【越南酒店推薦：會安南岸新世界海灘度假酒店】HK$1,306 起兩大兩細入住一晚尊貴海景房，超靚無邊際泳池睇日出，可以玩ATV賽車、Pickleball、Golf，仲有私人海灘！
近年東南亞旅行開始盛行，當中越南峴港更加成為港人人氣出遊熱點，物價低、民風純樸、酒店性價比高等等優點，都令越南成為出遊首選。小編早前亦去越南峴港旅行玩足 4 日 3 夜，今次就首先同大家分享一下最重要嘅：酒店！今次入住嘅係會安海灘度假村（Hoiana Resort & Golf ），有其中兩日都喺酒店入面盡情休息、放鬆、體驗各種精彩活動，同埋食咗好多間餐廳！馬上同大家全方位地分享一下呢間酒店嘅住宿體驗、各種免費/付費活動、高爾夫、賭場、餐飲、交通位置等等啦！
▼預訂▼
https://www.kkday.com/zh-hk/product/259941
會安南岸綜合度假區及高爾夫球俱樂部介紹
會安南岸綜合度假區及高爾夫球俱樂部（Hoiana Resort & Golf ）位於越南會安越南中部，坐落於 Cua Dai 海灘與 De Vong 河之間，既能欣賞到壯闊的海景，也能感受到寧靜的水鄉氛圍。度假村距離峴港國際機場45分鐘車程，世界文化遺產會安古鎮 15 分鐘車程，並提供前往機場、會安古鎮及峴港市中心的免費穿梭巴士服務。度假村內一共有 4 個豪華酒店品牌，每個酒店品牌都有自己獨特的設計和服務，當中私人海灘、部分泳池、兒童俱樂部等等都係共用，而今次小編入住嘅就係會安南岸新世界海灘度假酒店（New World Hoiana Beach Resort），酒店擁有 121 間精緻客房，設計風格融合了越南傳統建築與現代化舒適設施。房內裝潢以木質家具、溫暖色調為主，營造出高雅而舒適的氛圍。
▼會安南岸綜合度假區及高爾夫球俱樂部（Hoiana Resort & Golf ）
▼酒店 lobby 
▼整個度假村就是被大片的綠蔭、泳池包圍，非常有度假的感覺！
會安南岸綜合度假區及高爾夫球俱樂部住宿體驗
小編入住嘅係尊貴海景房，面積為 50 平方米，有一間帶步入式花灑淋浴間的套間浴室，以及一個可欣賞海洋景色嘅私人或露台。一去到酒店，會先送上一杯清爽嘅 Welcome drink。房間自然係非常闊落，以藍、綠、木感嘅暖色系為主調，視覺上舒服放鬆。叉電方面有 USB 位，非常方便，但如果係新 iPhone 或者有其他需求就記得帶返轉插喇，而電視都可以睇到部分香港電視台！浴室方面各種備品齊全，有牙膏牙刷、毛巾、木梳、脫毛產品等等，沐浴產品使用「Lather」 品牌，檸檬香茅味相當清新。除咗淋浴仲配有大大個浴缸，可以成個人舒舒服服地浸晒落去，但記得一定要帶浴鹽/浴球！私人露台係可以睇到部分海景的，如果天氣好，仲可以睇到日出添，真係勁 chill！
▼一去到酒店，會先送上一杯清爽嘅 Welcome drink。
▼房間非常闊落，以藍、綠、木感嘅暖色系為主調，視覺上舒服放鬆。
▼叉電方面有 USB 位，非常方便。
▼房間仲有幾個櫃，可以放置各種物品。
▼免費樽裝水
▼免費的茶包和咖啡掛耳包，掛耳包可以帶返香港做手信！
▼浴室都超級大，一家大細入住都依然好闊落唔使爭，記得一定要帶浴鹽/浴球去浸浴！
會安南岸綜合度假區及高爾夫球俱樂部 – 免費活動
小編喺酒店留足 2 日，自然因為酒店內嘅設施相當吸引且豐富！先講免費嘅，健身室裝備勁完善，仲會不定時舉行各種活動如瑜伽班。兩座戶外泳池分別面向河景與花園景觀，讓旅客在不同的氛圍下享受水上樂趣﹐仲可以玩滑梯！無邊際河景泳池可欣賞寧靜的 De Vong 河，適合靜謐放鬆，而熱帶花園泳池則四周環繞綠色植物，特別適合家庭與兒童暢玩。
▼無邊際河景泳池可欣賞寧靜的 De Vong 河，仲可以睇到日出，超靚！
▼兩座戶外泳池分別面向河景與花園景觀，而且泳池旁有好多長椅、空間畀人好好休息放鬆，喺度曬太陽都好正！
另一款近年人氣急升嘅活動 Pickleball 喺會安南岸綜合度假區及高爾夫球俱樂部（Hoiana Resort & Golf ）都玩到！酒店內一共有 8 個室內同室外嘅先進球場，免費提供毛巾和飲用水，逢星期四、五、六上午 8:30 至 10:30，仲可以上專業教練免費訓練，當然你想自己免費玩都冇問題！
▼酒店內一共有 8 個室內同室外嘅先進球場，可以免費玩Pickleball！
