【深圳光明區酒店推薦】近藍鯨世界、萬達廣場 5 間高 CP 值住宿！親子、情侶都啱住
深圳光明區近年發展得好快，係深圳其中一個最新嘅科技感發展區，集自然景觀同城市活力於一身。呢度有被譽為「最美紅飄帶」嘅虹橋公園、人氣商場藍鯨世界同光明大仟里商場，仲有融合藝術氣息嘅光明文化藝術中心，無論打卡、親子定輕鬆行山都啱晒。週末嚟個三日兩夜遊光明區，住返間靚酒店，慢慢體驗光明嘅新活力同城市魅力，絕對係假期好選擇！
深圳光明智選假日酒店
深圳光明智選假日酒店係2024年開幕，步行大約十分鐘就到藍鯨世界、萬達廣場同地鐵鳳凰城站，地理位置相當方便。酒店外觀雖低調，但大堂乾淨明亮、員工服務態度非常親切。家庭主題房如米奇唐老鴨房深受小朋友喜愛，仲有機械人幫手送外賣，細路仔見到都好興奮！酒店提供免費泊車、包自助早餐及晚餐，早餐豐富美味、選擇多樣，晚餐雖然款式唔算多，但味道唔錯。退房可以延至下午兩點，真係一間值得推薦嘅親子友善酒店。
深圳光明天安云谷逸衡酒店
深圳光明天安雲谷逸衡酒店係洲際集團旗下品牌，整體設計新穎有現代感，大堂簡潔明亮，仲有提供時令茶，感覺幾舒服。房間設備齊全，入面有智能鏡同健身器材，好啱鍾意運動或者注重健康嘅住客；酒店亦設有健身房同無邊泳池。不過泳池並非酒店自己管理，用之前要留意。酒店仲有自助洗衣房同烘乾機，對長途旅客特別方便。服務方面幾細心，會主動幫手解答問題。早餐選擇唔錯，味道都幾好。酒店位置喺深圳理工大學附近，環境安靜，行大約十分鐘就到歡樂田園；雖然周邊商場唔多，但搭車出入都方便。以價錢同質素嚟講，呢間酒店算係光明區幾理想嘅住宿選擇。
深圳光明美爵酒店
深圳光明美爵酒店係法國雅高集團旗下高端品牌，位於光明區中心，鄰近鳳凰城地鐵站，樓下就有光明萬達廣場同藍鯨世界商場，食肆、超市、咖啡店同娛樂選擇超多，啱曬週末帶屋企人或朋友嚟深圳「Chill」返兩晚。香港有跨境直通車直達酒店，超方便 。
小編自己住過光明美爵酒店一次，印象都非常好。最大優點除咗夠新淨、管理細心，地點真係市中心級，一落樓玩、飲、食、買乜都有。有啲房仲望到城市夜景，親子房啲主題元素、滑梯設計勁受小朋友歡迎，就算只係一晚Staycation都覺得物超所值。光明美爵酒店入住體驗可按此
深圳光明希爾頓花園酒店
深圳光明希爾頓花園酒店位置好方便，距離地鐵公明廣場站步行大約七至八分鐘，附近有大仟里商場，同時有唔少餐廳選擇，生活機能好齊全。酒店整體環境乾淨舒適，大堂設計現代簡約，充滿藝術氣息。房間整潔寬敞、設施齊全，床鋪好舒服。酒店設有24小時健身室，仲有機械人幫手送外賣到房門。
