【京都酒店推薦】8 間熱門酒店！平價、車站近、設施齊全
計劃去京都旅行，住個舒適酒店絕對係塑造完美行程不可或缺嘅一環。京都作為日本古都，匯聚咗豐富歷史同文化氣息，無論係商務、休閒或情侶、家庭遊都可以搵到最啱自己口味嘅住宿選擇。今次特意為大家精選出 8 間交通便利、各具特色嘅人氣酒店，全部地點方便，鄰近車站及旅遊熱點，幫你輕鬆規劃京都之旅。
如果你想住新酒店，可以參考另文：京都新酒店資料庫和比價
Sotetsu Fresa Inn 京都四條烏丸鄰近四條站
Sotetsu Fresa Inn 京都四條烏丸鄰近四條站（地鐵烏丸線），步行約 1 分鐘，轉個彎就到，交通相當方便。酒店附近有錦市場、祇園、鴨川等熱門景點，想購物或者體驗京都潮流同傳統文化都一樣方便。房間設計簡約，性價比高，大堂仲會免費提供洗漱用品同面膜。呢間酒店特別受歡迎嘅地方係有 3 人房同雙連房，一家人一齊旅行就最適合。
▼預約網址▼
京都四條河原町 FORZA 酒店 (Hotel Forza Kyoto Shijo Kawaramachi)
Hotel Forza Kyoto 受歡迎嘅原因係酒店位置非常方便，介乎於遊客必去景點同美食集中地河原町，去河原町車站只需 1 分鐘。由酒店出發可以幾分鐘步行去到新京極通、錦市場，仲可以步行到寺町通、八坂神社（約 27 分鐘）。客房寬敞，設有家庭房選擇，非旺季日子最平大約 700 蚊左右一晚。
▼預約網址▼
京都清水五條相鐵FRESA INN (Sotetsu Fresa Inn Kyoto Kiyomizu Gojo)
Sotetsu Fresa Inn京都清水五條距離五條站（地鐵烏丸線）僅約2分鐘步行，方便外遊。步行可達清水寺、東山景區、三十三間堂等著名旅遊熱點。
相鐵 Fresa Inn 京都清水五条位於京都地鐵五条站同京阪電車清水五条站中間，從五条站 1 號出口或清水五条站 3 號出口出站，步行大約 5–6 分鐘可到。作為日本連鎖商務酒店集團之一，房間乾淨度有保證。
地址：日本〒600-8103 京都市下京區鹽竃町391-1
▼預約網址▼
京都四條里士滿高級酒店 (Richmond Hotel Premier Kyoto Shijo)
Richmond Hotel Premier Kyoto Shijo 屬於京都高級酒店之中價錢相對親民的一級。房間面積比相鐵酒店或其他一般 3 星級酒店明顯大得多，啱晒想住得舒適、又有稍多預算嘅旅客。
酒店裝潢超靚，大堂寬敞明亮，配有大片落地窗引入自然光，窗外仲有植栽同流水造景，整體氛圍靜謐雅致，住起嚟非常舒服。酒店樓下就有 Life 超市，步行 2 分鐘有 Fresco 超市，對面仲有 FamilyMart，買嘢好方便。
由酒店步行約 5 分鐘即可到達四條站、烏丸站，臨近四條通、錦市場同河原町購物區。酒店房間設備齊全，質素高，性價比出色，係不少人心目中京都酒店推薦名單之一。
地址：日本〒600-8494 京都市下京區傘鉾町50
▼預約網址▼
京都四條大宮霍普旅舍 (Hop Inn Kyoto Shijo Omiya)
Hop Inn Kyoto Shijo Omiya 位於大宮站步行約 2 分鐘，方便搭乘阪急京都線、嵐山本線，所以去嵐山特別方便。酒店附近有多條巴士路線，對面有超市。酒店 2 樓設有洗衣機同乾衣機，仲有大浴場，可以消除一日疲勞。
地址：日本京都市中京區壬生坊城町14-2, 604-8804
▼預約網址▼
相鐵FRESA INN 京都站八條口 (Sotetsu Fresa Inn Kyoto-Hachijoguchi)
同樣屬於相鐵集團嘅「相鐵 Fresa Inn 京都站八條口」最受歡迎原因一定係位置，京都車站出站轉個街口就到，1 分鐘範圍內已經有便利店 Lawson。房價大約 900 至 1,000 蚊起，一落車放低行李就可以即刻去玩。第二日由京都車站出發，揀搭火車或者巴士都非常方便。
地址：日本〒601-8003 京都市南區東九條西山王町11
▼預約網址▼
京都烏丸五條口袋酒店 私人空間 (THE POCKET HOTEL Kyoto Karasuma Gojo)
今次介紹嘅平價選擇係「京都烏丸五條口袋酒店 私人空間 (THE POCKET HOTEL Kyoto Karasuma Gojo)」，每晚大約 300–500 蚊。酒店類似 share house，房間無浴室，設有公共浴場（內有獨立沖涼間）。雖然房間唔大，但乾淨企理，適合預算有限但想住京都市中心嘅旅客。
地址：日本〒600-8105 京都市下京區松屋町423番
▼預約網址▼
京都蒙特利酒店 (Hotel Monterey Kyoto)
Hotel Monterey Kyoto 鄰近烏丸御池站（地鐵烏丸線、東西線），步行約 3 分鐘。酒店走歐式古典風格，頂樓有大浴場，休息室有按摩椅同飲料提供。平日入住最平大約 600 幾蚊一晚，性價比高，難怪成為京都熱門酒店之一。周邊有二條城、錦市場、新風館，購物同觀光都方便。酒店屬中高級路線，設有溫泉、餐廳、酒吧等設施，適合重視舒適享受嘅旅客。另設有收費停車場，泊車無憂。
地址：日本〒604-8161 京都市中京區万里町604
▼預約網址▼