酒店仲有私人海灘，由 LG 樓層步行幾分鐘即可到達，旅客可遠離人潮喺寧靜嘅沙灘上享受陽光與海風。酒店提供免費沙灘椅、遮陽傘及毛巾，仲可租借水上運動設備，如獨木舟、立槳滑水（SUP）等。私人海灘係欣賞日落的最佳地點，可以一同欣賞美景，好 chill！
▼酒店仲有私人海灘，由 LG 樓層步行幾分鐘即可到達
一家大細去玩要帶小朋友去兒童俱樂部，內有日常藝術同手工活動充分發揮兒童的創造力，仲有遊樂區，小朋友都有無限樂趣！
▼一家大細齊齊放假，如果家長們想自己去玩的話，可以畀小朋友去兒童俱樂部放電！
另一個必須強調嘅免費設施係賭場！點解佢係免費？因為酒店會送每一個合資格客人一張 20 美金面額嘅會員卡，只要帶埋 passport 激活會員卡，你就可以用 20 美金暢玩老虎機！小編成功由 20 美金玩到變 28 美金，等於淨賺 2 百幾，勁開心！
▼因為酒店會送每一個合資格客人一張 20 美金面額嘅會員卡，小編由 20 美金玩到變 28 美金！
會安南岸綜合度假區及高爾夫球俱樂部 – 付費活動
除咗免費活動之外，酒店內仲有大量付費活動，而且都好抵玩唔算太貴！必玩嘅有 ATV 全地形車體驗，客人可以喺私人沙灘駕駛越野車，無車牌嘅小編表示好爽好好玩，非常易上手，仲要個速度都幾快，正！費用約為每小時 600,000 VND（約 200 港幣），需提前預約。
▼ATV 真係超好玩，圍住個沙灘喺指定範圍內駕駛，仲要唔使車牌，好爽！
對於熱愛水上活動的旅客，酒店亦提供專業嘅浮潛與潛水行程，帶領旅客探索越南中部的海洋生態。專業導師將帶你前往當地最佳的潛點，費用約 1,500,000 VND（約 500 港幣）起。除此之外，仲有皮划艇、站立式槳板、沙灘排球、足球、野營等等，好多嘢玩！
▼沙灘上仲有皮划艇、站立式槳板、沙灘排球、足球、野營等等各種活動，好多嘢玩！
嚟到越南，自然要體驗一下 Spa！ Ylang Ylang Spa 係相當奢華嘅按摩體驗，60 – 90 分鐘嘅療程，大概是 VND1,880,000 至 VND 2,800,000，港幣大概 600 – 1000 左右，收費其實同一般香港按摩差不多，但整體體驗係可以同五星級質素相比，相當放鬆舒服。做完之後可以再到 Downtime Renew 放鬆一下，入面有恒溫泳池、蒸汽房、休閒區等等，利用熱水去排毒同刺激循環，勁 chill！
▼ Ylang Ylang Spa 係相當奢華嘅按摩體驗，各種療程都帶，整體感覺好香好舒服！
▼ Downtime Renew 有恒溫泳池、蒸汽房、休閒區等等，按完摩沖完身，可以再好好浸一浸
會安南岸綜合度假區及高爾夫球俱樂部 – 餐飲體驗
另一個好受關注嘅自然係餐飲體驗，整個會安南岸綜合度假區及高爾夫球俱樂部（Hoiana Resort & Golf ）超過 20 間世界級餐廳，由越南、中國、韓國，到西方料理都有，當中由於大部分去越南玩嘅遊客都係韓國人，所以佢嘅韓國料理都相當地道受歡迎！Sunset 海灘酒吧位於私人海灘旁，提供雞尾酒、海鮮燒烤及輕食，特別推薦椰子冰沙、烤大蝦與炭燒魷魚。Cua Dai 咖啡廳係一間休閒咖啡館，提供精品咖啡、茶點與手工甜點，其中越南滴漏咖啡與法式可頌深受旅客喜愛。
鍾意越南海鮮嘅可試 Seafood Shack，另外仲有中菜好出色嘅三希樓、供應頂級日本和牛/澳大利亞安格斯等優質牛肉以及海鮮嘅 Grill、擁有超靚景嘅 The Edge 酒吧，以及成個餐廳都好有情調，裝修得好靚嘅 Quang Nam House 酒廊及酒吧，隨時去飲返兩杯靚 cocktail，可以話如果喺酒店唔出門，都可以每一餐都食到不一樣且頗有特色嘅美食！
▼ 中菜好出色嘅三希樓
▼供應頂級日本和牛/澳大利亞安格斯等優質牛肉以及海鮮嘅 Grill，前菜同肉類都好出色！
▼鍾意越南海鮮嘅可試 Seafood Shack
▼The Edge 嘅無邊際泳池超靚！
早餐我哋喺酒店嘅 Blend 享用，食物選擇真係非常多，由一般常見嘅中式點心、粥、麵包糕點、水果、薯餅腸仔，到即製嘅各種雞強料理、Pho、乳酪都有！當中必食佢哋嘅即製腸粉，每次都係即叫即製，要等大概 5- 10 分鐘，薄薄嘅米漿製成一份份煙韌帶米香嘅腸粉，再加上越南特製嘅醬汁，勁出色！而 Pho 同樣水準不錯，細細碗早餐食都唔會太 heavy。另外供應嘅飲品都值得一讚，除咗一般嘅果汁、茶之外仲有 smoothie，超好飲，而咖啡係越南滴漏，可以加牛奶或者煉奶，就咁齋啡都已經勁高質！
