【海景嘉福洲際酒店 The Mistral 餐廳重開】全新海景早午餐 $654 起任食蟹腳、波士頓龍蝦、吞拿魚，仲可自選主菜！
香港海景嘉福洲際酒店嘅意大利餐廳 The Mistral 已由酒店地庫，搬上酒店 1 樓並已重新開業喇！ The Mistral 推出全新海景早午餐 Harbour View Brunch，小編早前去親身體驗一下，發現除咗景靚可以見到海景之外，食物仲要相當高質，馬上同大家分享一下有咩好食先！
The Mistral 宜家搬咗上一樓之後，整個景觀都開揚咗好多，落地大玻璃嘅設計可以對住成個維多利亞港嘅海景用餐，食飯時更有情調！ The Mistral 推出全新海景早午餐 Harbour View Brunch 每逢星期日供應，半自助餐都有真係好多食物選擇，海鮮吧有波士頓龍蝦、鱈場蟹腳、小龍蝦、蛤蜊、海螺、青口、蝦、薄切黃鰭吞拿魚、八爪魚沙律、醃製挪威三文魚等等，選擇真係勁多！波士頓龍蝦係切好一件件食嘅時候更加方便，而且肉質結實飽滿。鱈場蟹腳比較粗身嘅位仲好切到一節節，勁厚肉！
頭盤仲要有成十幾廿款，有巴馬火腿、豬頸肉、煙燻火腿、莎樂美腸、豬背肉、意式肉腸、牛舌、意式沙律、意大利橄欖、特式醃菜、工藝芝士等等，當中就算係芝士都有好幾種，啱晒鍾意食沙律 cold cut 嘅客人。任食嘅仲有即製手工意大利麵和意大利燴飯，全部都由師傅現場即製，每份都只係細細份唔會太 Heavy 大家可以試多幾種，當日分別有寬條麵、肉醬千層麵同燴飯 3 種，味道都相當唔錯，而且款式每個星期都會轉！(餐牌可按此)
主菜方面可自選一款，有煎焗牛仔柳配雞油菌、煎焗M4澳洲和牛柳配鵝肝慕斯、煎焗黑線鱈魚配茴香及牛肝菌、燴海鮮（石斑、蛤蜊、青口、海鱸魚、魷魚、蝦配龍蝦汁）、自家製芝士薄餅、焗波菜梳乎厘等六道主菜可供選擇。小編選擇咗煎焗M4澳洲和牛柳配鵝肝慕斯同煎焗黑線鱈魚配茴香及牛肝菌，M4 澳洲和牛 5 成熟，肉質嫩滑牛香味濃，鱈魚亦焗得剛剛好，水準相當唔錯！
最後任食甜品都唔少有，有西西里奶油卷、一米長千層酥、黑松露巴斯克芝士蛋糕、Tiramisu、馬卡龍、糖果吧等一系列甜品，連 Mövenpick 雪糕都係任食！價錢仲包一杯咖啡或茶，想飲酒的話，加 HK$200 仲可以無限暢飲意大利葡萄酒、氣酒同香檳，小編當日就飲咗回本之選 Moët & Chandon！
宜家經酒店官網預訂可享限時優惠，成人每位 HK$654（已連服務費）、或HK$844（已連服務費）連 Moët & Chandon Imperial Brut 香檳及葡萄酒無限暢飲、小童每位 HK$369（已連服務費）。
▼預訂網址▼
https://zh-tw.icgrandstanford.com/products/sunday-italian-brunch-at-the-mistral?ref=rh
(每逢星期日供應)
▼ 搬左後的意大利餐廳 The Mistral ，部份座位可以面向海景，可以對住咁開揚嘅海景食飯，心情都好啲！
▼意式開胃菜，選擇真係非常多！
▼八爪魚沙律
▼醃製挪威三文魚
▼冰凍海鮮有波士頓龍蝦、鱈場蟹腳、小龍蝦、蛤蜊、海螺、青口、蝦等等，蟹腳真係勁粗勁厚肉
▼波士頓龍蝦切好一件件更加易食
▼即製手工意大利麵，每款都細細份可以試多好多！
▼主菜揀咗煎焗 M4 澳洲和牛柳配鵝肝慕斯同煎焗黑線鱈魚配茴香及牛肝菌，水準都好高質！
▼甜品都有好多款，有西西里奶油卷、一米長千層酥、黑松露巴斯克芝士蛋糕、Tiramisu、馬卡龍、糖果吧等等，就連 Mövenpick 雪糕都係任食！
▼加 HK$200 仲可以無限暢飲香檳 Moët & Chandon Imperial Brut 及多款紅白酒！
▼預訂網址▼
https://zh-tw.icgrandstanford.com/products/sunday-italian-brunch-at-the-mistral?ref=rh
The Mistral
地址：九龍尖沙咀東部麼地道 70 號海景嘉福洲際酒店 1 樓
