【沖繩 Spa Junglia 】全球最大無邊際溫泉、天然月桃護膚、命藥餐廳！
沖繩一直係港人最愛的親子與情侶旅行目的地之一，2025 年 7 月 25 日 令人期待嘅新地標 JUNGLIA OKINAWA SPA JUNGLIA（叢林溫泉）開幕， SPA JUNGLIA 係 JUNGLIA OKINAWA（叢林樂園）內部設施之一。整個主題園區佔地超過 60 萬㎡，以「自然X興奮 X 療癒」為核心，設有熱氣球飛行、恐龍叢林車、冒險樹屋等超過 20 項活動。
SPA JUNGLIA 結合大自然與頂級溫泉設計的全新設施，由 Japan Entertainment 精心打造、佔地達 26,000㎡，結合世界級無邊際浴池、天然美肌溫泉、室內外浴場設計與沖繩在地元素，預計會成為 2025 年沖繩最受注目的新景點之一。無論你係想遠離都市壓力，定係搵一個可以由內靜心、外修身的地方，SPA JUNGLIA 都會係你嘅理想之選。以下同大家介紹一下 JUNGLIA OKINAWA SPA JUNGLIA 嘅設施、特點、餐飲等等！
▼門票預訂網址▼
天然美肌湧泉：源自地下 1,600 米的「今帰仁之湯」
說到 SPA JUNGLIA 嘅靈魂，當然要數佢嘅核心泉源——今帰仁之湯。呢個天然鹼性單純溫泉係從沖繩北部今歸仁村地底 1,600 米深處抽取，泉溫約為33.5°C，質地溫和無刺激，被日本當地譽為最適合肌膚嘅天然泉種之一。鹼性單純泉含有豐富礦物質，有助於促進血液循環、加快肌膚代謝、緩解疲勞，更被旅遊媒體譽為「天然美容液」。尤其適合曬傷後或長時間坐飛機後嘅肌膚修護，質地溫和且對皮膚極為友善，更擁有公認的「美膚」功效——長期泡湯可幫助去除角質、令肌膚柔滑光澤。
全方位溫泉體驗：室內洞窟浴池、按摩浴缸、冷水池與女性專屬坐浴
除咗無邊際溫泉外，SPA JUNGLIA仲設有超過 6 款浴池，包括：
洞窟風格浴池：模仿天然石灰洞構造，營造神秘又隱密的泡湯空間，特別適合情侶與想靜心獨處的旅人。
按摩浴缸與坐浴池：針對腰背酸痛、長途旅行後肌肉疲勞，提供舒緩效果。
坐浴池（限女性）：設有專屬坐浴池及私密沐浴空間，針對女性健康與私密部位護理，保護隱私之餘亦提供貼心體驗。
冷水浴與戶外桑拿：想刺激循環與提升免疫力，交替體驗熱與冷係專家推薦的最佳排毒方式，打造完整日式溫冷交替泡湯流程，有助促進血液循環與新陳代謝。
沖繩原創月桃盥洗用品系列：100%在地製造，天然零矽
喺 SPA JUNGLIA，連盥洗用品都不容忽視。園區特別開發了一系列原創沐浴與護膚產品，沖繩特產「月桃」為基底製作嘅原創盥洗用品，產品成分天然，保濕力高，唔含矽、不致敏，更符合國際 ISO12628 敏感肌標準。月桃一向被沖繩人視為「健康與長壽植物」，傳統上會用月桃葉包裹糯米製作年糕祈福。SPA JUNGLIA 就將呢項文化價值升級，研發出包含沐浴露、洗髮露、護髮素、身體乳等共 8 款產品，並結合海藻、蘆薈、青檸、莫林加等沖繩原生植物成分，帶來真正屬於「南國土地的滋養」。大家浸浴之後，記得要用埋月桃盥洗用品，感受一下沖繩當地嘅全面護理。
餐廳 TROPICAL OASIS：品嚐「命藥」料理
浸完溫泉之後，仲要品嚐一下當地地道美食！位於溫泉設施底部嘅 TROPICAL OASIS 餐廳，以沖繩養生哲學「命藥（ぬちぐすい）」為理念，精選在地食材，打造充滿色彩感與療癒力的餐酒菜單。由和牛、海葡萄、野菜天婦羅、苦瓜炒蛋，到配搭本地熱帶水果調製的原創Cocktail，每一道菜都精緻得令人驚喜。餐廳採光極佳，面向山林與天空，配上木質感設計，就算唔浸溫泉，都可以單獨來用餐、拍照、放空。
交通與建議行程規劃
SPA JUNGLIA 位於沖繩縣國頭郡今歸仁村，距離那霸機場約需 1 小時 30 分鐘車程，大家可以選擇自駕，或者搭乘高速巴士至名護市，再轉乘的士前往設施。開幕後酒店都有機會提供包車接送，大家到時不妨留意一下！
門票價格
SPA JUNGLIA 叢林溫泉票成人 HK$170（已連服務費）起、小童（4-11 歲） HK$104（已連服務費）起，7 月 25 日開幕當日都訂到！
開幕日期：2025 年 7 月 25 日（五）
地址：沖繩縣國頭郡今帰仁村字呉我山553番地1
營業時間：13:00 – 20:00（或有調整）
▼門票預訂網址▼
(adsbygoogle = window.adsbygoogle || []).push({});