日本名古屋樂高樂園全攻略
計劃一家大細去名古屋一定唔少得去埋名古屋樂高樂園（LEGOLAND® Japan）！樂園佔地約 13 公頃、由超過 1,700 萬塊樂高積木打造，係亞洲第二座、全球第八座樂高樂園。園區分為 8 個主題區、包含超過 40 種遊樂設施，亦有季節性活動同特別表演。不論係 2 至 12 歲兒童、抑或任何年齡層嘅樂高愛好者都一定可以玩得盡興。門票方面跟季度收費，成人每位約 HK$263 起、小童每位約 HK$164 起。
講起季節性活動，樂園於 2025 年 1 月 25 日至 5 月 11 日推出以「樂高®旋風忍者®」系列為主題嘅「忍者聯盟訓練學院 2025」。活動包括「樂高®旋風忍者®世界」忍者訓練尋寶挑戰、「樂高®旋風忍者®博物館」展出旋風忍者® 並設積木拼貼體驗區、由 2025 年 3 月 14 日至 5 月 11 日旋風忍者® 角色會同遊客近距離互動。樂園正門前嘅 LEGOLAND Hotel 酒店亦會提供忍者主題房型架。
今次 Runhotel 嘅攻略包括門票價格詳情及預訂方式、交通方式、遊園建議等詳細資訊，等各位遊園更輕鬆！
名古屋樂高樂園預訂網址
點擊以下部分快速查看：
- 樂園門票價格及預訂網址
- 樂園門票價格詳情
- 連水族館套票價格詳情及介紹
- 入園月份人流觀察
- 樂園開放時間
- 由名古屋市區如何前往樂高樂園？
- 乘搭地鐵路線
- 其他交通選擇
- 8 大園區熱門樂高樂園設施
- 2 – 5 歲小朋友設施推薦
- 6 – 8 歲小朋友設施推薦
- 熱門樂園小食及餐廳
- 熱門樂園手信
- 附近住宿介紹
- 遊園小貼士及注意事項
樂園門票價格及預訂網址
樂園門票價格會根據季節而有所不同、分為超級淡季、淡季、旺季同超級旺季，基本門票成人每位約 HK$263 起、小童每位約 HK$164 起。提前購票就可以盡量享受最優惠價格，旺季時段建議再提前多啲購票。
樂園門票價格詳情：
- 大人（13 歲以上）門票價格：
- 超級旺季：約 HK$331
- 旺季：約 HK$316
- 淡季：約 HK$237
- 超級淡季：約 HK$222
- 兒童（3 – 12 歲）門票價格：
- 超級旺季：約 HK$212
- 旺季：約 HK$202
- 淡季：約 HK$173
- 超級淡季：約 HK$163
去得樂高樂園有興趣嘅可以訂埋套票去埋旁邊嘅 SEA Life 海洋館，基本門票同套票都係差幾十蚊左右、幾抵去！海洋館有約 150 種、3500 隻海洋生物，設有 11 個主題區域、模擬唔同嘅海洋生態環境。例如模擬愛知縣木曾川嘅淡水生態區，可以喺櫻花樹下欣賞金魚；仲有互動觸摸區，可以親手摸摸海星同海葵。最吸引嘅仲有透明海底隧道，360 度觀賞游動嘅魚群。
樂高樂園 1 日門票＋SEA LIFE 名古屋水族館門票套票價格：
- 大人（13 歲以上）套票價格：
- 超級旺季：約 HK$370
- 旺季：約 HK$356
- 淡季：約 HK$277
- 超級淡季：約 HK$262
- 兒童（3 – 12 歲）套票價格：
- 超級旺季：約 HK$252
- 旺季：約 HK$242
- 淡季：約 HK$212
- 超級淡季：約 HK$202
入園月份人流觀察：
樂園嘅旺季主要集中喺 7 至 8 月嘅暑假、4 月底至 5 月初嘅黃金週同埋聖誕節期間。如果想體驗特別主題活動就可以選擇旺季入園，特別係聖誕節會有特別活動同裝飾。
淡季包括 1 至 2 月、6 月同 9 至 11 月，呢啲月份人流較少、天氣舒服，適合想避開人潮嘅家庭。1 至 2 月啱啱聖誕完結、6 月學生未放暑假、9 至 11 月遊覽人流較少、萬聖節期間雖然有主題活動但同樣人流仍然唔多。
樂園開放時間：
想玩得盡興啲除咗揀合適自己嘅季度之外，都可以盡早入場先前往想玩嘅設施。
- 平日：10:00 – 18:00
- 週末及假期：10:00 – 19:00
開放時間可能會根據季節同人流情況有所變動。繁忙假期或特殊活動期間，樂園可能會延長營業時間。去前可以先查看樂園官方網站以獲取最新營業時間資訊。
由名古屋市區如何前往樂高樂園？
乘搭地鐵路線：
- 搭地鐵至名古屋車站
