開大陸電話卡同銀行卡流程

大陸主要嘅電訊商為「中國移動」、「中國聯通」及「中國電信」，小編上星期就去咗中國電信開內地嘅電話卡，只需要準備回鄉證實名登記同 200 蚊人民幣就可以，RMB200 係預付，直接增值喺電話卡裡面，月費係 RMB39 一個月，包 15GB 數據、100分鐘打電話。

今次小編去開嘅喺工商銀行嘅內地銀行戶口，開卡行政費 RMB¥30，年費 RMB¥10 ，短訊費 RMB¥3 一個月，當戶口每次銀行存款有加減，都會有短訊提醒（如果你覺得煩，都可以選唔洗既）。

內地嘅個人銀行戶口分為 I、II、III 類， I 類戶口嘅功能最齊全，可以進行現金存取、大額轉賬、大額消費、購買投資理財產品、公用事業繳費等。 II 類則適用於日常消費、網購、網絡繳費，亦可購買銀行的投資理財產品。而第 III 類帳戶亦有如散紙包，用於金額較少、頻次較高嘅交易。

工銀亞洲開戶所需文件：

• 入網證明
• 香港永久居民身份證
• 回鄉證
• 實名登記嘅内地電話號碼

入網證明，整銀行卡之前需要有內地嘅電話號碼，去到銀行職員會先叫您scan咗個QR code，提供入網證明，亦都可以整電話卡嗰陣，要求電訊商提供一張實體紙本嘅入網證明，作為該內地號碼嘅實名依據，方能保證內地銀行可以受理開戶申請。

申請內地銀行戶口步驟大致如下︰

1. 到達銀行向職員表示要申請開戶，會需要你選擇銀行卡種類，如想申請第 I 類，必須要有申請人在內地的住址證明文件
2. 以下全程都係自助開戶機電子填寫，銀行職員會從旁審核你嘅文件和個人資料
3. 填寫申請表，包括姓名、回鄉証號碼、住址（香港地址就可以）、電話號碼（內地電話號碼）、職業等
4. 填寫完畢後，銀行職員核實申請文件及個人資料
5. 其間會驗證你的電話號碼
6. 最後你需要設定網上銀行及銀行卡的密碼
7. 成功後便完成開設賬戶手續
8. 會即時出張銀行卡，過程大概 20 分鐘左右

WeChat Pay／支付寶綁定大陸戶口
如果你開大陸戶口嗰陣已提供已實名認證嘅內地電話號碼，就可以將銀行卡綁定至內地版 WeChat Pay（微信支付）及內地版支付寶。

經微信支付綁定大陸戶口流程

1. 登入微信，在主頁面中按「我」，再按「銀包」
2. 在「錢包」的頁面中按「銀行卡」，再選擇「添加銀行卡」
3. 輸入銀行卡卡號
4. 填寫銀行卡的有效期、持卡人姓名、證件號碼及內地電話號碼
5. 輸入驗證碼，設置並確認密碼

經支付寶綁定大陸戶口流程

1. 登入支付寶，並按指示填寫個人資料
2. 填寫銀行卡卡號、持卡人姓名、證件類型及已實名認證嘅內地電話號碼
3. 進行電話驗證及上傳證件照片
4. 支付寶在 24 小時內完成認證