哈利波特禁忌森林之旅喺 2025 年 10 月 1 正式登陸深圳觀瀾湖，成為今年港陸粉絲最期待嘅大型魔法主題活動！官方授權嘅禁忌森林體驗會選址喺龍華觀瀾牛湖水碧道戶外林地，將電影《哈利波特》同《怪獸與牠們的產地》入面既「禁忌森林」現場原汁原味咁搬到深圳，等大家唔使飛去外國都可以親身走入呢個奇幻世界。現場打造成夜間燈光森林小徑，行足成個路線大約 60 至 75 分鐘，邊行邊有大量光影特效同魔法音效，你會好似化身霍格華茲學生咁，親歷經典電影情節，仲可以隨時遇到魔法生物、體驗施法互動，唔少得主題村莊同電影限定美食——包括最受歡迎嘅奶油啤酒，仲有超多官方周邊魔杖、巫師袍等精品，肯定會令哈利波特迷瘋狂！

門票價錢

哈利波特禁忌森林體驗門票價錢如下：現有快閃優惠，兩個指定時段（ 21:30-23:59 或 19:00-21:30 ）每位 HK$239；標準門票方面，成人（12歲或以上）每位 HK$261，小童（3-11歲）每位 HK$184；如需快速通行票，大小同價每位 HK$304，亦有家庭票（1位成人＋1位小童）每套 HK$488。預計開放期由 2025 年 10 月一直去到 2026 年 3 月，非常適合秋冬季節一家大細又或者哈迷朋友一齊去發掘。

預訂網址
Runhotel 幫大家搜尋最平預訂網站

HK$229起

立即預訂

HK$229起

立即預訂

交通方式

地鐵：搭到地鐵4號線「觀瀾湖站」E出口，行大概10分鐘左右就到入口。算係幾方便，但入口真係有啲深入，記得留返啲腳骨力。

小朋友點去玩得開心啲

可帶或買魔杖：有帶嘅朋友可以去互動點位揮動解鎖咒語；無帶都唔使驚，其實空手揮下手、甚至拔條草都可以觸發！想拍片放 IG 就帶返把就最好。

飲食同周邊檔口

入場後，禁忌森林體驗區內有三個食物檔口和一個道具檔口，可以話係哈迷放電的集中地。首先說飲食方面，三個食物檔口賣嘅都係主題小食和甜品，例如熱狗、春卷、薯條、杯子蛋糕、牛奶飲品、學院主題特飲等等。價錢方面平均一份小食或飲品都在¥28至¥38之間，比外面普遍貴少少，不過考慮到係主題活動現場其實可以接受。甜品類有特製蛋糕和魔法造型甜點，造型很吸睛，除咗味道都偏甜之外，視覺效果一流；飲品方面有學院主題冰飲及咖啡，普通果汁和汽水都買得到，但場內唔賣樽裝水，要飲凍水最好自己自備。

小食方便，人多時候要排隊買食物，座位唔算多，所以好多人都係買完即走邊行邊食，算方便但唔太適合坐低慢慢歎。如果本身唔太追求餐飲體驗，只求醫肚，現場選擇已經夠基本，但唔好抱太高期望。

至於道具檔口，主打就係官方哈利波特精品，好多魔法迷都一定會忍唔住手買嘢。檔口主要有魔杖、學院圍巾、主題徽章、布章同Q版手辦，仲有飲料杯等配件。價錢唔算平，例如魔杖平均 ¥200 以上，魔法袍就 ¥558 起，現場無租借只賣斷。粉絲朋友見到精品包裝精美，相信好易衝動入手幾件返去收藏。

▼各小食價錢

▼整個場景都好有氣氛

▼ 官方哈利波特精品店

場景同互動亮點

場內有幾樣設施必玩！例如
守護神咒：雖然要排隊，但值得！每個人召喚嘅守護神都唔同，我試到嘅係山貓，我朋友抽到鳳凰，成場尖叫。
巴克比克鞠躬：還原度超高，真係有種代入感，好似電影重現。
大蜘蛛同夜遊效果：氣氛感滿分，蜘蛛區真係夠震撼，仲有啲小精靈藏喺角落。
細節驚喜：海格嘅小屋、魁地奇飛天掃帚、夜騎士馬車震動效果等，都做得幾真。聲光特效幾突出，有環繞音效加持，雖然唔算國際頂級沉浸式，但已經幾有氣氛。

▼一片被霧氣與藍白光影包圍的森林，現場氣氛神秘

▼不少得有《哈利·波特》系列中深受粉絲喜愛的角色「海格（Hagrid）」出現。場景重現了他在禁忌森林中的小營地，一旁擺放著木桌、燈籠與鍋子，周圍散落著南瓜與林地道具。

▼ 繼續往前，見到在高處的貓頭鷹

▼蜘蛛區

▼取材自禁忌森林的魔法植物世界，例如會發光的蘑菇

▼重現了《哈利·波特》系列中禁忌森林內的奇幻生態，周圍散落著寶石、皇冠與金幣。

▼最後就不劇透太多，等各《哈利·波特》迷自己來體驗吧。

攻略小Tips

• 帶水帶水帶水！ 裏面無得買水，仲要行到成身汗，入口先買定飲料先入場。
• 鞋一定要著舒服嘅！ 場景之間行路距離唔短，有上坡落坡，最好著運動鞋。
• 補光燈神器：森林入面光線暗，用電話直拍好易糊，帶個細小補光燈，出片效果好好多。
• 錯峰入場：夜晚10點左右去，人明顯少啲，體驗舒服好多。
• 商店蓋章：出口小商店有印章，好多人唔知，記得帶個本子留念。
• 魔法袍唔建議買：現場有得賣但無租，價錢唔平，而且熱到飛起，除非真係要收藏。
• 廁所提醒：入口附近仲有正常廁所，入場後就淨係有流動廁所…一定要記得先去！

值得去嗎？

成個森林規模真心唔細，全程玩齊都要 90 分鐘，場景還原度高，互動區比較適合親子客，但哈迷都會感受到誠意。如果純為影相打卡同想體驗沉浸式，呢度肯定係「有驚喜」。

附近酒店推薦

如果有打算體驗哈利波特禁忌森林，同時想住得舒適啲，其實可以考慮訂購深圳觀瀾湖酒店嘅套票優惠。入住豪華房 1 晚連雙人自助早餐，包埋雙人哈利波特禁忌森林夜遊體驗門票，價錢  HK$1,500 起，仲可以享受高級豪華大床房、雙床房等房型。
如果想再豐富啲行程，亦有包括自助早餐、晚餐、 500 元餐飲代金券嘅「哈利波特美食套票」，一樣連雙人夜遊門票，價錢 HK$1,860 起。入住同時仲可以玩高爾夫球場體驗，非常適合一家大細或者哈迷朋友一齊入住，玩足兩日一夜。現時優惠套票可選日期為 2025 年 10 月 4 日起。
預訂網址：https://www.klook.com/zh-HK/activity/53646-mission-hills-resort-shenzhen/

硬石酒店距離觀瀾湖地鐵站只需步行幾分鐘，硬石酒店主打親子設施，房間大、有浴缸、酒店有泳池，係大人小朋友都啱玩。
預訂網址：https://hk.trip.com/hotels/shenzhen-hotel-detail-7522576/hard-rock-hotel-shenzhen

哈利波特禁忌森林體驗
地址：龍華觀瀾牛湖水碧道