【香港 JW 萬豪酒店自助餐】超正鮑魚、花膠、佛跳牆，仲有新鮮龍蝦、蟹鉗、鱈場蟹腳、麵包蟹！
香港 JW 萬豪酒店人氣自助餐餐廳 JW Café 經過精心翻新後，於 10 月 1 日華麗重開，帶住全新面貌同升級菜式強勢回歸！無論你係海鮮控、甜品控定係中菜愛好者，都可以喺呢度一次過滿足晒味蕾。小編早前去拍攝採訪，馬上同大家分享一下回本推介！
自助晚餐匯聚中西美饌，而中菜部分一如以往咁精彩。全新推出嘅古法燜南非鮑魚滑雞，用老雞、瘦肉、金華火腿同乾瑤柱熬成濃郁上湯，再慢火燜煮至鮑魚軟嫩彈牙、雞肉滑而入味；另一道野米濃湯燴花膠火腿用上高纖野米煮成香滑濃湯，滋補又養顏。最吸睛嘅新菜之一就係原盅佛跳牆，入面足足藏咗 9 款名貴食材，包括鮑魚、花膠、鹿筋、瑤柱、素翅同金華火腿，湯底香濃豐厚，一打開盅就香氣撲鼻。另有花雕酒醉蝦、上海鹹肉白菜雞湯泡飯、鮑汁燜海參鵝掌、蒸本地綠洲龍躉斑球同招牌燒味區片皮鴨、燒乳鴿、叉燒，好少自助餐有咁多高質中菜！JW Café 首度引入廚師發辦料理區（Omakase Counter），由日籍師傅每日即席準備限定菜式，例如龍蝦刺身、牡丹蝦海膽壽司、象拔蚌椒麻醬油漬刺身、A5 和牛壽司、海膽燉蛋等，另外亦有多款高級刺身如象拔蚌、赤貝、北寄貝、三文魚，壽司卷物同樣精彩，如木魚花油甘魚卷、煎鴨肝鮮芒果卷等。
自助餐靈魂當然少不了海鮮區！JW Café 嘅冰鎮海鮮枱陣容一如既往咁強勁，包括新鮮龍蝦、蟹鉗、鱈場蟹腳、麵包蟹、鮮蝦等。即席切肉專區有香煎澳洲和牛牛扒、香草焗三文魚、烤羊架同法式香草牛油焗蝦。想食地道港味？即煮麵檔就最啱！提供多款自家製配料如鮮蝦雲吞、炆牛腩、牛筋 等，讓你自由搭配出個人化「港式車仔麵」，極具地道風味。甜品部分亦絕對係打卡位，推介斑蘭戚風蛋糕、伯爵茶巴斯克芝士蛋糕、鴛鴦瑞士卷、泰式奶茶奶凍同低糖果仁撻，款款都精緻細膩，仲有即席製作嘅朱古力心太軟同多款雪糕！
▼預訂網站 ▼
https://www.klook.com/zh-TW/activity/71254-jw-cafe-jw-marriott-hotel-hong-kong/
▼濃湯燴花膠火腿，花膠勁厚肉！
▼古法燜南非鮑魚
▼超足料原盅佛跳牆
▼新鮮龍蝦、蟹鉗、鱈場蟹腳、麵包蟹、鮮蝦等
▼多款冷盤
▼乳鴿都有！
▼即席切肉專區有香煎澳洲和牛牛扒、香草焗三文魚、烤羊架同法式香草牛油焗蝦
▼甜品區
JW 萬豪酒店自助餐
地址：金鐘金鐘道88號太古廣場香港JW萬豪酒店5樓
▼預訂網站 ▼
https://www.klook.com/zh-TW/activity/71254-jw-cafe-jw-marriott-hotel-hong-kong/
