【佛山盈香心動樂園介紹】2025 年四大全新項目，包括芭比飛車、樹上漂流鹿野仙蹤、登山飛毯
文章目錄
佛山盈香心動樂園介紹
佛山盈香生態園升級成為咗佛山盈香心動樂園啦！佛山高明盈香心動樂園喺廣東省佛山市高明區荷城街道凌雲山腳下，係一個集自然生態同娛樂設施於一身嘅大型4A級旅遊景區，2025 年更新四大全新項目，包括芭比飛車、樹上漂流鹿野仙蹤、登山飛毯。
呢個樂園真係好大，建議大家由朝早 9 點入場玩到下午 5 點半閉園。盈香心動樂園最出名嘅就係佢嘅「花海機動遊樂園」，將成片靚靚嘅花海同機動遊戲完美結合。喺呢度，你可以欣賞到四季唔同嘅花景，例如櫻花、油菜花、向日葵同薰衣草，仲可以玩超過 40 種刺激好玩嘅機動遊戲，好似摩天輪、大擺錘、加勒比海盜船同叢林飛鼠等。
門票價格
- 成人全日票：¥120 一位，包園區內所有常規開放項目（特定節慶活動或需額外收費）
- 兒童/長者優惠票（身高1.2-1.5米兒童、60歲以上長者）：¥80 一位
- 家庭套票 2 大 2 小套票：¥288 一套（適用於 2 名成人及 2 名 1.5 米以下兒童）
分區額外收費項目
部分特色區域或體驗項目需獨立收費，例如：
- 玻璃橋：約 ¥30 一位（包含安全裝備）
- 山地滑車：¥25 一次（下山代步工具）
- 親子劇場VIP位：¥20 一位（普通位免費）
▼門票預訂網址▼
Runhotel 幫你搜尋最平預訂價錢
2025 年最新雲頂樂園設施
樂園全新開放嘅山地遊樂區「雲頂樂園」新增咗四個重磅遊戲，呢四大項目喺 2025 年新年期間先啱啱開放：
- 鹿野仙蹤：獨特嘅騎鹿上山項目，好似旋轉木馬咁，沿途可以欣賞靚景同影相。
- 登山魔毯：全長近 1200米，落差 180 米，唔使行路就可以輕鬆登頂，沿途風景如畫。
- 芭比飛車：現實版 QQ 飛車，全程 10 分鐘刺激天路狂飆，小朋友可以同大人一齊坐。
- 樹上漂流：順住水流速度滑下，既刺激又適合小朋友！
最新最好玩，2025 新開的芭比飛車芭比飛車
尖叫島
呢度有跳樓機、過山車、大轉盤等超級刺激嘅機動遊戲，鍾意驚險刺激嘅一定要試！
玻璃橋
上山可以搭電梯，下山記得試吓山地滑車，速度快又好玩！
親子劇場
一邊休息一邊睇表演，上午 10:30 同下午 1:30 各有一場。
歡樂島
適合低齡小朋友，有碰碰車、小火車、旋轉飛椅等可愛機動遊戲。
開心牧場
可以同農場小動物親密接觸，包括羊仔、牛、兔仔、豬同散養嘅小鹿，帶埋細路一定唔好錯過！
莫奈花房
色彩繽紛嘅鮮花海，仲有穿越花叢嘅小火車，影相打卡超靚！
交通資訊
高鐵+公交/打車（最快約2.5小時）
- 香港西九龍站 → 佛山西站
每日兩班直達高鐵（班次以12306為準），車程約 1.5小時，票價約¥210。 - 佛山西站 → 高明客運站
轉乘「佛山城巴高明線」，車程約 45分鐘，票價約¥15。 - 高明客運站 → 盈香心動樂園
轉乘公交 507路 直達景區，車程約 30分鐘，票價¥2。
或直接打車，車程約 25分鐘，費用約¥50。
跨境直通巴士+公交（經濟實惠）
- 香港市區 → 佛山禪城/高明
搭乘「環島中港通」或「永東巴士」，從上環/太子出發，直達佛山禪城或高明客運站，車程約 4小時，票價約HK$150-200。 - 高明客運站 → 盈香心動樂園
轉乘公交 507路 直達，車程約 30分鐘，票價¥2。
包車（福田口岸 / 羅湖口岸 → 佛山盈香生態園）
由福田口岸，羅湖口岸，或深圳灣口岸，再包車前往佛山盈香生態園係一個方便快捷嘅選擇，全程約需 2 小時，如果有 4 至 6 人，其實包車又唔洗轉咁多程，而且人多比坐高鐵，仲有機會平左（因為坐高鐵單桯一個人都要 2 蚊幾，5 個人就已經一千了）。除了一般私家車之外，深圳有包車公司提供 7座、11 座、18 座等車款。包車提供點對點接送服務，無需轉車或搬行李，建議至少提前 1-2 日預約，特別係周末或節假日。
- 5 座位（坐四乘客） 450元，適合小型家庭或朋友團
- 7 座位（坐六乘客）700元，適合小型家庭或朋友團
- 11 座位（可坐11乘客）950元，空間更寬敞；
可 WhatsApp 預約：https://api.whatsapp.com/send/?phone=85297876415（ 6 至 7 人車需提前半個小時或以上預約，11 人以上請盡量提前 3 天預約）
詳細介紹：【深圳包車價錢表】 附 7 人車、11 人車，15 至 19 人中巴，及 20 至 23 人旅遊巴，由深圳關口去各個熱門大灣區地點包車費用
佛山盈香心動樂園
地址：廣東省佛山市高明區荷城街道西安冼村盈香生態園
開放時間：8:30 – 17:30（ 16:30 停止入園）
▼佛山盈香心動樂園門票預訂網址▼
Runhotel 幫你搜尋最平預訂價錢
