十里華庭·紅璞酒店（廣州深井地鐵站店）住宿體驗
今次小編入住咗 2025 年 10 月新開幕嘅廣州十里華庭·紅璞酒店（深井地鐵站店），入住咗佢哋嘅套房，一入房嗰下真係有驚喜，酒店整體俾我嘅感覺係設計靚、房間舒服、早餐好食、環境放鬆。套房係最大亮點，空間闊、設施新、浸浴缸好享受。如果你鍾意文化感重啲嘅酒店，或者搵緊廣州新酒店，我會話：呢間值得一試。
▼預訂網址▼
【廣州新酒店 2025】十里華庭·紅璞酒店開幕，香港頂尖設計團隊操刀打造嶺南民國風，近深井地鐵站＋泳池花園＋親子樂園
套房超寬敞｜圓形大浴缸＋衣帽間好療癒
酒店提供多款房型選擇，有高級大床房（20-25平方米）、尊享大床房（25-30平方米）、花園景觀房，仲有超闊大套房（68-80平方米）。建議大家要選擇套房，超大而且有圓形浴缸衣物間！最重要係冇新裝修嘅漆味，呢啲細節見到酒店喺通風同環保方面有做功夫。房間裏面有迷你吧，內裏擺放咗各式各樣嘅飲料同零食，全部都可以免費享用。
小編入住嘅係套房（68-80㎡），空間好闊落，感覺似返到自己間私宅咁。有獨立客廳同臥室、步入式衣帽間、標誌性圓形大浴缸（打卡位），冇任何裝修味，通風做得好足，最重要係迷你吧飲品全部免費！房間裝修走簡約豪華風，夜晚開燈嘅氣氛好放鬆，沖完涼浸住圓形浴缸、飲杯汽水，真係超舒服。
酒店外觀
酒店外觀同大堂完全係打卡位級別：
- 青磚、鑊耳屋頂等嶺南元素
- 大堂木柱＋雕花窗好有民國味
- 柔和燈光加埋古典陳設好靚
一入大堂已經忍唔住影相，公共區域每個角落都好適合影生活照。酒店仲有戶外泳池、兒童池、庭院花園、120㎡ 兒童樂園、茶室、咖啡室、會議室等。
早餐選擇多＋有花園戶外座位
早餐時間係平日07:00-10:00，週末07:00-10:30，時間夠寬鬆。自助餐形式加上現點現做，食物新鮮度有保證。西式麵包、歐姆蛋、班尼迪克蛋樣樣俱全，中式就有粥、點心、燒賣等傳統菜式。最讚係佢地嘅亞洲風味菜，牛肉麵、米粉湯等都係師傅現做，做好咗先上檯。最啱食嘅就係點心檔，師傅喺面前手工現做蝦餃、燒賣、腸粉等，個個都鮮嫩嫩，根本冇得同凍食比較。最開心係可以 坐出花園食早餐，綠色植物包圍住，好 chill，好似去咗度假村。
▼酒店仲提供咗喺花園邊用早餐嘅選項，圍著花園叫食，一邊享用早點一邊睇翠綠色嘅植物，真係有種「好chill」嘅感覺。
周邊景點好多｜文化氣息濃
酒店喺長洲島，附近好多文化景點：
- 黃埔軍校舊址（車程 5 分鐘）
- 深井古村（行十幾分鐘）
- 深井燒鵝發源地
- 隆平院士港稻田基地（小紅書爆紅打卡點）
- 黃埔古港、長洲島景區
酒店附近嘅深井古村係必去之地，走過去只需十幾分鐘路程，古村裏面有宋代建築同明清街巷，一年四季都好靚。黃埔古港、長洲島都係 5 分鐘車程，想去黃埔軍校舊址亦都方便。最新打卡位就係廣州黃埔區袁儂平水稻基地，門票先$5人民幣一個人，就可以去睇金黃色嘅稻田，係呢排小紅書上最受歡迎嘅農業旅遊打卡地。
房價 HK$385 起
以全新酒店、香港團隊設計、咁多設施嚟講，房價真係超高性價比！最平客房一晚 HK$385 起，房型又多（20㎡ 至 80㎡），而且免費迷你吧、泳池、花園、兒童設施全部包，住完小編會覺得值返票價，仲會想推介俾朋友。
交通（香港出發大約 2 小時）
- 香港高鐵去廣州南 → 滴滴去酒店（共約 2 小時）
- 深圳灣口岸搭滴滴約 1 小時
- 酒店步行幾分鐘即到地鐵站，搭滴滴去市中心或大學城好方便
十里華庭·紅璞酒店（廣州深井地鐵站店）
地址：金洲南路9號, 黃埔區, 廣州
▼預訂網址▼
