深圳福田區酒店推薦 | 近地鐵＋新裝修＋平價住宿推介
近年深圳福田區真係開咗唔少靚新酒店同服務公寓，特別係2024、2025年新開業嘅選擇非常多，勁啱香港人weekend北上快閃或者出差旅遊入住！啲新酒店主打現代時尚設計，裝修新淨企理，而且大多數都緊貼地鐵站或者大型商場，落車行幾步就到，想輕鬆打卡、懶人出行最正！Runhotel 今次就整合咗2024、2025年福田區最新開幕嘅高質酒店同服務式公寓，全部幫大家搵好平價連最齊booking網址，即刻睇下有咩心水新選擇！
文章目錄
深圳濱河時代薩和酒店
深圳濱河時代薩和酒店座落喺福田核心區，樓下就係大型商場KKONE，食飯、購物、揾按摩都極之方便，距離車公廟站同下沙站都只係步行幾分鐘，交通相當便利。房間裝修新淨，部分可以望到城景或者濱河大道夜景，床墊同枕頭軟硬度啱啱好，瞓得舒服。
酒店餐飲可以話係最大亮點，早餐款式選擇多，中西合璧之外仲有養生茶飲同牛腩粉，味道正宗；下午茶同夜宵亦都有提供，時間分段靈活，等住客一日三餐加埋茶點都可以喺酒店解決。至於服務方面，前台入住退房效率高，仲會準備welcome tea同房間香薰揀選。
▼ Runhotel 幫大家搜尋最平訂房網站 ▼
宜尚酒店-深圳中心公園華強北地鐵站店
宜尚酒店（深圳中心公園華強北地鐵站店）喺2025年重新裝修過，成間酒店設施新淨，房間企理乾淨，冷氣夠凍，住落幾舒服。雙床房每張床都好闊，夠兩個人一齊瞓，仲設有張枱同長椅，方便食宵夜或者做嘢。枕頭貼心提供兩款硬度選擇，等住客揀自己啱嘅。
服務方面，酒店員工態度友善有禮，樂意幫手解答問題；如果需要額外毛巾或者用品，送得好快。叫外賣都方便，酒店仲有送餐機械人直接送上房。酒店最大優勢係地理位置，近華強北站A出口，行5分鐘就到，去皇崗關口亦好方便。
▼ Runhotel 幫大家搜尋最平訂房網站 ▼
柏瑞斯·影音輕居（深圳會展中心崗廈地鐵站店）
柏瑞斯·影音輕居（深圳會展中心崗廈地鐵站店）係唔少住客回頭再住嘅熱門公寓式酒店，地點一流，就喺崗廈地鐵站樓下，對面就有卓悅廣場，周邊商場、餐飲選擇多，出行購物都相當方便。酒店房間設計簡約大氣，光線充足，環境乾淨企理。房內設施齊全，除咗基本床舖之外，仲配有冰箱、投影儀、洗衣機、洗碗機，甚至仲有露台晾衫位，非常適合長住或者一家人入住。部分房型仲有天然氣爐具，可以自己煮食，加上外賣可以直送上房。
▼ Runhotel 幫大家搜尋最平訂房網站 ▼
卓越輕居-福田會展中心崗廈地鐵站店
卓越輕居–福田會展中心崗廈地鐵站店位置好方便，距離崗廈地鐵站大約步行5分鐘，如果由福田口岸過嚟，搭車去會展站再行十幾分鐘就到。公寓環境乾淨企理，空間算寬敞，設有廚房、大冰箱、洗衣機同晾衫陽台，適合長住。
▼ Runhotel 幫大家搜尋最平訂房網站 ▼
格派影音（福田會展中心崗廈地鐵站店）
格派影音（福田會展中心崗廈地鐵站店）性價比高，地理位置一流，就喺崗廈地鐵站8號出口，出站向左行幾步就到，過對面馬路仲係卓悅中心，購物、食飯全部都好方便。公寓屬於商業大廈入面，搭電梯到6樓就有前台，辦理入住後會有專人帶路到指定單位。房間雖然唔算大，但設施齊全，有電視、冷氣、雪櫃、煤氣熱水爐、洗衣機、陽台同煮食爐。部分房型空間寬敞，裝修簡約清爽，啱曬家庭或長住客。
▼ Runhotel 幫大家搜尋最平訂房網站 ▼
富薈鉑璽·服務公寓（深圳卓悅滙上梅林地鐵站店）
富薈鉑璽·Service Apartment（深圳卓悅滙上梅林地鐵站店），就喺上梅林地鐵站附近，步行大約3至5分鐘即可到達，樓下就係卓悅滙，食嘢、shopping同打車都好方便。部分房間望出去仲可以見到梅林山，環境算清靜。房內設施齊全，有洗衣機、冰箱、投影設備同暖氣。
不過呢間公寓亦有唔少負評。部分住客反映前台人手不足，辦理入住時經常人唔在，要靠電話或者加微信聯絡，甚至遇上房間唔喺同一棟大廈，需要頂住高溫搬行李過去，體驗麻煩。房間衛生有待改善，有住客表示發現潮濕、發霉情況，洗手池邊發霉，甚至有蜘蛛，洗手盆亦有漏水情況。
▼ Runhotel 幫大家搜尋最平訂房網站 ▼
