趣房)
▼大廳，即係套房
御瀛莊
御瀛莊係御溫泉渡假村歷史最耐嘅酒店，但裝修亦最受客人喜愛，擁有三種房型：「唐房」、「復式房」、「豪華套房」。
▼大堂休息區
▼自助廚房
▼藏書閣
▼茶室
▼唐房
▼復式房
預訂酒店或連自助晚餐套票，可以去 klook 網站，預訂網站：https://www.klook.com/zh-HK/activity/52180-yu-hot-spring-resort-zhu-hai/?aid=16&aff_ext=zhuhaiyu
廟會晚餐介紹
入住珠海御溫泉，「大餐廟會」晚餐是重頭戲之一。晚餐是自助餐，會安排在「大餐廟會」食，「大餐廟會」每晚六點至十點開放，是一個獨特的夜間市集體驗，結合了美食和娛樂。手背貼上嘅廟會印花就可以自由出入，食完可以出去玩吓，玩夠咗再返嚟繼續食，出入次數無限制。在「廟會」裏，大多數食品都係即場製作，可以食同玩足四個鐘，在廟會裡面可以隨便食隨便玩，另一個特式，是「大餐廟會」內設有遊戲攤位，廟會中有各種遊戲攤位，提供額外的娛樂選項。
▼大餐廟會每晚六點至十點開放
▼手背貼上嘅廟會印花就可以自由出入
▼食物 menu，真係有齊曬咁多嘢食㗎！
▼每行兩步就會有得拎餐具，可以係咁換碟都得
▼大多數食品都係即叫即整，新鮮滾熱辣！
▼冰糖雪梨
▼片皮鴨
▼小朋友食物專區
▼太公分豬肉，有脆乳豬，每晚 7:30 開始
▼有木偶劇表演睇
▼皮影戲同木偶劇表演時間表
▼現場仲會有歌聽
▼食到飽之後，又可以去玩下 Workshop，大人小朋友都啱玩
▼「大餐廟會」內仲有遊戲攤位，checkin嘅時候，酒店會俾十張娛樂券，可以喺度玩遊戲用
▼大餐廟會外都仲有其他攤位遊戲，套圈圈、擲米袋、投籃、射擊等
其他設施介紹
▼透過 klook 預訂，也會包煙花券，憑煙花券可以換煙花棒 10 支，開放時間 20:00 至 23:00，煙花店仲有其他煙花賣。klook 預訂網址：https://www.klook.com/zh-HK/activity/52180-yu-hot-spring-resort-zhu-hai/
▼有車有樓有愛人
▼長盛莊酒店隔離有教堂可以打卡
▼許願牆
▼長盛火車站
▼衙門，可以同班朋友cosplay影下相，仲有服裝免費提供審案打卡！
▼ 透過 klook 預訂，checkin 嗰陣會送張綠道單車券，憑票可免費租用綠道單車 2 小時（有單人或雙人單車），開放時間 9:00 至 17:00 。
▼所以唔洗擔心小朋友放唔到電，又或者溫泉唔適合小朋友，因為場內好多兒童遊玩設施
▼餵驢
▼checkin之後，房間會有免費嘅御服畀你著；另外，都有得租嘅其他御服，款式就更加新潮獨特啲。如果你想租御服，就要去御服店，記住租御服係要畀押金架（會員可以用積分換）
▼連公廁改名都咁盞鬼
▼仲有兒童 playhouse
自助早餐
▼用餐地點：千色胡同，早餐時間係 7:30 至 12:00
▼人面識別入場食早餐
▼早餐有有粥、窩夫餅、油條豆漿、中式點心、西式面包、粉麵等。
▼手沖咖啡
門票收費
香港人去珠海御温泉，通常都係連埋酒店一齊訂，其實御温泉係可以獨立買入場門票，入黎只玩温泉和食自助晚餐都得。門票透過 Klook 訂有優惠，成人票每張 HK$215 （已連服務費），兒童票每張 HK$129 （已連服務費），包 1 張御温泉門票、更衣櫃、拖鞋、毛巾、小食、水果、軟飲等。廟會成人自助餐每位 HK$291 （已連服務費），廟會兒童自助餐每位 HK$172 （已連服務費），温泉成人票連廟會自助晚餐 HK$457 起 （已連服務費），温泉兒童票連兒 童廟會自助晚餐 HK$299 （已連服務費）。
*兒童票適用於 1.2 米 至 1.5 米（不含）兒童， 1.2米（不含）以下兒童免票，每位購全票成人可免費攜帶 1 名身高 1.2 米以下兒童。
酒店套票價錢
御溫泉渡假村酒店 2 日 1 夜，價錢大約 HK$1,2XX 至 HK$1,5XX 一晚，包埋晚餐套票大約 2 千蚊一晚左右。
Klook 上訂通常平少少。
雲來客棧， 2 人入格只需 HK$1,237 起（已連服務費）， 2 人入住童趣房只需 HK$2,139 起（已連服務費）， 2 人上房HK$2,139 起（已連服務費）， 2 人入住小廳或大廳只需 HK$ 2,602 起（已連服務費）；
御瀛莊， 2 人入住唐房只需 HK$1,237 起（已連服務費），2 人入住複式只需 HK$2,139 起（已連服務費）；
長莊/盛莊（隨機安排）， 2 人上朝只需 HK$1,469 起（已連服務費）；包早餐、無限次温泉、廟會自助晚餐、單車券及遊戲券等。
如果有小朋友咁點訂呢？
在 Klook 預訂，會由人數計，小朋友係唔格「入格」或「上朝」，見到 klook 條款有寫身高120厘米兒童以下免票，身高 120 – 150厘米兒童 CNY150 一位（含温泉 + 早餐）、CNY240 一位（含温泉 + 早餐 + 廟會，不佔牀），小童去到酒店先俾錢就可以，所以 klook 上訂只訂成人就可以。
預訂網址：https://www.klook.com/zh-HK/activity/52180-yu-hot-spring-resort-zhu-hai/?aid=16&aff_ext=zhuhaiyu
御溫泉總結
- 「大餐廟會」咁樣型式食自助晚餐好有特式，可以玩足成晚，真係唔會覺得悶。
- 星期六日好多人，盡量平日去。
- 溫泉係爆多人，但溫泉係 24 小時，想少一些人可以 Plan 一早或凌晨 12 點去浸。
- 都算親子酒店，小朋友都適合，有好多設施。
- 雖然酒店開業多年，但保養亦算不錯，房間沒有很舊的感覺。
- 二日一夜夠玩嗎？絕對夠
御溫泉
地址：廣東省珠海市斗門區斗門鎮斗門大道333號
▼預訂網站▼
https://www.klook.com/zh-HK/activity/52180-yu-hot-spring-resort-zhu-hai/
如果你睇晒呢篇，仲可以睇埋我地珠海長隆攻略
珠海長隆宇宙飛船攻略
珠海長隆
珠海長隆交通篇
