【西安新羅匯紋酒店正式開幕】韓國殿堂級酒店品牌首度進駐中國，開幕優惠最高 64 折每晚 HK$813 起！
講到韓國奢華酒店代表，唔少人第一時間都會諗起新羅酒店及度假村。呢個隸屬三星集團旗下、擁有超過五十年餐旅底蘊嘅殿堂級品牌，終於正式進軍中國市場——全新西安新羅匯紋酒店將於 2 月 2 日盛大開幕，同時推出開幕限定優惠，最高可享 64 折優惠！
▼ Runhotel 幫你搜尋最平預訂網站 ▼
共 264 間客房 42平方米起
西安新羅匯紋酒店，係新羅匯紋酒店品牌繼越南峴港、韓國江陵之後嘅第三間酒店，更加係品牌首次直接進駐中國。酒店以「傳承與現代優雅交會」作為核心理念，設計靈感源自西安「陶土之鄉」嘅城市身份，由公共空間到客房細節，都可以感受到一種低調但極有層次嘅高級感。酒店樓高 22 層，共設有 264 間客房，包括 251 間標準客房及 13 間套房。所有客房均可俯瞰西安城市天際線及周邊自然景觀，空間設計以寧靜、舒適為主軸，同時配合完善嘅商務設備。最細嘅標準客房都有 42 平方米，相當闊落！
設室內游泳池＋健身中心＋桑拿設施
餐飲向來係新羅酒店最強賣點之一。西安新羅匯紋酒店延續首爾新羅酒店獲米芝蓮二星及 La Liste 認證嘅餐飲傳統，將高水準廚藝正式帶到西安。酒店內嘅韓國餐廳 Lahyang，主打高級韓式烤肉，係西安目前極少數、甚至可話係唯一定位高端嘅韓國烤肉餐廳；中餐廳「知味」則以粵菜為基礎，巧妙融合陝西在地風味；而全日餐廳 Dining M 就以韓國料理作主軸，適合商務午餐或輕鬆聚會。位於頂層 22 樓嘅 Monogram Lounge，坐擁開揚都市全景，氣氛私密又放鬆，無論係黃昏小酌定夜晚靜靜休息都一樣啱。酒店同時設有室內游泳池、設備齊全嘅健身中心、桑拿設施，以及多個宴會廳同會議室，全面照顧「工作 × 生活 × 健康」三大需要。
開幕限定優惠 – 最高 64 折！
為慶祝正式開幕，西安新羅匯紋酒店現已於新羅酒店及度假村官網，以及各大國際線上旅遊平台開放預訂，並推出 3 款開幕特別住宿方案，最高可享 64 折優惠，每晚房價 HK$691（連服務費後 HK$813 ）起，以呢個品牌級數同新酒店質素嚟講，開幕期入手絕對係最抵時機。
▼ Runhotel 幫你搜尋最平預訂網站 ▼
