【深圳觀瀾湖繽紛主題營】3日2夜小朋友獨立營 RMB3,680 起！網球／滑雪／高爾夫／運動／奇幻動物城
假期想幫小朋友安排一個充實又好玩嘅假期，可以留意深圳觀瀾湖最新推出嘅「繽紛主題營」！今次營期選擇都幾多，2026 年 10 月，以及 2027 年 1 月、2 月都有營期可以參加，啱晒假期、寒假或者農曆新年前後想幫小朋友安排活動嘅家長。今次同之前嘅親子營唔同，主打 3 日 2 夜小朋友獨立營，適合 6 至 13 歲小朋友參加，家長唔需要陪同上堂及入住。營期有網球、奇幻動物城、綜合運動、高爾夫初級、高爾夫進階及滑雪等多個選擇，價錢由 RMB3,680 起。
所有報營小朋友都會入住觀瀾湖 5 星級旅遊度假酒店，每兩位同性小朋友入住一間酒店客房，而且只要 4 位小朋友就可以成團。除咗主題課程之外，不同營隊仲會加入卡丁車、旱地冰壺、匹克球、手作等活動，3 日 2 夜行程相當豐富。
觀瀾湖網球營：RMB3,680 起
適合年齡：6–12 歲
初階班：RMB3,680／位
進階班：RMB3,880／位
鍾意網球或者想趁假期俾小朋友試吓新運動，可以揀網球營。課程分為初階及進階兩個班別，會按照小朋友本身嘅能力分班教學，所以無論第一次接觸網球，或者本身已經有一定基礎，都可以揀返適合自己程度嘅課程。
3 日課程會集中訓練網球核心技巧，包括正手、反手、發球及對抗，亦會安排小型比賽及體能挑戰，令小朋友唔係淨係重複練習動作，而係有機會將學到嘅技巧實際運用出嚟。除咗網球之外，營內亦會穿插旱地冰壺、匹克球及手作等活動，對於比較好動、鍾意試唔同運動嘅小朋友嚟講，3 日入面都有唔少新體驗。
奇幻動物城先鋒營：AI 繪圖＋木屋搭建＋創意手作
適合年齡：6–12 歲
營費：RMB3,980／位
如果小朋友比較鍾意畫畫、設計、砌嘢或者發揮創意，「奇幻動物城先鋒營」會比較適合。呢個營唔係傳統坐定定上堂，而係透過遊戲設計、AI 繪圖、木屋搭建及軟膠捏塑等不同方式，等小朋友由零開始打造屬於自己嘅「動物城」。
小朋友會由構思開始，慢慢將腦入面嘅想法變成實物，3 日完成一座迷你「動物城」，完成品仲可以帶返屋企，對小朋友嚟講會幾有成功感。行程亦唔會全程都係室內創作，中間會加入高爾夫、匹克球及卡丁車等活動，動腦之餘亦可以郁動身體。相比純運動營，呢個營會更加著重創意、想像力及解難思維，適合鍾意 DIY 同創作嘅小朋友。
觀瀾湖運動營：一次玩高爾夫＋滑雪＋匹克球
適合年齡：6–13 歲
營費：RMB5,280／位
如果未決定小朋友最鍾意邊一種運動，或者想一次過試多幾樣，可以揀綜合運動營。3 日入面會一次過體驗高爾夫、滑雪及匹克球三大運動，大型運動裝備由營組提供，唔使家長自己準備一大堆裝備帶上深圳。
除咗三大主題運動，行程仲包括旱地冰壺、卡丁車、戶外遊戲及手作，每日活動都有變化，唔會連續幾日只練同一樣運動。呢款比較適合精力充沛、鍾意周圍玩，又想趁假期接觸唔同運動嘅小朋友。玩完之後如果發現特別鍾意其中一項，之後再考慮專門學習都得。
高爾夫初級營：由零開始學＋張連偉球場 9 洞實戰
適合年齡：6–13 歲初級程度
營費：RMB5,980／位
第一次接觸高爾夫，可以由初級營開始。課程會由基本功教起，提供全桿教學，內容包括揮桿、推桿及木桿長打等，將理論同實際練習結合，逐步建立小朋友對高爾夫嘅認識。
最特別係最後一日會安排到張連偉球場進行 9 洞實戰體驗，即係唔只留喺練習場打波，而係真正落場，將之前學過嘅技巧實際運用。運動以外，營內亦安排木藝刨花燈及非遺竹編手作，俾小朋友打完波之後轉換一下節奏。想小朋友由零開始接觸高爾夫，又希望有真正落場體驗，呢款會比較適合。
高爾夫進階營：每日 9 洞實戰＋教練逐洞復盤
適合年齡：6–13 歲
程度要求：約 110–90 桿球員
營費：RMB8,980／位
如果小朋友本身已經有高爾夫基礎，甚至有落場經驗，就可以考慮進階營。呢個課程唔再由基本握桿、揮桿開始，而係針對小朋友現有技術進行揮桿診斷，搵出需要改善嘅地方，再集中做進階特訓。
