【廣州新酒店推薦】一次打卡3間萬豪酒店

最近喺廣州有三間新酒店開幕，分別係廣州白雲國際會議中心越秀萬豪酒店、廣州白雲國際會議中心越秀福朋喜來登酒店、廣州白雲國際會議中心越秀源宿酒店。

呢個大型嘅酒店群位於廣州著名嘅白雲山腳下，係白雲新城，位於廣州地鐵2號線白雲文化廣場上蓋，距離廣州白雲國際機場約25公里，地鐵約30分鐘就可以到達廣州市中心。想喺廣州住新酒店，呢三間無論去市區定機場都係一個唔錯嘅選擇。

廣州白雲國際會議中心越秀萬豪酒店

酒店室內設計靈感來源於嶺南庭院嘅空間佈局，大膽運用白牆、黑瓦、彩玻、木雕等嶺南元素進行設計，850間精緻現代嘅酒店客房同套房，房內配備超大落地玻璃窗，白雲山景同羊城天際線一覽無余。

酒店配備行政酒廊為萬豪旅享家會員及行政樓層住戶提供精選早餐、全天候精緻小食及晚間雞尾酒「歡樂時光」等尊享禮遇。

酒店配備健身中心、室內恆溫泳池、乾濕蒸房等，可以喺呢度享受放鬆嘅悠閑時光。

房間面積約40平方米起，最大大使套房168平方米。

廣州白雲國際會議中心越秀福朋喜來登酒店

擁有350間時尚現代嘅客房同套房，休閒簡約嘅設計都滿足咗商務同旅行者嘅需求。

大堂吧仲設有美式撞球桌，亦可以喺茗坊學習沖茶技巧。

酒店配有健身中心同室外恆溫泳池。

房間面積約33平方米起，最大特大雙人床單房公寓66平方米。

廣州白雲國際會議中心越秀源宿酒店

鍾意自己煮野食就一定唔可以錯過，擁有401間客房同套房，每間房配備設施齊全嘅廚房同水療式淋浴間。房間面積約34平方米起，最大元素套房68平方米。

喺24小時源味美食儲備室全天候供應各式營養健康嘅飲品小食，隨時為住客補充身體所需能量，唔洗驚半夜餓親個肚。