【越南峴港行程推介】任食龍蝦自助餐、巴拿山一日遊、水椰林籃子船、學煮地道越南菜！
近年東南亞旅行開始盛行，當中越南峴港更加成為港人人氣出遊熱點，物價低、民風純樸、酒店性價比高等等優點，都令越南成為出遊首選。小編早前亦去越南峴港旅行玩足 4 日 3 夜，馬上同大家分享一下有咩必玩啦！
任食龍蝦自助餐 – All Seasons
峴港 All Seasons 餐廳絕對係海鮮愛好者嘅天堂，當中最大嘅賣點自然係無限量龍蝦供應。龍蝦有多種烹調方式，包括會安辣椒醬、奶油焗烤同蒜味等，每種口味都各有特色，肉質鮮嫩彈牙，調味恰到好處！除咗龍蝦，其他海鮮如螃蟹、蝦、蜆同生蠔都非常新鮮，特別推薦嘅有燒鯖魚、烤章魚、烤生蠔，甚至係沙律都好好食，每款食材都有唔同嘅料理方法唔會咁易悶，小編覺得海鮮嘅新鮮程度好好，但有時調味會太搶，大家不妨叫多幾款試試唔同口味。
經 Kkday 預訂有 4 個套票可以揀，海鮮自助餐 HK$228 起、海鮮自助餐+每人半隻龍蝦 HK$287 起、海鮮自助+每人1隻龍蝦 HK$354 起、海鮮自助+無限龍蝦 HK$514 起！小編覺得除非你係勁勁勁勁鍾意食龍蝦，如果唔係揀每人半隻龍蝦或每人 1 隻龍蝦都已經好夠食，因為佢其他海鮮選擇都非常多，無咁易食悶！
預訂網址：https://www.kkday.com/zh-tw/product/196180
▼All Seasons 餐廳最大嘅賣點自然係無限量龍蝦供應！
▼大量海鮮！
▼燒鯖魚、烤章魚、烤生蠔，甚至係沙律都好好食
▼甜品都有好多種！
巴拿山一日遊
去越南旅行，一定要留一日喺巴拿山！一般來說去巴拿山最理想嘅季節係每年 3 月至 9 月，呢段時間天氣穩定，陽光充足景色最靚！不過，巴拿山位於高山上，氣候變幻莫測，就算市區天氣好山上都可能突然起霧或者落雨，所以最好帶定外套或者輕便雨衣，以防萬一。
一大早由市區出發大概 40 公里車程，一到達巴拿山山腳，就會嚟到一座好似歐洲童話城堡咁夢幻嘅地方。先乘搭上世界最長嘅單線纜車，全長 5,801 米，垂直高度差足足 1,487 米。如果天氣好，就會有種穿越雲層嘅感覺，天氣好嘅時候仲可以望到海岸線添！一落纜車就會先到達打卡熱點黃金橋，條橋由兩隻巨型石手托住，好似天神嘅手掌將黃金橋捧起咁，行上去真係有種超現實感覺，好靚！行過黃金橋，靈應寺就係附近，呢度有座高聳嘅白玉觀音像，整個環境清幽寧靜，令人心境都變得平和。
繼續行入去，會發現自己好似行咗去歐洲咁，呢度就係法國村！歐式石板路、復古街燈、鐘樓、教堂，每一個角落都充滿異國風情。另一個必去嘅景點一定係夢幻樂園Fantasy Park，超過 100 種遊樂設施，大人細路都啱玩。最刺激一定係高山過山車，自己控制速度，時快時慢咁沿住山坡蜿蜒而下，一邊感受速度感，一邊欣賞沿途風景，真係又興奮又好玩！鍾意睇花的話，仲可以去埋Le Jardin D’Amour花園，參加巴拿山花卉節。園內有 9 個唔同主題花園，成個山頭五彩繽紛，好似跌入咗一個浪漫童話世界咁！
鍾意飲啤酒就可以去埋 Ba Na Brew House，係越南海拔最高嘅精釀啤酒工坊，喺呢度唔單止可以近距離睇住啤酒點釀，仲可以試到啲由德國啤酒大師精心釀造嘅獨家啤酒，每一口啤酒都好順口，清新又好味。而Bà Nà Brew House 仲會有唔同嘅節慶活動同音樂表演，成個氛圍超熱鬧，勁正！去到巴拿山都唔使怕無嘢食，巴拿山四季自助餐廳（Four Seasons Buffet Restaurant）位於越南峴港巴拿山的法國村附近，係一個融合東西方風味嘅自助餐廳，提供多達 90 種以上的菜式，中式、越南式、西式料理都有，個人感覺選擇真係好多，口味都幾地道，上到巴拿山玩到攰可以任食餐飽都幾正！
Kkday 嘅巴拿山自助一日遊有多種唔同套票，固定接駁地點來回接送 HK$98 起、門票 ＋ Ba Na Brew House HK$281 起、門票 ＆ 自助午餐 – 四季餐廳 + Ba Na Brew House HK$358 起、夜間巴拿套票：門票和自助晚餐 + 免費接駁巴士 HK$286 起等等，大家可以按照需要入手！
巴拿山至峴港單程私人接送（往返）預訂網址：https://www.kkday.com/zh-hk/product/279541
巴拿山玩樂預訂網址：https://www.kkday.com/zh-hk/product/279541
▼一般來說去巴拿山最理想嘅季節係每年 3 月至 9 月，呢段時間天氣穩定，陽光充足景色最靚
▼小編去嘅時候天氣就唔好了～
▼天氣一差就咩都睇唔到了！