從名古屋市區出發搭乘地鐵東山線或櫻通線去到名古屋車站（Nagoya Station）。 - 轉搭青波線
喺名古屋車站青波線（Aonami Line）月台、直達終點站「金城埠頭站」（Kinjofuto Station），車程約 24 至 30 分鐘。 - 抵達金城埠頭站步行至樂園
金城埠頭站落車、跟住指示通過 Makers Pier 商店街，步行約 7 分鐘就到樂園。
其他交通選擇：
- 搭計程車：
從市區直接搭計程車去樂園車程約 30 分鐘，費用約 3000 至 4000 日圓。 - 自駕前往：
樂高樂園附近冇專用停車場。最近嘅「金城埠頭停車場」每日收費約 1000 至 1500 日圓，步行約 6 分鐘就到樂園。
熱門樂高樂園設施
樂園共有 8 個主題區域，分別為以中世紀騎士為主題嘅騎士王國、模擬城市環境嘅樂高城市、有冒險遊樂設施嘅探險區、以海盜作主題嘅海盜海岸、以忍者作主題嘅幻影忍者世界、適合學齡前兒童嘅積木之國、展示樂高積木製作過程嘅工廠、展示用積木製作微型景觀嘅迷你大陸。小編就整理咗每個區域有啲咩熱門嘅遊樂項目。
- 騎士王國（Knight’s Kingdom）：
- 飛龍（The Dragon）：刺激嘅過山車設施，身高 105cm 以上先可搭乘。
- 飛龍的學徒（Dragon Apprentice）： 溫和版嘅過山車設施，身高未達 105cm 嘅小朋友就可以玩呢個先。
- 樂高城市（LEGO City）：
- 駕駛學校（Driving School）：小朋友可以喺模擬城市學習開車，係非常受歡迎嘅互動設施。
- 消防學院（Fire Academy）：小朋友可以參加消防訓練，學習滅火、成為小小消防員。
- 冒險區（Adventure）：
- 失落王國探險（Lost Kingdom Adventure）： 坐上探險車尋找寶藏並射擊目標，適合一家大細一齊玩。
- 潛水艇冒險（Submarine Adventure）： 於潛水艇探索水底世界觀賞樂高海洋生物同真實魚類。
- 海盜海岸（Pirate Shores）：
- 水花大戰（Splash Battle）：喺船上同其他人打水槍戰，會濕身嘅設施。
- 拋錨號（The Pirate Ship）：海盜船擺盪設施。
- 幻影忍者世界（Ninjago World）：
- 幻影忍者降龍飛天（Ninjago Flying Dragon）： 騎住忍者龍喺空中飛翔嘅刺激機動遊戲。
- 勞埃德回轉飛輪（Lloyd’s Spinjitzu Spinner）： 自轉公轉嘅機動遊戲，可自由控制旋轉方向同速度。
- 積木之國（Bricktopia）：
- 積木派對（Brick Party）：旋轉木馬類設施，適合一家大細一齊玩。
- 瞭望台（Observation Tower）：升到 60 公尺高 360 度俯瞰樂園，適合影相打卡。
- 迷你樂園（Miniland）：
- 可以睇用樂高積木打造嘅日本著名地標，例如東京塔、澀谷街頭等。
去樂高樂園相信刞主要都係想小朋友玩得開心。樂園提供適合唔同年齡層嘅遊樂設施，以下就幫大家整理適合年齡較細小朋友嘅設施、幫大家安排最合適嘅遊玩路線！
2 – 5 歲小朋友設施推薦：
- 得寶遊樂園（Duplo Playtown）
提供玩具屋、積木溜滑梯、大型樂高積木，小朋友可以自由探索。 - 得寶特急號（Duplo Train）
乘坐色彩繽紛小火車欣賞周圍景色。 - 雲端貓追蹤者（Cat Cloud Buster）
兩人合作拉繩索升空遊戲，身高限制為 100cm。 - 積木派對（Brick Party）
旋轉木馬類設施，適合一家大細一齊玩。
6 – 8 歲小朋友設施推薦：
- 駕駛學校（Driving School）
分為初級駕駛（3 – 5歲）以及一般駕駛（6 – 13歲），小朋友於模擬城市學習開車、仲可獲司機證。 - 失落王國探險（Lost Kingdom Adventure）
坐上探險車尋找寶藏並射擊目標，適合一家大細一齊玩。 - 魷魚衝浪者（Squid Surfer）
於小型快艇上旋轉閃避水柱、父母同小朋友可以一齊玩，有機會濕身架。
熱門樂園小食及餐廳
樂園內有多間餐廳同小吃攤，小編整理咗比較多人揀嘅餐飲選擇：
- 磚頭屋漢堡（Brick House Burger）：