▼早餐真係超級豐富，而且每樣食物都好新鮮熱辣辣，就算唔夠瞓都一定要趕落去食！
▼Smoothie 每日嘅口味都不一樣！
▼除咗有即製蛋料理外，仲有即叫即製嘅腸粉都係必食！
▼水果都好新鮮！
▼Pho 係一定要食的，水準同出面餐廳有得比！
會安南岸綜合度假區及高爾夫球俱樂部 – Golf
如果你鍾意打 Golf 的話，就一定要嚟會安南岸高爾夫球俱樂部！由著名嘅高爾夫球場設計師、全球公認的「生態高爾夫球場設計之父」 Robert Trent Jones Jr. 設計，係越南排名第一嘅球場，非常專業有認受性。會安南岸高爾夫球俱樂部擁有絕美海景，18 洞、7,004 碼、71 杆，以及 6,000 平方米會所。18 洞費用大概係 HK$1,600 左右，另外各種配件收費，詳細費用可以參考此。如果想打的話要提早好多預約，小編幫大家睇過已經預約到 1 個月後，而酒店亦會推出「會安南岸酒店式公寓高爾夫假期」，以優惠價入住＋打一輪 18 洞高爾夫，但已經預約到一年後，足見其受歡迎程度！
▼會安南岸高爾夫球俱樂部由著名嘅高爾夫球場設計師、全球公認的「生態高爾夫球場設計之父」 Robert Trent Jones Jr. 設計
▼係越南排名第一嘅球場，非常專業有認受性！
▼有絕美海景，18 洞、7,004 碼、71 杆，以及 6,000 平方米會所
價錢及優惠
Kkday 推出超抵住宿優惠，會安南岸新世界海灘度假酒店（New World Hoiana Beach Resort） 3 晚連住套餐折後 HK$4,427 起，除返開每晚 HK$1,476 起，加上越南酒店住宿優惠碼「VNHL300」可享優惠滿 HK$1,800 減$300、「VNHL500」$3,200減$500 ， 3 晚連住套餐折後 HK$3,916起，除返開每晚 HK$1,306 起，最多 2位成人 + 2 位 6 歲以下兒童入住，一家大細去玩就啱晒！呢個優惠可免費從豪華海景房升級為尊貴海景房（就係小編入住嘅房間！），另外包咗 3 日早餐 @Blend、1 晚晚餐 @The Edge，以及 1 次下午茶 @The Terrace，加上到達 7 天前可免費取消，咁抵可以提早訂定！由即日起至 4 月 15 日預訂，即可享 3 晚連住優惠，可以訂到 2025 年 10 月 29，星期一至日、暑假都係一樣價錢，有興趣去就快啲訂喇！預訂：https://www.kkday.com/zh-hk/product/259941
如果想再平少少，另一間酒店 New World Hoiana Hotel 會安南岸 新世界酒店價錢會再吸引啲，3 晚連住套餐折後 HK$3,122 起，除返開每晚 HK$1,041 起，加上越南酒店住宿優惠碼「VNHL300」可享優惠滿 HK$1,800 減$300、「VNHL500」$3,200減$500， 3 晚連住套餐折後 HK$2,822起，除返開每晚 HK$941起，最多 2位成人 + 2 位 6 歲以下兒童入住，一家大細去玩就啱晒！呢個優惠可免費從高級海景房升級為豪華海景房，另外包咗 3 日早餐 @Aroma、1 晚晚餐 @Charred，以及 1 次下午茶 @The Terrace，加上到達 7 天前可免費取消，咁抵可以提早訂定！由即日起至 4 月 15 日預訂，即可享 3 晚連住優惠，可以訂到 2025 年 10 月 29 日，星期一至日、暑假都係一樣價錢！New World Hoiana Hotel 會安南岸 新世界酒店嘅住客係可以共享設施嘅，代表同樣用到無邊際泳池、水上活動、24小時健身中心、SPA水療、兒童俱樂部以及世界頂級高爾夫球場，所以大家可以根據自己預算作安排！預訂：https://www.kkday.com/zh-hk/product/260015
會安南岸綜合度假區及高爾夫球俱樂部（Hoiana Resort & Golf ）
地址：Tay Son Tay Hamlet, Duy Hai Commune, Duy Xuyen District, Quang Nam Province, Vietnam
