位於東莞鳳崗嘅龍鳳山莊影視度假村，被譽為「廣東版迪士尼」，呢度係國家4A級景區，結合影視拍攝、休閒度假同親子娛樂嘅大型主題景區。

▼預訂網址▼
https://www.wingontravel.com/discovery/scenic-longfeng-villa-video-resort-10758766

冰雪王國｜南方人都興奮嘅雪地體驗

冰雪王國係龍鳳山莊最受歡迎嘅區域之一。入到去，就好似踏入咗一個真正嘅雪國世界，四周都係冰雕城堡同閃閃發亮嘅冰滑梯。場內溫度大約零下五度，入口有提供棉服租借，建議自己帶手套會更舒服啲。

好多未見過雪嘅南方人嚟到都覺得好神奇，小朋友可以打雪仗、滑冰滑梯，大人都玩到唔想走。冰雪城堡入面燈光設計靚得嚟又夢幻，影相打卡特別出片。想避開人潮，建議喺下午四點後入去，人會少啲，體驗會更加好。

皇室古堡｜歐式童話入面嘅浪漫世界

皇室古堡可以話係龍鳳山莊嘅地標。成座建築以歐洲宮廷風格打造，高塔拱門加上噴泉花園，無論日頭定夜晚都好有氣氛。好多人會喺呢度租漢服或者公主裙影相，拍出嚟嘅相就好似去咗歐洲古堡旅行一樣。

建議影相最好揀下午三、四點左右，陽光柔和、光影分明，背景有噴泉水霧，真係浪漫到爆。夜晚亮燈之後，古堡閃爍嘅燈光加上倒影，成個畫面好似童話故事重現。

動感遊樂園｜放下煩惱盡情玩樂

動感遊樂園係小朋友同大人都鍾意嘅地方。入面有超過二十個機動遊戲，包括海盜船、過山車、滑行龍、自控飛機、旋轉木馬同環遊世界等。每個設施都有唔同刺激程度，細路可以玩得開心，大人又可以重拾童年回憶。

夜晚燈光開咗之後，旋轉木馬同摩天輪都變得特別浪漫，影相特別出色。好多情侶都會專登等到夜晚嚟影，氣氛靚到好似去咗外國主題樂園。

彩虹滑道同玻璃橋｜刺激又壯觀嘅全景體驗

彩虹滑道係全園最受歡迎嘅遊樂項目之一，由高空一路滑落，風從面前掠過，感覺又刺激又開心。記得著長褲滑會舒服啲，唔會磨腿。

想睇全景嘅朋友，就一定要上玻璃棧道或者玻璃鵲橋。喺上面可以360度睇到整個園區，包括城堡、湖泊同山景，天氣好嗰陣真係美得誇張。如果唔恐高，呢個體驗絕對唔可以錯過。

夜晚表演｜打鐵花與光影秀嘅震撼夜色

龍鳳山莊嘅夜晚比日頭更加精彩。大劇場每晚都有非遺表演《打鐵花》，火花四濺，好壯觀；再加上3D光影秀同火鳳凰表演，整個夜空都被照亮，視覺效果好震撼。

唔少遊客都話，最靚嘅龍鳳山莊一定係夜晚。城堡亮燈、湖面反光，加上煙花同火光交織，真係靚到唔似現實。嚟玩嘅話一定要預時間留到夜晚，千祈唔好錯過呢個壯觀場面。

美食推薦｜邊玩邊食唔使愁

景區入面有餐廳同小食街，選擇多又方便。城堡餐廳提供中西餐融合菜式，味道唔錯，環境又靚。門口小食街有燒烤、甜品、飲品等等，價錢實惠，適合邊行邊食。

遊玩建議 & 小貼士

建議早上九點開園就入場，第一個玩彩虹滑道，人少又順。下午四點後去冰雪王國最啱，避開人潮。園內推車友善，帶小朋友一齊玩都方便。建議著運動鞋，行上玻璃橋或者滑道都輕鬆啲。

門票資訊

門票方面，一大一細日場入園連 12 項遊玩項目只需 HK$145 。

套票包含以下 12 項指定遊樂設施，每項可玩一次：
海盜船、摩天輪、恐怖城堡、古炮射擊（5 個球）、阿里山小火車、旋轉恐龍、迷你穿梭機、自控飛機、環遊世界、碰碰車、滑行龍，以及夢幻樂園仿古小火車／藝趣陶藝坊單人 DIY 體驗（約 15 分鐘，不含燒製）／陶藝坊彩繪三選一。

每位小童須符合身高限制（1.2 米至 1.5 米之間），身高低於 1.2 米之兒童恕不適用於遊玩項目。日場開放時間為早上 9 點至下午 6 點，門票不包含「境在功夫」夜遊觀光區域及夜間表演。

▼預訂網址▼
https://www.wingontravel.com/discovery/scenic-longfeng-villa-video-resort-10758766

附近酒店住宿推薦

如果想過夜，可以考慮住喺東莞嘉輝會度假酒店（鳳崗龍鳳山莊店），位置就喺景區內，行幾分鐘就到主要景點，最平一晚 HK$438 起。仲有東莞嘉輝會麗呈華廷飯店（龍鳳山莊店），一樣都係園區裡面，2024年開業，入住高級房一晚只需 HK$729，包雙人早餐、雙人龍鳳山莊冰雪王國門票、星巴克咖啡 2 杯、雙人湯泉體驗。

東莞嘉輝會度假酒店（鳳崗龍鳳山莊店）預訂網址： https://www.wingontravel.com/hotel/detail-dongguan-436953/castfast-hotel/
東莞嘉輝會麗呈華廷飯店（龍鳳山莊店）預訂網址：https://www.klook.com/zh-TW/activity/182805-dongguan-jia-hui-hui-li-cheng-huating-hotel-accommodation-package/

▼東莞嘉輝會度假酒店

▼東莞嘉輝會麗呈華廷飯店

東莞龍鳳山莊影視度假村
地址：廣東省東莞市鳳崗鎮嘉輝路26號
營業時間：09:00-21:00營業