豪斯登堡值得去嗎？[ 3 個去豪斯登堡的理由]
豪斯登堡介紹
豪斯登堡是日本長崎最大歐洲主題樂園，內裏模仿荷蘭街道而設立的一個主題公園，所以建築十分歐式之外，還會見到荷蘭既風車，樂園區內有運河、遊樂設施、 面積比東京迪士尼大上兩倍多，也是日本三大主題公園之一。
俾大家睇吓豪斯登堡既相片先
去豪斯登堡的交通時間
由福岡，坐「豪斯登堡號」特快列車，需時 2 小時
由熊本，坐特快列車 + 新幹線，都要需時 2 小時
所以即日來回的話，一來一回就需要 4 小時。
豪斯登堡門票分類
簡單來說，豪斯登堡門票分兩種，一種是普通的入場門票，價錢 $324（不包樂園內的設施），另外還有一種是 $504 的門票，會包埋園區巴士 1 日票，和 50 個免費設施，當然我會建議大家買後者，反正入園都會玩園內設施，這 50 個園內設施已經差不多包晒大部份活動。
門票購買網址：
https://www.klook.com/zh-HK/activity/7254-huis-ten-bosch-ticket-fukuoka-kumamoto/
豪斯登堡門票 + 車票
如你從福岡出發即日來回，亦可以考慮買連車票的這個方案，亦已包括 50 個免費設施，價錢 $900。
https://www.klook.com/zh-HK/activity/970-hui-ten-bosch-theme-park-and-train-tickets-fukuoka/
50 個免費設施如下 (其實大部份都會包，所以大家其實唔需要太留意有什麼活動既)
豪斯登堡地圖
豪斯登堡體驗
我們當日由福岡博多車站出發，豪斯登堡的體驗，其實由博多車站已經開始，因為可以坐九州特色列車「豪斯登堡號」，車身已印上豪斯登堡的標誌，坐這架車的旅客，大部份都是去豪斯登堡。
坐了兩個鐘，就到達豪斯登堡站，建議大家用「乗換案内」睇岩時間坐特快號，咁就一程車唔洗轉車由福岡博多站直到豪斯登堡站。 
到站後，第一橦會見到的歐式建築物，是豪斯登堡大倉酒店。見到酒店前那條橋嗎？下車後，跟人群走過這條橋之後，就是到達豪斯登堡的入口。
大家出發前記得留意天氣，當日忘記帶傘要在車站買。
我們是用 Klook 買門票的，到達現場時只需用手機出示憑證
然後工作人員只需掃瞄 Bar Code ，就能立即換到門票。
入場喇！一入場已經見到公園的吉祥物，好多小朋友要同佢影相。
之後會先經過豪斯登堡最著名的區域「花卉道路」，好似置身於荷蘭一樣，風車會轉，公園會播放音樂，如果配合陽光白雲，拍出來的效果應會靚好多。
豪斯登堡內好多不同主題的展館，基本上除非一早到，否則一天好難全部參觀得完。我們參觀了泰迪熊館、巧克力伯爵之館。
泰迪熊館
這隻是全世界體型最大的熊仔
館內有好多影相位，見到大人同小朋友都好開心
巧克力伯爵之館，地方細細但都有大型朱古力影相位，有朱古力波波池俾小朋友玩，仲有付費朱古力飲。
園內周圍有好多大型擺設，亦有好多精品店可以買手信。
行了幾個館之後就會到達「娛樂設施城」，娛樂設施城可以話係豪斯登堡最吸引區域，大部份設施都係用最新 VR 科技，需要戴上 VR 眼鏡去玩的虛擬實境遊戲，包括過山車，鬼屋等等。
之後行行吓，見到寫著全球「最高、最長、最快」既 VR 虛擬實境遊戲設施，滿心期待去玩，其實開頭我都有少少驚，話晒見到升到 3 百米高喎，之後仲要最高速咁衝落黎…… 
