【富士山新酒店！】「edit x seven 富士御殿場」9月開幕，房內直望富士山，有桑拿＋新餐廳＋低氧健身房＋狗狗遊樂場！
富士山又有新酒店喇！想近距離欣賞壯麗富士山的風景，又想享受度假式住宿體驗？由日本 FAV HOTEL 集團打造的新品牌 「edit x seven」 即將在靜岡縣御殿場市迎來首間飯店 —— 「edit x seven 富士御殿場」，並於 9 月 1 日正式開幕。酒店設計以「療癒、放鬆與美好生活」為核心，不但每間客房都設有私人陽台，更有寵物友善的狗狗主題房型，適合情侶、家族旅行，甚至毛孩主人前來度假。宜家已經可以預訂，每晚房價約 HK$1,525（已連服務費）起。
▼預訂網址▼
Runhotel 幫你搜尋最平訂房網站
想搵埋其它富士山新酒店？可按此瀏覽富士河口湖新酒店資料
12 種房型 – 房內直望富士山
酒店位於靜岡縣御殿場市，距離東名高速御殿場交流道開車兩分鐘就到，夠晒方便。雖然全館得 49 間房，但就有 12 種房型，選擇非常多：最大嘅套房可以住到 8 個人，仲有成 154 平方米連超大露台；亦有自帶私人三溫暖嘅客房；最受歡迎嘅梗係狗狗主題房，設計到寵物都住得舒服。四樓以上嘅房間全部都望到富士山，夜晚拉開窗簾，景色一流。酒店頂樓仲有狗狗遊樂場，毛孩可以周圍跑！
▼有自帶私人三溫暖嘅客房
▼四樓以上嘅房間全部都望到富士山
▼最大嘅套房可以住到 8 個人，仲有成 154 平方米連超大露台
設施：桑拿＋新餐廳＋低氧健身房
鍾意 sauna 嘅朋友一定會好開心。酒店有 9 間房型配備富士山景觀三溫暖，仲用咗百年歷史嘅芬蘭 METOS 爐具，由三溫暖專家笹野美紀惠監修，打造出專業級「Saunage」設計。除咗房內，酒店一樓亦有包廂式三溫暖，最多 8 人一齊用得，外賓或者當地人都可以試。
飲食方面，酒店同澳洲咖啡品牌「Latte Graphic」合作，開設新餐廳 「BASE445」，餐廳名取自酒店所處海拔 445 公尺。早餐有開放式三文治，晚餐有御殿場火腿拼盤、現刨芝士牛筋波隆那意粉，全部都係用當地食材炮製。再配埋精釀啤酒、日本酒或者葡萄酒，夠晒寫意。想旅行都保持運動習慣嘅人唔使擔心，酒店仲有低氧健身房「LOX-Fit」，模擬到海拔 2,500 公尺嘅環境，訓練效率更高，住客可以免費使用！
▼酒店一樓亦有包廂式三溫暖
▼酒店同澳洲咖啡品牌「Latte Graphic」合作，開設新餐廳 「BASE445」
▼酒店仲有低氧健身房「LOX-Fit」
▼酒店頂樓仲有狗狗遊樂場，毛孩可以周圍跑！
edit x seven 富士御殿場
地址：日本靜岡縣御殿場市（東名高速御殿場交流道約 2 分鐘車程）
▼預訂網址▼
Runhotel 幫你搜尋最平訂房網站
(adsbygoogle = window.adsbygoogle || []).push({});