▼天氣靚嘅時候係咁樣的！
▼夢幻樂園Fantasy Park有超過 100 種遊樂設施，仲要係免費的！
▼鍾意飲啤酒就可以去埋 Ba Na Brew House
▼好有氣氛！
水椰林籃子船+cooking class
如果你想試下地道嘅越南美食同體驗一個別具特色嘅半日遊，會安 Sabirama 烹飪班絕對係唔可以錯過嘅選擇！行程由會安古城菜市場開始，導遊帶領住一班遊客走訪當地幾間街市檔，介紹越南菜嘅基本食材同香料，邊買餸邊學到唔少知識！
之後，玩埋超好玩嘅水椰林籃子船後，就正式開始烹飪班學煮地道越南菜。喺導師嘅細心指導同示範下，學咗做幾道越南經典菜式，每次都係導師示範、備好材料，真正落手落腳做嘅嘢唔多，最開心嘅係，每煮完一道菜就可以試食，真係好開心！每道菜都係自己做嘅，仲可以影相同水牛車合照，實在係一次好有趣嘅經歷！導遊同導師都非常有耐性同友善，令到呢次嘅烹飪之旅更加難忘。如果你嚟到會安，呢個半日遊真係唔可以錯過！
會安水椰林竹籃船（Coconut Basket Boat Tour）係越南會安獨特嘅水上體驗之一，絕對值得一試！你會搭住傳統嘅圓形竹籃船，穿梭喺茂密嘅水椰林中，感受大自然嘅寧靜同美麗。船夫會帶你遊覽，途中再欣賞埋當地人嘅歌舞表演，有啲船夫仲會帶你玩「水上咖啡杯」嘅旋轉遊戲（要額外畀錢），刺激又搞笑，整個行程約 45 分鐘，氣氛熱鬧又開心。
預訂網址：https://www.kkday.com/zh-hk/product/9382
▼導師帶領住一班遊客走訪當地幾間街市檔，介紹越南菜嘅基本食材同香料
▼每次都係導師示範、備好材料，真正落手落腳做嘅嘢唔多
▼簡影單單就成功，好有滿足感！
▼會安水椰林竹籃船（Coconut Basket Boat Tour）係越南會安獨特嘅水上體驗之一
▼有啲船夫仲會帶你玩「水上咖啡杯」嘅旋轉遊戲
▼搭住傳統嘅圓形竹籃船，穿梭喺茂密嘅水椰林中，感受大自然嘅寧靜同美麗。
Tree Spa Full body 按摩
嚟到越南峴港當然一定一定要歎佢哋又平又正嘅按摩！The Trees Spa Da Nang 位於越南峴港，係一間專注於提供豪華、私密水療體驗嘅水療中心，環境清幽，非常適合放鬆身心。首先會填一個簡單問卷，睇吓你有冇邊度痛或者唔舒服、力度嘅安排等等，之後再按照你嘅需求量身打造個人化嘅護理方案。成個體驗都相當不錯，唔單止手勢有力仲會即時調節，好快就感覺全身放鬆。按完後仲會有甜品同小禮物，真係超貼心！
經 Kkday 買會有好多唔同 package，會比現場買更加平！最平頭髮護理 HK$41 起，背部、頸部和肩部/足部按摩 HK$109 起，有時仲會有買一送一優惠，勁正！
預訂網址：https://www.kkday.com/zh-hk/product/147980-trees-spa-experience-da-nang
▼The Trees Spa Da Nang 位於越南峴港，係一間專注於提供豪華、私密水療體驗嘅水療中心
▼按摩都只係百幾蚊，好抵！
▼按完後仲會有甜品同小禮物
其他事項
峴港簽證資訊
香港特區護照持有人需要事先辦理簽證方可入境越南，即使是持有 BNO 護照也不享免簽。想常見的方式有三種：電子簽證（e-Visa）、落地簽證（需預先獲批），以及駐港領事館申請簽證，當中以電子簽證辦最為方便。
想萬無一失，推薦可以經網上平台代辦！以 Kkday 為例，標準服務 5-7 天電子簽證簽發程序 HK$348 起、貴賓服務 1-3 天電子簽證簽發程序 HK$522 起、VIP 服務 1 -4小時電子簽證簽發程序 HK$1,040 起。尤其是好緊急嘅情況，需要即日/極短時間內拎到簽證，Kkday 就會好幫到手！
預訂網址：https://www.kkday.com/zh-hk/product/151383
SIM 卡
去旅行自然需要 SIM 卡，經 Kkday 買 SIM 卡可以直接喺峴港機場領取，4G SIM 卡 (每日6GB) HK$54 起（啟用後 15 天內有效）、4G SIM 卡 (每日7GB) HK$41 起（啟用後 7 天內有效）！即買即用勁方便！
預訂網址：https://www.kkday.com/zh-hk/product/20335-4g-sim-card-pickup-at-danang-international-airport-vietnam
想知更多越南酒店推薦：https://www.runhotel.hk/new-world-hoiana-beach-resort/
