香港去清遠長隆的交通方法，最快 2.5 小時可到達
清遠長隆於 2025 年 1 月 25 日開業！呢個全新嘅森林主題旅遊度假區，結合自然生態、親子活動同創新設施，為遊客帶嚟獨特嘅旅遊體驗。如果你計劃由香港到清遠長隆玩，但唔知應該點由香港出發，不妨參考以下 5 種交通方法，揀一個最方便自己嘅！
有消息指嚟緊會開通西九龍去清遠站高鐵班次，宜家未開通就需要去到廣州南/深圳北轉車。
文章目錄
方法 1：高鐵（香港西九龍站 → 廣州南站 → 清遠長隆）
- 喺香港西九龍站搭高鐵前往廣州南站，車程約 1 小時。高鐵單程 HK$232
- 到達廣州南站後，可以滴滴打車，車程約 1 小時 30 分鐘。滴滴打車費用約 120元
總時間： 約 2.5 小時
Runhotel 幫你搜尋最平預訂價錢
方法 2：高鐵（香港西九龍站 → 深圳北站 → 清遠站 → 清遠長隆）
- 乘搭高鐵到深圳北站（車程約 20 分鐘）。高鐵單程 HK$81
- 轉乘高鐵前往清遠站（車程約需 1.5 小時）。高鐵單程 HK$125
- 從清遠高鐵站搭乘出租車或網約車前往清遠長隆度假區（車程約 30 分鐘）。滴滴打車費用約 30元
總時間： 約 2.5 小時
方法 3：高鐵（福田口岸 → 深圳北站 → 清遠站 → 清遠長隆）
如果大家住新界，可以直接坐東鐵去落馬州，由深圳福田口岸嗰邊出發。
- 由深圳福田口岸乘搭地鐵 4 號線到深圳北站（車程約 20 分鐘）。單程 4 元
- 轉乘高鐵前往清遠站（車程約需 1.5 小時）。高鐵單程 HK$125
- 從清遠高鐵站搭乘出租車或網約車前往清遠長隆度假區（車程約 30 分鐘）。滴滴打車費用約 30 元
總時間： 約 2.5 小時
方法 4：包車（福田口岸 / 羅湖口岸 → 清遠長隆）
由福田口岸，羅湖口岸，或深圳灣口岸，再包車前往清遠長隆係一個方便快捷嘅選擇，全程約需 2.5小時至 3 小時，如果有 4 至 6 人，其實包車又唔洗轉咁多程，而且人多比坐高鐵，仲有機會平左（因為坐高鐵單桯一個人都要 2 蚊幾，5 個人就已經一千了）。除了一般私家車之外，深圳有包車公司提供 7座、11 座、18 座等車款。
包車收費（福田口岸 / 羅湖口岸出發）
7 座位（最多 6 人）收費 $1,100 元，適合小型家庭或朋友團
11 座位（最多 10 人）收費 $1,400 元，空間更寬敞；
18 座位經濟型（最多 18 人）收費 $1,600 元，
19 座位舒適型（最多 19 人）收費 $2,100 元，適合大型團體或追求更高舒適度嘅旅客。
包車提供點對點接送服務，無需轉車或搬行李，建議至少提前 1-2 日預約，特別係周末或節假日。
可 WhatsApp 預約：https://api.whatsapp.com/send/?phone=85297876415（ 6 至 7 人車需提前半個小時或以上預約，11 人以上請盡量提前 3 天預約）
詳細介紹：【深圳包車價錢表】 附 7 人車、11 人車，15 至 19 人中巴，及 20 至 23 人旅遊巴，由深圳關口去各個熱門大灣區地點包車費用
Klook 亦有提供深圳包車去清遠，清遠私人接送 – Klook香港
方法 5：直通巴士
永東巴士每日提供 12 班車往返清遠，成人最低每位 HK$130，並且經深圳灣口岸直達清遠國際大酒店及清遠美林酒店，途中可於香港、九龍、新界及機場多個站點上車。由 3 月 1 日起，永東會增設一班車停靠清遠長隆站，直達清遠長隆長頸鹿城堡酒店，該班車會於早上 9 時 10 分喺觀塘apm開出，上車點有鑽石山、旺角油麻地、尖沙咀中港城、葵芳、沙田、荃灣、元朗、屯門及深圳灣口岸。由清遠返香港的班次會於下午 3 時從清遠國際大酒店開出，約 3 時 30 分到達清遠長隆。票價方面，直通巴士只設單程票，由香港往清遠成人每位 HK$140， 65 歲以上長者及 3 至 12 歲小朋友每位 HK$90；由清遠返香港成人每位 HK$130， 65 歲以上長者及 3 至 12 歲小朋友每位 HK$90，可於清遠長隆長頸鹿城堡酒店大堂購票。
- 乘搭巴士直達清遠站點（三選一）
- 三個站點下車後皆需要搭乘自己再打車前往清遠長隆度假區
方法 6：自駕車（香港 → 清遠長隆）
- 喺香港經港珠澳大橋或深圳口岸辦理通關後，自駕車進入內地。
- 沿高速公路駕駛，途經廣州，最終到達清遠長隆，車程大約 3.5小時（視乎交通情況）。
總時間： 約 3.5小時
費用預估： 政府收費站高速費約人民幣 200元，加上油費視乎車型而定。
方法 7：包車（香港 → 清遠長隆）
如果人數多，Budget 又夠的話，也可選擇由香港包車出發，包車直達清遠長隆（車程約需3 小時）
| 行程類型 | 起點 | 終點 | 車型 | 價錢 |
|---|---|---|---|---|
| 單程 | 九龍/新界 | 清遠長隆 | 舒適7座 (1-6人) | HK$ 3,069 |
| 單程 | 九龍/新界 | 清遠長隆 | 豪華7座 (1-6人) | HK$ 3,197 |
| 單程 | 九龍/新界 | 清遠長隆 | 舒適8座 (1-7人) | HK$ 3,197 |
| 單程 | 港島 | 清遠長隆 | 舒適7座 (1-6人) | HK$ 3,197 |
| 單程 | 港島 | 清遠長隆 | 豪華7座 (1-6人) | HK$ 3,325 |
| 單程 | 港島 | 清遠長隆 | 舒適8座 (1-7人) | HK$ 3,325 |
| 往返 | 九龍/新界 | 清遠長隆 | 舒適7座 (1-6人) | HK$ 5,627 |
| 往返 | 九龍/新界 | 清遠長隆 | 豪華7座 (1-6人) | HK$ 5,883 |
| 往返 | 九龍/新界 | 清遠長隆 | 舒適8座 (1-7人) | HK$ 5,883 |
| 往返 | 港島 | 清遠長隆 | 舒適7座 (1-6人) | HK$ 5,883 |
| 往返 | 港島 | 清遠長隆 | 豪華7座 (1-6人) | HK$ 6,139 |
Runhotel 幫你搜尋最平預訂網站
【清遠長隆度假區介紹】2025 年 1 月 25 日起試營業，占地面積相當於 9 個廣州長隆咁大！附交通、門票價錢等
【清遠長隆長頸鹿城堡酒店】雙人套票每晚只需 HK$ 2,130 起，包 2 位成人森林王國 2 日無限次入園玩、 1 晚主題客房住宿同雙人自助早餐
