深圳大悅城 Partyday Mega 運動超樂場係全國最新旗艦店，位於寶安大悅城五樓，成個場有接近一萬平方米，設計走機械廢土風，非常有未來感。同時有十五米超高樓底，好有空間感，畀人一種踏入異世界嘅震撼感覺。

深圳其它人氣室內遊樂場還有：

• 【Party day運動超樂場】地址 / 開放時間 / 門票及收費 / 最近地鐵站交通資訊
• 室內潮玩街區 HOP-DX
• 玩美攻略 WonderMeet | 深圳福田區超大型室內遊樂場，全日任玩成人每張門票只需 HK$288
• 深圳心跳頑家超級運動世界｜8000平方米室內遊樂場，一大一細任玩 2.5 小時只需 HK$276 起
• Block by Amfun 運動超樂場

場地介紹

呢度唔係普通玩樂場，而係沉浸式嘅大型娛樂場館，娛樂設施超過八十項。入面有保齡球專區，啱晒同朋友一齊挑戰；專業賽車道，可以真實感受到急速競賽嘅刺激；仲有射擊體驗、各類型虛擬實境遊戲區，戴上裝置就穿梭唔同世界，玩法多到冇得停。體能拓展區都適合鍾意動感同挑戰身體極限嘅朋友。

場內特別設有全球首創嘅沙塵漂移遙控賽車沙盤，帶嚟極致微型賽車體驗。仲有同國際知名感官遊戲單位 MOMENT FACTORY 合作嘅互動遊戲，注重視覺同感官享受。另外，亦有自家研發機械臂配合VR機甲對戰、真實摩托競速等大型設施。高空DJ島台再加拓展矩陣，音樂同運動娛樂融合，成個場氣氛非常活躍。

玩樂設施

場內合共超過 80 項創新遊樂設施，包含不同類型嘅體驗，無論追求刺激、動感、科技還是團體合作，場館都可以滿足。

經典對戰與運動遊戲

• 保齡球專區：設備齊全，適合與朋友競技。
• 賽車道：真實感受賽車競速，模擬飛馳體驗。
• 射擊體驗區：多種射擊遊戲，享受命中靶心嘅快感。

科技與虛擬實境

• 多種類型VR虛擬實境區：戴上裝置可體驗冒險、浪漫、動感等不同場景。
• 自研機械臂VR機甲對戰：結合機械臂及VR技術，沉浸式機甲遊戲。
• 真實摩托競速：模擬摩托疾速狂飆，考驗技巧與膽量。

動感挑戰及體能拓展

• 體能拓展專區：設有攀爬、跳躍等體能關卡，適合鍾意運動的你。
• 拓展矩陣：多樣空中陣列設施，體驗冒險與挑戰並重。

創新及全球首創體驗

• 沙塵漂移 RC 遙控賽車沙盤（全球首發）：微型RC賽車於沙盤上競速，場景極具觀賞性。
• MOMENT FACTORY 聯名感官遊戲：強調視覺與感官互動，創新體感娛樂。

音樂與聚會互動

• 高空 DJ 島台：結合音樂派對與互動娛樂，現場氣氛極High。

場地照片

▼深圳大悅城 Partyday Mega 運動超樂場

▼專業賽車道

▼保齡球專區

▼高爾夫球體驗

*以上圖片轉自小紅書 @Soso-

門票及收費

工作日
單人門票 ¥238/4小時；親子門票 ¥338/4小時

節假日
單人門票 ¥268/4小時；親子門票 ¥368/4小時

附近酒店推介

寶安區 2021 年開業的深圳寶安京基華邑酒店好多人都讚性價比高，7 百元左右一晚，洲際酒店集團品牌，有室內泳池，房間仲好夠大添。預訂網址：https://hk.trip.com/hotels/shenzhen-hotel-detail-123245958/hualuxe-shenzhen-bao-an-an-ihg-hotel

交通

深圳大悅城Party day運動超樂場鄰近地鐵  5 號線同 12 號線嘅靈芝站，從 A 出口步行約 5 分鐘即可到達。

從深圳灣口岸出發：

• 可由深圳灣口岸搭乘的士直達（約 25 分鐘）
• 由深圳灣口岸出發，喺深圳灣口岸站搭乘地鐵 13 號線（往高新中方向），乘搭2個站後後海站後，轉乘地鐵 11 號線（往碧頭方向），乘搭 1 個站後喺南山站轉乘地鐵12號線（往松崗方向），乘搭 6 個站後到達靈芝站，從 F 出口出站，步行約 5 分鐘即可到達深圳大悅城Party day運動超樂場，全程 40 分鐘。

從深圳北站出發：

• 乘高鐵至深圳北站轉地鐵（全程約 30 分鐘）。

深圳大悅城Party day運動超樂場
地址：深圳寶安區大悅城商業中心5-6樓L507+L601