未玩之前，佢仲有個全景圖，話俾你知過山車的路線，一開始就會直上 300 米，然後最高速度 270 Km/h 來完成，真係睇見所有數字都驚驚地。其實玩之前我都奇怪，點會室內的過山車有 300 米高……
等了 20 分鐘，終於到我玩了，見到路軌代表準備上過山車了
工作人員會幫我地扣上安全帶，和戴上 VR 眼鏡。如果有玩過 VR 過山車既朋友，就知道戴上 VR 眼鏡之後，其實真係幾無安全敢，因為你唔會再現到真實的世界，畫面就會在遊戲世界裏，真實世界如果安全帶未扣好，又或者有任何意外，第一時間未必會知道。
…. 終於開始了，當衝高到 300 米後，我就用盡全力捉緊扶手…… 點知…. 點解無乜離心力既，哦，原來真係無估錯，只係個坐位郁，並唔係真過山車（我仲以為好似海洋公園咁真係戴 VR 眼鏡玩過山車），失望到爆，仲話咩「全世界最高」，虛擬世界你整到幾高都得啦，雖然係流流地，但都正常好玩既。
之後我地仲去了其他 VR 館，仲有其他 VR 虛擬實境遊戲，因為香港真係無乜點玩過 VR ，所以都真係幾好玩。
有 4 個遊戲選擇，我地揀咗一個虛擬類似笨豬跳遊戲「逆向Bungy」，集合 VR 和 MAX 4D 動感影院技術，全身感受速度感，好刺激，直情彈咗上太空，再落返地球，見在場每一個人都玩得好開心。
我仲玩了幾個鬼屋，都係 VR 遊戲，恐怖程度屬一般，但勝在玩 VR 嘅感覺隻鬼真係好似係隔離咁。
這個是「洪水來襲冒險館」，用水氣、波浪和豪雨重現龍捲風、閃電和打雷等場景。提供體驗實際在荷蘭發生的驚濤駭浪的大洪水。是一場威力十足的體驗型劇場。
亦有錯覺藝術館，展出很多錯覺藝術，很好玩。
最後，我地亦有登上 豪斯登堡塔，欣賞豪斯登堡的景色
總結 – 豪斯登堡值得去嗎？3 個去豪斯登堡的理由
1. 總括黎講，如果閒日去，絕對不會人擠人，而且大部份設施都唔需要排隊，少人都係優點黎，但可能人少園內氣氛就差一點。留意唔同時間有唔同花展幾靚，詳情留意豪斯登堡官網。
2. 另外，喜歡玩 VR 虛擬實境遊戲又或者從未玩過 VR 虛擬實境遊戲，這裏大部份遊戲已經跟 VR 眼鏡公司合作，第一次玩，都幾有驚喜。如果鐘意睇煙花，仲可以留到夜晚，特別係夜景好迷幻好靚。
3. 豪斯登堡係比較適合一家大細、有 BB、老人家等以渡假心態去，假如一班年青人，好老實，相信會覺得遊戲落後（因為無海洋公園咁刺激），但環境靚，影相又靚，想 hea下就啱晒，未去過，都叫做值得去一次（話晒都係日本三大樂園之一）。
豪斯登堡營業時間
時上 9:00 至晚上 22:00
部分遊樂設施提早關閉，若有煙火表演則閉園時間有所不同。 ※詳情請見豪斯登堡官網
豪斯登堡門票優惠購買網址：
https://www.klook.com/zh-HK/activity/7254-huis-ten-bosch-ticket-fukuoka-kumamoto/
九州酒店推介
- 【由布院溫泉酒店體驗】由布の彩 YADOYA，房間擁私人溫泉，晚餐 A5黑毛和牛壽喜燒
- 山水館溫泉旅館，可遠望超美由布岳風景的溫泉酒店
- 花由旅館 | 由布院超正的溫泉酒店
- 【由布院秘湯溫泉酒店】稀有藍湯溫泉的泰葉溫泉旅館，浸完皮膚超滑溜！
- 湯布院森之露臺酒店 – 濃郁歐風外觀，浪漫小屋的溫泉酒店
- 湯布院布袋屋(Yufuin Hoteiya) – 房間有私人露天風呂的溫泉酒店
福岡酒店推介
博多美食推介
