【大阪酒店推薦】8 間人氣住宿精選！平價、近地鐵、心齋橋難波必住
Runhotel 今次為大家整理，根據港人預訂的 8 大熱門酒店。雖然話人多訂未必一定最好，但有數據支持，背後一定有原因。大部分酒店都近地鐵站，又方便行街睇景點。如果你計劃去大阪旅行，想住得舒服又方便，不妨參考一下。
除左熱門酒店，如果想住大阪新酒店，可以睇埋：https://www.runhotel.hk/check/osaka-new-hotels/
大阪難波相鐵 Grand Fresa (Sotetsu Grand Fresa Osaka Namba)
Sotetsu Grand Fresa 大阪難波位於日本橋站旁邊，行 5 分鐘就到黑門市場，過條馬路就係道頓堀入口，無論夜晚搵食定朝早 Shopping 都超方便。酒店裝修現代、房間乾淨企理，樓下仲有餐廳同自助洗衣設施。因為酒店位置係近日本橋站而唔係難波站，所以價錢比難波站附近嘅酒店平。不過難波同道頓堀範圍都好大，住近日本橋站一樣方便，CP 值極高，難怪咁多人訂。
▼預約網址▼
大阪肥後橋麗嘉廣場酒店 (Rihga Place Higobashi)
大部分人去大阪，首選都係難波站、心齋橋站或者梅田站，但大站上蓋酒店一定貴。識揀就要揀附近站嘅上蓋酒店，一樣方便。好似呢間「Rihga Place Higobashi」，位於肥後橋站，出四つ橋線肥後橋站 10 號出口就到，去梅田只係一個站，所以交通一樣方便。「Rihga Place Higobashi」係 4 星級酒店，質素有保證，加上價錢親民，難怪咁多網民選擇。
▼預約網址▼
相鐵 FRESA INN 北濱 (Sotetsu Fresa Inn Kitahama)
第三間受旅客歡迎的酒店，就是相鐵 FRESA INN 北浜 (Sotetsu Fresa Inn Kitahama)，酒店就喺北浜站附近。大家可能會想知，點解要住北浜站？以交通嚟講，北浜站有堺筋線 + 京阪本線，可以直達京都（出町柳方向），唔使去梅田或難波轉車，對想「大阪 + 京都」自由行嘅人好方便。去梅田、心齋橋、難波都係大概 10–15 分鐘車程，位置算係交通樞紐。北浜位於中之島河畔，景色寧靜，有啲小橋流水嘅感覺，遊客比難波少，住起嚟比較安靜。附近仲有幾間咖啡名店（例如北浜 Retrocafe、Brooklyn Roasting Company），啱晒鍾意 café hopping 嘅人。步行仲可以去到中之島公園（春天有櫻花、秋天有紅葉）。
▼預約網址▼
大阪 The Tower 光芒酒店 (Candeo Hotels Osaka The Tower)
呢間係 2024 年 7 月先開幕嘅新酒店，如果住高層，景觀非常開揚，隔音效果亦好好。酒店旁邊就有 Lawson 同 Family Mart，行大概 6 分鐘就到淀屋橋站（淀屋橋站頭先已經講過，可以直達心齋橋同京都，非常方便）。另外，酒店頂樓仲設有露天浴場，視野一流，如果喺市區玩到夜晚返到酒店，可以去浴場鬆一鬆，真係一大享受。呢間酒店絕對可以列為首選，房價大約 HK$1,300 一晚。
▼預約網址▼
Prince Smart Inn 大阪淀屋橋 (Prince Smart Inn Osaka Yodoyabashi)
Prince Smart Inn Osaka Yodoyabashi 係 2022 年開業，酒店就喺淀屋橋站，12 號出口一出就到。大家一定會想知，住淀屋橋站有咩好處？呢個時候就要提返大阪地鐵最重要嘅幹線——「御堂筋線」。由淀屋橋站坐御堂筋線，往北一個站就到梅田，往南兩個站就到心齋橋，係咪超方便？至於去京都，淀屋橋站同時都係京阪本線（Keihan Main Line）嘅車站，由度出發可以直達伏見稻荷、祇園四条、東福寺等大站，唔使轉線，一程到達，Plan 行程真係極之方便。
酒店房價大約 HK$500 至 HK$800 一晚，絕對親民，所以好多熟路嘅大阪遊客，都會將呢間酒店放喺首選。
▼預約網址▼
相鐵FRESA INN大阪難波車站前 (Sotetsu Fresa Inn Osaka Namba Station)
終於有一間位於難波車站嘅酒店係多人訂——相鐵 FRESA INN 大阪難波車站前 (Sotetsu Fresa Inn Osaka Namba Station)。先講優點，酒店最大賣點就係地理位置：由南海難波站出嚟，左手邊過條馬路就見到酒店，旁邊仲有 Family Mart。以難波車站附近嚟講，呢間酒店算係好平。不過房間就真係比較細，行李只可以喺走廊度勉強打開，但除咗空間細之外，基本上冇乜大缺點，Location 已經夠晒吸引。
▼預約網址▼
大阪心齋橋光芒酒店 (Candeo Hotels Osaka Shinsaibashi)
2023 年 11 月 26 日開幕的大阪心齋橋光芒酒店，酒店距離心齋橋站步行 5 分鐘即可到達，一落酒店就已經係心齋橋商店街，而行去固力果人只需 3 分鐘左右，地點超級方便。而酒店最有特色嘅地方，係酒店同人氣景點大阪三津寺融為一體，仲喺一樓設立咗寺廟畀旅客同埋當地居民祈福。
▼預約網址▼
大阪難波日和酒店 (HIYORI HOTEL OSAKA NAMBA STATION)
難波另一間熱門酒店，就係「大阪難波日和酒店」，一般平日入住大約 HK$800 一晚。酒店步行去難波站大約 8 分鐘，過條馬路就係南海電鐵同高島屋，去心齋橋亦好方便，出行購物一流。酒店大堂每日下午三點後有免費飲品機同雪條，細路特別鍾意；到晚上七點半後仲會提供日式茶泡飯同章魚小丸子，十分貼心。酒店旁邊仲有麥當勞，食嘢選擇方便。
▼預約網址▼
