【深圳前海華發冰雪世界介紹】全球最大室內滑雪場門票、設施、交通、附近酒店全攻略
深圳前海華發冰雪世界係一個全新嘅室內滑雪場，位於深圳前海灣新興科技中心，佔地約 10 萬平方米，是全球最大室內滑雪場，於 2025 年 9 月 29 日開業。10月10日中午12時起，於 Klook 網站購買中級或高級道不限時滑雪票，即可享「買一送一」優惠。活動只需於預訂時輸入優惠碼「SZHUAFA1010」，即可自動扣減優惠金額，優惠碼先用先得，折後兩位$621，即人均 HK$311。
文章目錄
深圳前海華發冰雪世界簡介
深圳前海華發冰雪由珠海華發集團投資建設，總建築面積約 33.93 萬平方米，內部設有全球最大嘅室內滑雪場，包含 5 條專業賽事雪道，單條雪道長達 441 米，垂直落差達 83 米，符合國際滑雪聯合會嘅標準，適合舉辦國際級滑雪比賽。項目設計結合先進技術，室內雪場全年保持零下溫度，並提供租賃區、休息區、餐飲區同VIP室等多功能設施。
華發冰雪世界總投資超過296億元，除咗滑雪場，之後仲有深潛基地得 Funmix 商業街、五星級酒店 JW 萬豪酒店，以及建面約 2.1 萬平方米的城市綠色中軸，包含 24 小時開放公園、親子互動探索空間、體育主題公園、社區口袋公園等，打造多元化嘅旅遊休閒場所。
深圳前海華發冰雪世界門票最新價錢
klook 網站上，現時門票有 4 種選擇，價錢如下 (klook 購買門票按此)
- 初級道3小時滑雪票 HK$379 起
- 初/中級道4小時滑雪票 HK$456起
- 中/高級道4小時滑雪票 HK$543起
- 中/高級道不限時滑雪票 HK$619起
所有票價視乎淡季、平季或旺季再調整。
Klook 預訂網址：
https://www.klook.com/zh-HK/activity/171780-shenzhen-huafa-snow-bonski/
Runhotel 幫大家搜尋最平預訂網站
交通方法
- 由福田口岸出發：乘搭地鐵 10 號線到崗廈北站，轉乘地鐵 11 號線到機場北站，轉乘地鐵 20 號線到會展城站，C 出口步行約 13 分鐘即可到達，全程約 1 小時 23 分鐘。
- 由深圳灣口岸出發：乘搭地鐵 13 號線到後海站，轉乘地鐵 11 號線到機場北站，轉乘地鐵 20 號線到會展城站，C 出口步行約 13 分鐘即可到達，全程約 1 小時左右。
- 由羅湖口岸出發：乘搭地鐵 1 號線到車公廟站，轉乘地鐵 11 號線到機場北站，轉乘地鐵 20 號線到會展城站，C 出口步行約 13 分鐘即可到達，全程約 1 小時 35 分鐘。
- 由香港西九龍高鐵站出發：乘搭高鐵最快18分鐘到深圳北站 / 直通巴士或地鐵到福田口岸，再轉深圳地鐵會展城站C出口，步行約13分鐘
深圳前海華發冰雪世界圖片
滑雪區
娛雪區
娛雪區門票暫不開售，預計 11 月開售
雪具大廳
設施詳情
- 室內滑雪場面積達10萬平方米，設有5條專業賽事級雪道，最大垂直落差83米，最大坡度18°，最長單道達463米。
- 配備4人吊椅索道、4人拖掛吊椅索道及多條雙人魔毯，提升運載能力，單小時可運載約3200人。
- 設有2處地形公園及4000平方米的冰雪樂園，內有20項親子及趣味競技雪上娛樂（如雪圈道、冰雕藝廊、雪上卡丁車等，官方資訊稱共14至20個項目）。
- 專業滑雪教學體系，設青少年「3階12級」課程，實現從初學到專業競技的全階段培訓。
附近商場
場館係設於大型商場入面，玩完滑雪之後可以即刻行街、喺餐廳食野。入面有唔同品牌商店、運動用品旗艦、寵物友善空間、玩具店、精品美食街，仲有多間中西餐廳，玩到攰隨時醫肚夠方便。
除咗本身個大型商場，附件仲有「京基百納廣場」，係深圳寶安區沙井最大型嘅綜合購物中心之一，商場面積超過 18 萬平方米，設有近 1,000 個車位，由「京基百納廣場」搭滴滴打車去深圳前海華發冰雪世界，車程約 15 分鐘左右。
