【珠海鳳凰灣悅榕莊】全新開幕，豪華海景度假村、房型介紹、位置交通全攻略
文章目錄
酒店介紹
珠海鳳凰灣悅榕莊於 2025 年 10 月 31 日正式開業，酒店座落喺珠海鳳凰灣海畔，背靠青山、面向南海。酒店設計汲取嶺南水鄉文化精髓，融合自然、養生同東方美學元素，營造出一個可以讓人完全放鬆嘅靜謐度假天堂。無論係建築線條、用料或香氛氣息，都延續「悅榕」品牌一貫嘅典雅寧靜風格，現時房價最平 HK$2,995 起，大約 3 千一晚。可以按此睇埋其它珠海新酒店
▼Runhotel 幫你搜尋最平預訂網址▼
▼酒店門口已經有 Villa 嘅感覺
▼Check in大堂， 成間酒店以嶺南建築和水鄉文化為主要設計靈感，所以會見到好多竹編嘅元素
▼酒店四周環繞著無邊泳池、運河等水景，營造濃郁嘅度假氛圍
▼仲可以體驗搭船返客房
房型
酒店擁有多款房型，從豪華園景房、海景房到擁有私人泳池嘅悅榕套房，一應俱全。每間客房以柔和木質同大地色調設計，透過落地玻璃窗可欣賞碧海藍天同鳳凰山景，帶畀住客一種遠離煩囂嘅輕鬆感。浴缸設計特別寬闊，適合一邊泡澡、一邊觀賞海景。
▼最細嘅客房都超過800呎，客房天花用咗船形設計，訓係床上就好似置身係船艙裡面咁 
▼最普通嘅客房都有戶外私人溫泉同圓形大浴缸
▼新開業優惠個 package 係包首輪 minibar 免費，淨係影酒都抵返曬啦！
▼一線海景
▼ 浴室仲要有兩個花灑！兩個人同時沖涼都唔會影響水壓，正呀
▼廁所係乾濕獨立分開設計
▼有泳池嘅客房就位於下沉式，一出lift見到走廊已經好似上咗郵輪咁！
▼ 更有客房設有一個 12 米嘅私人泳池，仲有溫泉，望住全海景，真係人生一定要住一次！
餐廳
酒店內設有 5 間特色餐廳，提供中西融合嘅高級料理。主餐廳以粵菜為主，選用當地新鮮漁獲與時令食材入饌；另一間海邊餐廳主打創意西餐同雞尾酒，晚餐時段仲有現場音樂表演，氣氛一流。
設施
悅榕莊一向以養生理念見稱，酒店特設「悅榕 Spa」提供泰式按摩、花浴療程同芳香舒壓服務，令身心徹底放鬆。設施仲包括無邊際泳池、健身中心、瑜伽室同海景步道。
▼悅榕Spa
▼有分男女溫泉池
▼無邊際泳池
交通
酒店位於珠海高新區泉星東路 9 號，距離港珠澳大橋珠海口岸約 30 分鐘車程，由九洲港碼頭坐的士大概 20 分鐘；最近地鐵站係「唐家灣站」，車程約 22 分鐘。酒店提供泊車位同接駁服務，方便自駕。
套票和價錢
▼Runhotel 幫你搜尋最平預訂網址▼
珠海鳳凰灣悅榕莊
地址：珠海高新區泉星東路 9 號
其它珠海新酒店
- 【珠海新酒店：珠海華發萬怡酒店】HK$554 起性價比高！地鐵站 1 分鐘樓下為大型購物中心，設煙花房型＋24 小時健身室！
- 【珠海香山迎賓館美高梅華府酒店優惠】二人入住山景豪華客房一晚只需 HK$2,157 起
- 【橫琴梧桐樹主題樂園】珠海首個親子遊樂綜合體開幕！
- 【珠海橫琴希爾頓逸林酒店住宿買一送一】兩大一細房價 HK$1,553 起入住逸林客房 2 晚，每晚 HK$777 起包兩大一細自助早餐、 歡迎曲奇餅乾！
