來到布吉的第五天,我們就參加了 「ATV 越野四驅車體驗」,大家唔好見到 ATV ,就以為係解亞視,其實 ATV 全寫是 (All Terrain Vehicles)。

其實開頭 Plan 行程的時候,無無聊聊去了專訂布吉自由行活動既網站 Klook.com,看看有什麼活動可以參加,本來想著選一些較鬆的活動去玩,唔知點解最後又會決定左玩 ATV越野四驅車,原來依個越野四驅車係好好好危險既活動,諗返起而家會覺得返到黎香港已經叫執番身彩….

Klook 網站有很多布吉活動可以訂,例如外島遊、潛水、包車、騎大象等等,大家都可以去睇下:
https://www.klook.com/zh-TW/city/7-phuket/

因為我地開頭以為「越野四驅車」好易控制,小兒科……………點知,簡直係出乎我意料之外的驚險,有幾驚險呢,等我慢慢同大家講。

如果大家想玩 ATV 越野四驅車,真係要認真睇。

首先,我地好黑仔,點黑仔呢?大家都知 Join 布吉既 Local Tour,佢地一定會黎酒店 Pick Up 您,但我地就係咁唔好彩,係第一個 Pick Up,當日要 Pick Up 晒當日所有人,先去集合地點,Pick Up 晒已經用左一個鐘,頂,浪費晒我地 D 時間。

勁無奈囉….開頭諗住半個鐘就去到玩。

咁幾經辛苦,終於就捱到黎 ATV 越野四驅車既集合地點,當時我地都仲好興奮架,仲好有期侍,話晒都叫做有得揸車。

 

▼在未開始講當日既驚險事之前,解釋一下個 ATV  先,其實個 ATV 活動有幾種玩法,我地 Join 了是兩小時越野四驅車,路線就是下面最長的一路。而又有一小時越野四驅車 + 一小時騎大象。我地對騎大象真係無興趣,所以就選了玩兩小時四驅車。

驚險既事第一幕
首先,原來玩越野四驅車,係最好要有電單車經驗,否則一般好難上手既,(超!我地去到先知),大家見到下面張相,就是個練習場,佢地會俾您試揸架四驅車,行到一圈先叫合格。
點知….. 真係好難 Control ,我地架車唔夠 5 秒炒左埋棵樹度。無錯,真係無打錯,起步 5 秒就撞樹,因為個 Break 好難禁,咁個負責人就立即走出黎話,「You cannot drive」,Oh 咁點呢?

結果就係…………………….佢地就派左兩個泰仔幫地揸,我地坐後面。
開頭聽到勁無癮,心諗唔係麻,我俾四百幾蚊一個人,竟然無得揸!!! (但後尾先知好彩自己無揸,因為可能命都無)
 

放心,佢地會對您好好既,因為最尾佢地會問你攞 Tips。

咁終於就出發喇~~~
2 小時既 ATV 之旅,有咩玩咩呢?其實唔係齋坐兩個鐘,佢地有景點停低會俾我地影相。第一站就係大佛。

上到大佛個位,景觀好靚。

大佛之後,佢地又會車我地去其它景點度影相,都幾OK。

依架就係我地架戰車喇

講番有幾驚險先,因為去完大佛,就會行 一 D 極崎嶇不平既山路,而且條路又窄,而其中有一段,如果一不小心,直情會連人帶車飛落山崖,真係唔係講笑。
當時嗰刻真係覺得好好彩,如果我自己控制架車,一定衝左落山。
以下影到俾大家睇,已經叫做好平坦既路,同埋好彩我地去之前一日無落雨,否則玩完之後一定成身黃泥水。
咁崎嶇不平既路仲要唔止一段,係好多段,我地好辛苦先涯完兩個鐘,玩完一次真係以後唔再玩 ATV 越野四驅車喇。 如果大家唔係揸開電單車,我都唔建議大家玩,因為某 D 路段真係會飛落山。

總結:
都係出皇帝島浮濳下,Shopping 下既節目適合我地多D,大家去布吉想睇下有咩自由活動玩,可以去 Klook 網站睇下和預訂:
https://www.klook.com/zh-TW/city/7-phuket/

~~ 您仲可以去以下連結參考更多我的布吉遊記~~ 

 

<布吉酒店推介> (芭東區或週邊)
布吉芭東區 Pool Villa 或有私人泳池的酒店
【布吉自由行】芭東便宜酒店住宿大集合(價格圍繞 $300至 $500 )
【布吉酒店推介】BYD Lofts Boutique Hotel – 有家感覺的服務式住宅和精品酒店
【布吉酒店推介】Kalima Resort 擁抱芭東區的藍天與白雲 (有 Pool Villa 房型)
【布吉酒店推介】布吉芭東 Pool Access 酒店大集合
【布吉酒店推介】U Zenmaya – 珍馬雅布吉度假村 – 超美的 Infinite Pool and Pool Access 酒店

<布吉手信>
【布吉手信篇】布吉 Jungceylon 既 Big C 泰好買手信了 ~





Run Hotel

RunHotel - 報導第一手酒店優惠消息,和旅遊攻略【聯絡及邀約:Vincent「at」runhotelhk「dot」hk】

留言