【ANA輕井澤假日酒店 9 月 12 日重新開業】全新翻新 102 間客房 + 18洞高爾夫球場，淺間山腳下嘅四季度假村
想搵個遠離煩囂嘅地方放鬆下？位於日本群馬縣嘅ANA輕井澤假日酒店 (ANA Holiday Inn Resort Karuizawa) 就啱晒你啦！呢間酒店經過全館翻新後，將會喺 2025 年 9 月 12 日重新開業，而家已經開始接受預訂喇！酒店位於淺間山腳下，標高1300米嘅北輕井沢，四周被大自然包圍，空氣清新到不得了！無論係夏天避暑定係冬天玩雪，呢度都係絕佳嘅度假勝地。最正嘅係，酒店提供102間全新裝修嘅客房，包括標準房（29平方米）、豪華房（40平方米）、兒童套房（56-60平方米）、家庭套房（56-90平方米），仲有 2 棟可以帶埋愛犬一齊住嘅寵物友善小屋（80平方米）！
講到食嘢，酒店嘅餐廳「FOGGI Forest Dining」主打天然料理概念，用盡北輕井沢當地嘅時令食材。春天有香氣濃郁嘅山菜，夏天有新鮮嘅朝採蔬菜，秋冬就有各種菌類，真係一年四季都有唔同嘅美味體驗！餐廳提供自助早餐、午餐套餐同埋自助晚餐，絕對可以滿足你嘅味蕾。酒店設施都好豐富，有天然溫泉「相生の湯」可以浸下放鬆，仲有室內游泳池、兒童遊戲室、健身房同埋狗狗樂園等等。最特別嘅係隔離仲有個18洞嘅高爾夫球場「ネイチャーヒルズ輕井沢カントリークラブ」，可以一邊打波一邊欣賞淺間山嘅壯麗景色，就算係初學者都可以輕鬆享受高原嘅涼風！夏天嘅時候，酒店會開放「輕井沢スカイパーク」露營場，可以帶埋愛犬一齊露營；冬天就有「輕井沢スノーパーク」，提供各種雪上活動，一家大細都可以玩得好開心！
查過各大訂房平台，房價由 HK$1,135 起。
Runhotel 幫你搵出最平預訂網站
HK$1,133起
HK$1,130起
HK$1,135起
記住酒店將會喺 2025 年 9 月 12日 正式重新開業，而家就可以開始預訂喇！想體驗日本高原度假村嘅魅力，呢間酒店絕對係你嘅不二之選！
=====================
由即日起去永安旅遊網站，預訂全線酒店，輸入優惠碼「PH555」，全單可享有 3% 折扣，最高可減 $300。
預訂網址：https://www.wingontravel.com/
====================
想喺酒店包場舉辦攪生日會、百日宴、公司私人活動、婚宴或講座？但又唔知要幾多錢？即上 Runhotel 全新搵酒店派對場地網站，一次過睇晒各大酒店包場 Package 價錢：https://event.runhotel.hk/
====================
需要搵月租酒店 / 短租酒店？即上搵月租酒店網站睇晒所有酒店月租價錢，連服務式住宅都有！網止： https://rent.runhotel.hk/
====================
歡迎轉發相關優惠訊息，轉發時請註明出處來自 Runhotel.hk 。
====================
Runhotel 網站已努力審查過所有資訊才作出以上報導，而 Runhotel 只是情報網站報導各項優惠資訊，並不是預訂平台，酒店或網遊網站會因應情況更改條款而不作另行通知，預訂時請一切以官網的條款和價錢為準。
====================
如有旅遊資訊、旅遊優惠想跟我們分享，或邀約採訪或商務合作，請聯絡 vincent@runhotel.hk
====================
Runhotel 是全港唯一專門發佈酒店折扣、優惠的網站，你地想繼續留意到相關優惠消息，記得緊貼我地 Runhotel Facebook 和 Runhotel Instagam 的資訊。
http://facebook.com/runhotel.hk
https://instagram.com/runhotel.hk/