北海道溫泉酒店推介
1. 坐忘林 聽到「坐忘林」呢個名已經聯想到間旅館嘅環境一定好幽靜好舒服,果然冇令人失望!坐忘林位於二世古範位之內,四周被綠林包圍,攤喺床上面對全落地大玻璃窗,望住窗外綠色一片嘅林景,乜野煩惱都飛走哂! 呢間旅館有和室同洋室可以揀,全館只有15間客房,每一間房都係獨棟設計,房入面仲有獨立嘅露天同室內風呂,可以自己霸哂成個溫泉,私隱度滿分!除此之外,呢度仲有一個好值得一讚嘅環保小點子,就係暖暖嘅地板熱力竟然係來自溫泉泉水,唔浪費多餘嘅資源,非常環保! 呢度嘅料理由北海道出身嘅大廚主理,以北海道當造食材入饌製作出原創嘅鄉土料理,當中一定要試嘅就係圖中嘅「キタカイセキ」,盛載嘅器皿傳統得嚟又帶有些少摩登嘅味道,加上大廚嘅手藝,將食材最美味嘅一面激發出嚟! 坐忘林 地址:虻田郡倶知安町花園76-4 電話:0136-23-0003 坐忘林預訂網址 Booking.com
( 閱讀更多 )