再遠少少，離深圳前海華發冰雪世界 26 分鐘，還有天虹商場（沙井店），天虹商場（沙井店）是深圳西部最大的商場之一，位於新橋街道中心路核心，商場有五層，第二層是超市，商品琳琅滿目，地三四層是女裝和男裝品牌，第五層是電器兒童用品，第一層是箱包化妝品。 
首次入場小貼士及體驗分享
- 防水手套、護目鏡等貼身物品要自備，不過現場有得買，手套價錢大概 100 蚊人民幣一對。
- Locker （儲物櫃）係免費提供，可以放心擺低私人物品，唔使再額外收費。不過要收 20 蚊人民幣按金，用微信支付
- 入場租用裝備全新，滑雪服、滑雪板、滑雪鞋、頭盔全部齊全。
- 雪場內會有一間餐廳，玩完之後可以就地醫肚。
場內新手免費教學時間
如果大家係初次試玩，場內會有免費教學時段。職員會教埋點樣穿用具、基本煞掣同起身方法，幫助初學者快啲掌握，唔需要額外收費。
附近酒店推介
深圳前海華發冰雪世界商場上蓋，將來會有深圳 JW 萬豪酒店，所以最方便一定是入住JW 萬豪。不過酒店現在還未開業，或大家想選擇附近價錢比較便宜一些的酒店，也可以參考以下推介。
深圳國際會展中心洲際酒店
入住洲際豪華客房 HK$1,529 起，包兩大一小自助早餐、晚餐/套餐、歡迎水果等 ，酒店設有室內無邊際恆溫泳池、專屬兒童樂園。酒店最近嘅地鐵站係「國展北站」，步行大約10分鐘就到，附近有會展灣花園裡、沙井京基百納廣場等大型商場，啱晒買嘢同歎美食。
地址：深圳市寶安區展覽廣場路6號
交通：由深圳前海華發冰雪世界出發，車程約3分鐘
深圳國際會展中心皇冠假日酒店
入住行政客房 1 晚只需 HK$1,092 起，包雙人自助早餐、雙人行政禮遇、戶外泳池、室內泳池及健身房等設施。酒店距離「國展北站」或「國展南站」只需幾分鐘步行，附近仲有新鴻基萬象匯等大型商場。
地址：深圳市寶安區展覽館路1號
交通：由深圳前海華發冰雪世界出發，車程約4分鐘
深圳安蒂婭美蘭酒店
入住豪華房一晚只需 HK$765 起，包雙人自助早餐與酒店戶外泳池。酒店近「寶安機場北站」或「國展北站」地鐵站，步行約 10 至 15 分鐘。
地址：深圳市寶安區福灣一路2號
交通：由深圳前海華發冰雪世界出發，車程約6分鐘
深圳同泰萬怡酒店
入住豪華房 HK$724 起，包雙人早餐。酒店位於寶安區同泰時代中心，最就腳嘅地鐵站係「福永站」（11號線），A出口步行大約10分鐘即到。酒店內設有自助餐廳、健身房、行政酒廊等設施，房間寬敞企理，配備乾濕分離浴室同全套盥洗用品。住客可透過美團叫外賣，仲有機械人送餐上房，非常方便。附近有萬象匯等大型商場，購物食玩選擇多。
地址：深圳市寶安區環球山路28號
交通：由深圳前海華發冰雪世界出發，車程約7分鐘
同觀瀾湖卡魯冰雪世界比較
深圳除了深圳前海華發冰雪世界可以玩雪之外，還有觀瀾湖卡魯冰雪世界，而之前最多人去就是廣州的廣州熱雪奇蹟。如果你係初學者，或者只是想帶小朋友去玩雪，可以先參考一下，小編認為觀瀾湖冰雪世界會更適合初學者，因為：
- 觀瀾湖距離羅湖、福田相對近一些，交通簡單。
- 觀瀾湖有大型商場，食嘢選擇更多，小朋友仲有其他設施玩。
- 初級滑雪道較短同埋冇咁斜，零基礎嘅玩家上手容易。
至於深圳前海華發冰雪世界：
- 初級道都算長，難度比觀瀾湖高。
- 中級道適合有少少經驗嘅朋友挑戰。
- 場館本身規模大，氛圍較專業啲。
觀瀾湖酒店 + 卡魯冰雪世界套票預訂網址
https://www.klook.com/zh-HK/activity/53646-mission-hills-resort-shen-zhen/?aid=16&aff_ext=shenzhenski
深圳前海華發冰雪世界地址
深圳市寶安區沙井街道和一社區沙井南環路西段（會展城地鐵站北側）
Runhotel 幫大家搜尋最平預訂網站
