【深圳鹽田凱悦酒店Staycation優惠】入住山景客房一晚 $1,344 起連雙人自助早餐及晚餐、24 小時任用 5 萬幾呎健身中心、免費成人瑜珈及兒童體驗課程，30 樓多角度俯瞰絕色海景

深圳鹽田凱悦酒店賣點係五星級 270 度無敵靚海景酒店，對住鹽田港，望到大小梅沙海灘及對岸嘅香港景色。小編實測住咗一晚，一出 31 樓酒店大堂已經被眼前深圳鹽田凱悦酒景色震撼，睇到八仙嶺山巒，禮賓部職員仲遞上中國荼，令人有賓至如歸嘅感覺，隔離咖啡廳與鹽田圖書館聯乘打造書吧，多角度睇到海景，可以一邊 High Tea，一邊沉醉於美景與書籍，心靈同味蕾共享美好時光。

▼預訂網址▼
https://www.klook.com/zh-HK/activity/50552-hyatt-regency-shen-zhen/

▼酒店大堂樓底高，可遠眺到八仙嶺

▼咖啡廳下午2點起供應海景下午茶 圖書可隨意借閱 

客房位於 35 至 50 樓，所有房間都有落地玻璃，可以居高臨下，俯瞰雲端美景。部分山景客房其實都睇到少少海景，小編係閒日入住，獲升級至海景房，真係靚到嘩嘩聲，天氣好嘅時候，海天一色好似幅畫一樣，坐係梳化望海已經夠晒治癒，再黎個浸浴，唔使做spa都已經充晒電，身心寧靜，真心個景已經值回票價。留意呢個Package 只限周四至周日供應。(預訂按此)

▼客房闊落景觀開揚 但無USB插頭

 酒店提供免費成人瑜珈及兒童課程體驗，包括體能課、烹飪課、消防課俾住客，每日最多兩堂，需要係前台提早預約。課堂內容及時間透過掃瞄房間嘅悅住指南QR code就一目了然。另一樣唔可以錯過就係24小時健身中心，呢度佔地5,200平方米，差唔多成層，各式各樣嘅器械都有，仲有拉筋房及拳擊場，無人book嘅時候可以入去打沙包，小童都有GYM ROOM，報咗體驗班就係度有教練陪放電，大人就可以去鬆一鬆Me Time。

▼健身中心位於5樓 有駐場教練 與健身中心非酒店住客會員共用

▼兒童課程體驗有教練細班指導及講解

▼6樓有戶外恒溫泳池 隔離係中菜廳 早茶茶點最平6元人民幣起

自助晚餐有鮑魚、蟹及蜆等海鮮、熱葷、壽司卷物及甜品，逢周二至周日仲有歌手現場表演。自助早餐比晚餐豐富，中西日式超過30款選擇，竟然有關東煮！西式飽點比較出色，必試夏日新品焦糖可頌，鬆脆牛角包窩夫淋上新鮮焦糖及cream，比例及調味一流，配埋唔太甜嘅椰香咖啡，小編忍唔住encore咗兩次。小朋友啱食嘅有朱古力小熊造型窩夫，外型好得意，食飽仲可以去兒童玩樂區，唔怕坐唔定。溫馨提示揀窗邊位，因為每個都係海景打卡位，食得開懷D。

▼ 自助晚餐下午5時半開始 有海參花膠中菜供應

▼ 自助早餐平日早上 7 至 10 點(周末/假日至 10 時半) 推介焦糖可頌及椰香咖啡

交通：蓮塘口岸搭地鐵5個站至海山站約15分鐘，B出口可通往地下街連接壹海城商場，酒店在商場隔離，全程約25分鐘，A1出口就係路面行約10分鐘；由福田口岸搭地鐵至海山站再步行去酒店約需1小時。

附近景點：酒店隔離就係壹海城，有好多連鎖飲食店，例如喜茶、太二酸菜魚及綠茶等，地下街則較多小型美甲及按摩店；由酒店向海邊行5分鐘就到人氣燈塔圖書館、海景公園及海濱長廊，日與夜嘅景色同樣迷人，附近仲有小店及咖啡館，適合悠閒地品味生活。

▼ 鶴祥宮剛於六月底開業

▼壹海城係酒店隔離 飲食購物方便

▼燈塔圖書館樓高三層 因外型成為人氣景點

▼ 情侶最啱夜晚係海濱長廊散步談心

▼預訂網址▼
https://www.klook.com/zh-HK/activity/50552-hyatt-regency-shen-zhen/