準備去福岡自由行嘅朋友要留意！主打「文化商務酒店」概念嘅 BASE LAYER HOTEL FUKUOKA，將於 2026 年 4 月 15 日正式開幕，選址福岡市中央區清川，距離地下鐵渡邊通站步行約 6 分鐘，夾喺天神同博多之間，位置方便之餘，又避開核心鬧市嘅喧鬧。呢間係品牌繼名古屋之後嘅第 2 個據點，延續「讓住宿成為旅程一部分」嘅理念，唔再只係一間瞓覺嘅商務旅館，而係真正嘅旅遊基地。

▼ Runhotel 幫你搜尋最平預訂網站 ▼

HK$614起

立即預訂

HK$614起

立即預訂

HK$620起

立即預訂

7 大房型 126 間客房，居然有私人桑拿房

全館共 126 間客房，設有 7 種房型，由商務 Double、Twin 房，到適合朋友或家庭出遊嘅四人房、和洋家庭房全部齊備。當中最正一定係設有專屬房內桑拿室嘅「桑拿 Twin」房型，唔使排隊、唔使同人 Share，隨時喺自己房入面焗桑拿，對於鍾意桑拿文化嘅旅人嚟講真係超級加分。和洋家庭房最多可容納 6 人入住，一班朋友同行都無壓力。

酒店配備方面都非常講究，床墊選用 Brain Sleep 品牌，強調高透氣同分散壓力設計；備品用上植物香氣為主嘅 athletia；房內配有 cado 空氣清淨機，保持清新空氣；再加上大型液晶電視同 OPSODIS 1 3D 環繞音響系統，睇戲聽歌都有戲院級享受。住一晚唔止係休息，而係真正幫你調整狀態。

1 樓咖啡吧＋24小時無人BL*MART

酒店仲刻意打造公共空間做「城市延伸」。1 樓設有咖啡吧，提供輕食同咖啡，無論係早上chill住開工，定係下午返酒店休息，都有一個舒服角落。

同層仲有24小時營業嘅無人選物店「BL*MART」，支援無現金支付，精選福岡本地特色食品、旅行用品等，唔單止方便住客，連附近居民都可以使用，令旅人同社區產生自然連結。2 樓設有自助洗衣房，1 樓亦有自助行李間，對長住或者行程密集嘅旅客非常實用。

地點便利：天神×博多中間地段

酒店位於清川，步行約 400 米就到渡邊通站，博多、天神都好快到。相比天神鬧區，呢邊氣氛更貼近福岡人日常生活。附近嘅藥院、平尾一帶有大量獨立小店、咖啡店同地道餐館，仲鄰近柳橋連合市場，可以體驗地道飲食文化。

每晚房價 HK$515 起

由即日起正式開放預訂，各訂房平台價錢都吸引，每晚房價大概 HK$515 起，好抵玩！

BASE LAYER HOTEL FUKUOKA
地址：〒810-0005 福岡県福岡市中央区清川1丁目14−15

▼ Runhotel 幫你搜尋最平預訂網站 ▼

HK$614起

立即預訂

HK$614起

立即預訂

HK$620起

立即預訂

────── 最新文章 ──────

【最新香港酒店 DJ 音樂派對】美麗華酒店 Vibes 「我們的華語歌時代」之夜 HK$400、麗思卡爾頓 OZONE HedKandi 25 周年電音派對 HK$471 包香檳、都會海逸酒店歡聚今宵．霓虹 DJ 金曲夜

【中銀 Go 卡介紹】北上消費指定商戶 5% 回贈，人民幣簽賬免手續費，送迎新禮品及簽賬獎賞總值高達 HK$2,800！

【自助餐買一送一優惠 2026 年 3 月】銅鑼灣柏寧酒店自助餐買二送一、尖沙咀馬哥孛羅酒店自助餐低至 3 折＋買一送一、麗晶酒店自助餐優惠碼、逸東酒店買一送一、尖沙咀香格里拉酒店買二送一、紅磡都會海逸酒店買二送二、屯門黃金海岸酒店買一送一、中環文華東方買一送一（文章持續更新）

【香港港麗酒店南洋主題自助餐】必試招牌喇沙＋參巴黑毛豬扒飯＋班蘭甜品，超抵 85 折成人折後 $445 起、小童折後 $312 起

九龍酒店自助餐第二位只需 HK$133、黃金海岸酒店自助餐每位 HK$164 起

【FWD 旅遊保 65 折】5 日保費 HK$98 起，頭等計劃設高達 HK$150 萬醫療費用、流動設備被盜保障 HK$5,000、缺席活動保障 HK$15,000，更罕有地涵蓋任何原因 ¹ 取消或更改旅程 ² ³！