- 位置：樂高城市
- 一間漢堡快餐店。漢堡使用 100% 牛肉製成、薯條為各式積木形狀，適合打卡。餐廳提供自助飲料，可以免費續杯。大部分遊客嘅用餐選擇，適合家庭用餐。
- 價格範圍：¥1,000 – 2,000
- 彩日式餐廳（Aya Japanese Restaurant）：
- 位置：探險區
- 提供正宗日本料理，包括鰻魚飯、味噌豬排等名古屋美食。餐廳環境舒適，適合家庭聚餐。餐廳獲得幾高嘅評價，中意日式料理嘅可以選擇。
- 價格範圍：¥2,000 – 3,000
- 園內各小食攤位：
- 樂高薯條（LEGO Fries）：造型可愛、係好多遊客選擇嘅小食。
熱門樂園手信
玩完樂園後想買吓紀念品送禮或送俾自己？園內嘅「The Big Shop」係全亞洲最大嘅樂高商店，買到各種有限量版同各種主題系列積木組合及樂高禮品等。樂園內每間商店都有唔同款式嘅產品，選擇都十分豐富。以下整理咗幾款較熱門嘅紀念品選擇：
- 鎖匙扣：每間商店都有唔同款式、仲可以刻字做紀念。
- 積木組合：例如「LEGO 40346」嘅縮小版樂高樂園模型，包含咗園內迷你版嘅飛龍雲霄飛車、海盜海岸等設施。另外仲有名古屋地標嘅特色積木套裝可選擇。積木組合就幾適合樂高迷。
- 餅乾：造型可愛嘅樂高積木餅乾有唔同味道選擇、包裝設計都幾吸引。
- 紀念幣：可以喺樂園內指定機器壓製，唔係特別中意樂高用黎紀念吓都唔錯。
- 文具類：包括筆記本、鉛筆、筆盒等，不論送俾學生、大人都係實用有趣。
附近住宿介紹
計劃去名古屋樂高樂園玩有機會都想係樂園附近搵酒店入住，方便去樂園又或者玩完可以快啲休息。樂高樂園附近都有唔同酒店選擇；有啱曬小朋友嘅主題酒店、亦有交通便利嘅商務型酒店。以下整理咗幾間附件嘅熱門酒店：
- 樂高樂園酒店（LEGOLAND Japan Hotel）
想完整嘅遊玩體驗就一定唔可以錯過係正樂園旁邊嘅主題酒店。酒店房型分為多種主題包括海盜、王國、冒險等，於 2025 年 1 月 25 日至 5 月 11 日再有「樂高®旋風忍者®」5 種主題房型；房內有樂高遊戲區同尋寶遊戲、兒童雙層床、專屬電視同藏寶箱等，好適合有小朋友嘅遊客入住。另外，酒店設適合小朋友嘅水上遊樂區、親子餐廳、酒吧等。
地址：愛知縣名古屋市港區金城埠頭 1 號
HK$2,514起 - 名古屋希爾頓酒店（Hilton Nagoya Hotel）
希爾頓樂高樂園的官方合作酒店，無論服務定房間質素都非常有保障。酒店距離名古屋站約 400 米，交通方便。有提供前往樂園嘅接駁車亦有提供名古屋站及中部國際機場嘅接駁車。
地址：愛知縣名古屋市中村區名駅南 1-1-1 - 名古屋萬豪飯店（Nagoya Marriott Associa Hotel）
酒店距離名古屋站好近、步行 1 分鐘就到，交通非常方便。酒店內包含多國餐飲選擇，而休閒設施包括室內游泳池、健身房同桑拿。 酒店附近有高島屋百貨公司，附近仲有唔少餐廳同商店，非常適合購物。
地址：愛知縣名古屋市中村區名駅南 1 丁目 1 番 1 號 - Dormy Inn 名古屋榮天然溫泉錦鯱之湯酒店有天然溫泉、桑拿同埋餐廳，特別嘅係仲有免費嘅醬油拉麵宵夜。 距離榮地鐵站約 400 米、 距離伏見站約 300 米，周圍有便利店同餐廳，係正市中心地理位置優越。酒店整體評價都幾好。
地址：愛知縣名古屋市中區錦 3 丁目 15 番 22 號 - Route Inn Grantia Tokai Spa & Relaxation
酒店於 2020 年開業，擁有 Hana-no-Yu 自然溫泉浴場俾客人舒緩身心。酒店內設多樣化餐飲選擇，亦有提供免費接駁巴士服務，方便前往附近火車站。酒店環境寧靜，幾啱自駕遊客入住。
地址：愛知縣東海市荒尾町丸根 1 丁目 21 號
遊園小貼士及注意事項
- 早啲入園：先前都都提過樂園一般早上 10 時開放，早啲入園先前往上述熱門遊樂設施就可以少人啲。
- 下載官方 APP：可以了解即時排隊情況、園區地圖、設施維護通知同表演時間表，更好安排遊園順序。
- 禁止攜帶：樂園唔可以攜帶食物、飲料（除嬰兒食品）、大型行李等。行李方面，樂園樂園內設有投幣式儲物櫃、商店寄存。
名古屋樂高樂園預訂網址
