【澳門銀河嘉佩樂試業中！】95 間客房部分為私人無邊際泳池嘅別墅，米芝蓮級餐飲＋管家服務
又多一間澳門新酒店！「澳門銀河™」最近宣布旗下矚目新成員澳門銀河嘉佩樂（Capella at Galaxy Macau） 已經於 2025 年 8 月開始試業。不過唔好心急想去訂房，官方話暫時未對外開放，現只邀請 Galaxy 最尊貴 VIP 客人優先體驗，真係『少數中的少數』嘅奢華享受。不過小編可以教大家點樣訂到房，睇埋下文啦。
▼澳門銀河嘉佩樂官網▼
https://www.galaxymacau.com/zh-hant/hotels/capella-galaxy-macau/
嘉佩樂酒店品牌已經連續三年獲美國版《Travel + Leisure》選為「全球最佳酒店品牌」，今次落戶澳門銀河，將專屬 VIP 嘅極致優雅帶到本地，亦進一步鞏固澳門「世界旅遊休閒中心」嘅地位。
▼澳門銀河嘉佩樂
95 間特色客房 部分配備私人無邊際泳池
嘉佩樂一向以貼心度身訂造服務同極致私密感見稱，今次是品牌首度進駐澳門，酒店由法國殿堂級設計事務所 Moinard Bétaille 操刀，佢哋過往嘅作品包括卡地亞旗艦店、加尼葉歌劇院同蒙特卡洛雪茄俱樂部，嘉佩樂整個建築靈感來自熱帶自然與澳門文化特色，將歐洲藝術氛圍和東方底蘊完美融合。酒店樓高 17 層，設 95 間特色套房，仲有配備私人無邊際泳池嘅別墅，住客可以喺充滿熱帶氣息同藝術格調嘅環境下，享受完全靜心放鬆嘅假期。無論係米芝蓮級餐飲，定係貼心嘅管家服務，都係專為最挑剔嘅貴賓而設。房間內採用 Santa Maria Novella 浴室用品、Frette 床品，並設有 Butler Pantry、化妝間及娛樂空間，配合 24 小時管家服務、行李整理服務和 Berluti 鞋履護理，盡顯嘉佩樂一貫細緻嘅待客之道。
▼95 間特色客房
▼部分為配備私人無邊際泳池嘅兩房別墅 
香港米芝蓮名廚、室內休閒泳池
除了住宿之外，嘉佩樂亦在餐飲和文化體驗上下足心思。酒店與香港米芝蓮星級名廚鄭永麒（Vicky Cheng） 合作，開設他在香港以外的首間餐廳，為住客帶來獨一無二的頂級饗宴。館內同時融入藝術元素，計劃與國際藝術家合作舉辦展覽及活動，並設有特色酒吧及稀有威士忌收藏，讓住宿體驗不單止是休憩，更是一場沉浸式的生活藝術之旅。設施方面，嘉佩樂住客可專享 Capella Living Room，這裡不單是一個休閒空間，更是讓貴賓享用輕食、閱讀、交流的私人會所氛圍。酒店亦設有室內休閒泳池，配備舒適日光浴床，讓客人即使身處繁華澳門亦能感受到靜謐的假期氣息。同時，住客可使用高級健身中心，並享受專業教練指導，滿足日常鍛煉的需要。至於水療及養生中心，則以傳統療法與現代技術結合，帶來深層舒緩的身心體驗，當然唔少得可以免費暢玩銀河度假城內的天浪淘園！
▼小紅書上有唔少網民分享入住體驗，真心好靚！
（圖片來源：小紅書@kiko）
（圖片來源：小紅書@kiko）
（圖片來源：小紅書@kiko）
▼超正！
（圖片來源：小紅書@小安安安安安安）
（圖片來源：小紅書@澳门银河嘉佩乐）
而家嘉佩樂仲處於 VIP only 優先體驗階段，官網和其它訂房網未有開放預訂。但想親身試住？小編發現紅書有好多代訂，小編扮客人查詢過，9 月份平日入住，房價大約 $2,800 至 $3,800，如果是擁超大無邊際泳池嘅兩房別墅，暫時房價約 $9800。不過小編都要提醒大家，透過小紅書預約房間始終有風險，大家自己衡量。
澳門銀河嘉佩樂
地址：澳門路氹銀河大道
Runhotel 已經整合最新澳門自助餐價錢排名價錢由貴至平排列，方便大家參考。另外，除了澳門銀河嘉佩樂，可以睇埋其它澳門新酒店。