課程會包括困難球位救球、短桿訓練、揮桿調整等內容，同時加入心理及體能訓練，幫助小朋友改善擊球節奏及比賽穩定性。進階營最大賣點係每日都有 9 洞落場實戰，模擬真正比賽環境，而且教練會跟場並逐洞復盤，唔單止睇揮桿動作，亦會針對實際落場時嘅選桿、策略及表現作出調整。如果小朋友已經打到約 110 至 90 桿，希望趁 3 日集中訓練改善弱項，呢個營會比一般體驗班更加適合。
觀瀾湖滑雪營：雙板 RMB6,480／單板 RMB7,380
適合年齡：6–13 歲
雙板課程：RMB6,480／位
單板課程：RMB7,380／位
想趁假期學滑雪，可以揀滑雪營，課程分成雙板及單板兩種。即使小朋友之前未正式學過滑雪，都會由入門開始，先學習裝備穿戴，再逐步掌握基本控制技巧。
3 日課程會循序漸進訓練滑雪基本功，再按學習進度挑戰不同難度，等小朋友唔係純粹「入場玩雪」，而係真正有系統咁學習滑雪。滑雪課堂之外，亦會安排木藝刨花燈、非遺竹編手作、卡丁車及旱地冰壺等活動，令每日行程有動有靜。對想小朋友集中學滑雪，但又唔想 3 日都只係滑雪嘅家庭嚟講，活動安排會比較多元化。
6 款觀瀾湖繽紛主題營價錢比較
| 主題營 | 適合年齡／程度 | 價錢 | 主要內容 |
| 網球營 | 6–12 歲 | 初階 RMB3,680 進階 RMB3,880 |
網球、比賽、旱地冰壺、匹克球 |
| 奇幻動物城先鋒營 | 6–12 歲 | RMB3,980 | AI 繪圖、木屋搭建、軟膠捏塑、高爾夫、卡丁車 |
| 運動營 | 6–13 歲 | RMB5,280 | 高爾夫、滑雪、匹克球、卡丁車 |
| 高爾夫初級營 | 6–13 歲初級 | RMB5,980 | 全桿教學、張連偉球場 9 洞實戰 |
| 高爾夫進階營 | 6–13 歲／110–90 桿 | RMB8,980 | 進階特訓、每日 9 洞、教練逐洞復盤 |
| 滑雪營 | 6–13 歲 | 雙板 RMB6,480 單板 RMB7,380 |
室內滑雪、卡丁車、旱地冰壺、手作 |
3日2夜入住觀瀾湖5星級旅遊度假酒店
今次「繽紛主題營」屬於小朋友獨立參加嘅 3 日 2 夜營，住宿方面會安排入住觀瀾湖 5 星級旅遊度假酒店，每兩位同性小朋友入住一間酒店客房。
對家長嚟講其中一個比較方便嘅地方係，唔需要自己另外安排小朋友 2 晚住宿；而小朋友完成每日課程及活動後，亦可以直接返酒店休息。
另外，今次4 位小朋友就可以成團，如果本身有幾個同學仔、朋友或者兄弟姊妹想一齊參加，可以直接約埋一齊報名。
觀瀾湖繽紛主題營常見問題
Q1：今次係親子營定小朋友獨立營？
今次「觀瀾湖繽紛主題營」係3 日 2 夜小朋友獨立營，與之前一大一細同行嘅親子營安排不同。
Q2：幾多歲可以參加？
視乎營隊而定。網球營及奇幻動物城先鋒營適合 6–12 歲小朋友；運動營、高爾夫營及滑雪營主要適合 6–13 歲小朋友。高爾夫進階營另外有技術要求，適合約 110–90 桿球員。
Q3：小朋友住邊間酒店？
報營小朋友會入住觀瀾湖 5 星級旅遊度假酒店。
Q4：酒店房間點安排？
每兩位同性小朋友安排入住一間酒店客房。
Q5：最少幾多人先可以成團？
4 位小朋友即可成團。
Q6：如果小朋友完全未學過高爾夫，可以參加嗎？
可以考慮高爾夫初級營，課程會由基本技巧開始，包括揮桿、推桿及木桿長打，最後一日再安排 9 洞實戰體驗。進階營則比較適合本身已有落場經驗、約 110–90 桿水平嘅小朋友。
Q7：滑雪營應該揀單板定雙板？
今次滑雪營分成雙板及單板兩個課程，雙板收費 RMB6,480，單板 RMB7,380。兩個課程都會由裝備穿戴及基本控制開始，再逐步學習滑雪技巧，可以按小朋友想學嘅項目選擇。
詳情可以透過以下表格查詢。
深圳觀瀾湖
地址：深圳市龍華區觀瀾高爾夫大道 1 號
相關文章
