【清邁 Glamping 體驗】HK$900 入住全透明泡泡屋，包埋雙人早餐、可以觀星、野餐、對著山林景浸浴！
去旅行大部分人都會選擇住酒店，不過，如果想有獨特嘅住宿體驗，又鐘意大自然生活的話，Glamping 就係一個不錯嘅選擇喇！清邁於 2019 年開幕嘅 360 度透明玻璃酒店 North Star Valley，位於清邁山頭，距離市區大概一小時車程，有種隱世隔絕嘅感覺。營區一共有 15 間住宿，當中只有 1 間係玻璃屋。
雖然係 Glamping，不過住宿內嘅設施都一應俱全，泡泡屋內包括有毛巾、水、衣架、野餐墊、洗髮液、洗澡液及護髮素等日用品，非常方便，在晚上的時候更可以睇到星星，非常有氣氛！入住帶有浴缸嘅房型的話，更加可以體驗在深山對著山林景浸浴，寫意至極。而最搶手嘅房型就係玻璃小屋，設有獨立玻璃睡房、私人露天泳池及用餐區等等，可以喺自己房間內盡情游水，仲可以於用餐區嘆tea set添！
在成個園區內都有唔少打卡位，包括對著山景嘅木製韆鞦位，仲可以拎埋野餐墊去園林內影相打卡！雖然泡泡屋係透明設計，但每個營都有窗簾，加上屋與屋之間都有一定嘅距離，都有私隱度唔使擔心。
酒店亦會提供早餐及晚餐，當中房價已包雙人早餐，食物方面有沙律、麵包、粥、生果盤咁，對住大自然享用就更加分！住客仲可以加錢享用晚餐，供應菜式以泰菜為主，全部都係廚師發板主打當季嘅食材，有齊前菜、主食、甜品等。
目前只可以經酒店官網預訂客房，全透明泡泡屋無浴缸連雙人早餐約 HK$900 起、全透明泡泡屋連浴缸連雙人人早餐約 HK$1,000 起、玻璃小屋連雙人早餐約 HK$4,000起，想去就記得要提早預訂喇！
▼泡泡屋內包括有毛巾、水、衣架、野餐墊、洗髮液、洗澡液及護髮素等日用品，非常方便，在晚上的時候更可以睇到星星，非常有氣氛！
▼最搶手嘅房型就係玻璃小屋，設有獨立玻璃睡房、私人露天泳池及用餐區等等，可以喺自己房間內盡情游水，仲可以於用餐區嘆tea set添！
▼成個園區內都有唔少打卡位，包括對著山景嘅木製韆鞦位，仲可以拎埋野餐墊去園林內影相打卡！
▼ North Star Valley 查房價和預訂網址 ▼
官網
https://www.facebook.com/North-Star-Valley-หุบเขาดาวเหนือ-103443544329445/?ref=page_internal
North Star Valley
地址：Thailand Chiang Mai Amphoe Mae Rim 50180
