報導第一手酒店優惠消息
分享酒店優惠、訂機票、旅遊攻略


位於東涌世茂喜來登酒店既「海岸扒房」一向都因為高品質食物同埋迷人景觀而深受客人喜愛,放假想食好少少嘅話絕對唔可以錯過!當中既假日早午餐更可以令各位體驗到豐富既自助區域、海鮮拼盤、西班牙黑毛豬等單點主食、甜品拼盤等。另外宜家經官網預訂,仲可以享有 9 折優惠添!假日早午餐成人每位 HK$550(已連服務費,原價 HK$605)起;小童每位 HK$498(已連服務費,原價 HK$548)起,絕對可以食得返回本!Runhotel 小編幫大家試咗有啲咩野食啦,一齊去睇一睇啦!

▼東涌世茂喜來登酒店 Eshop 預訂網址▼
假日早午餐成人每位 HK$550(已連服務費,原價 HK$605)起
https://sheratontungchungshop.com/product-category/dining/sunset-grill/?ref=33

 

以下是小編當日星期六去體驗的情況,酒店有權因為供應調整菜物,一切以當日食物為準。

▼先同大家睇一睇自助區域,現場有多款熟食冷肉包括西班牙辣肉腸、義大利沙樂美腸、西班牙火腿等等,每一款都相當鹹香、配搭麵包同各款芝士一流!隔離既沙律吧配料幾新鮮,現場提供凱撒沙律汁、油醋汁作配搭。另外仲有幾款冷盤可供選擇,煙三文魚、西班牙八爪魚沙律 燒甜椒配忌廉芝士、番茄多士、西班牙醃菜每一樣都無可挑剔,味道豐富得黎幾開胃!


▼睇完冷盤之後繼續睇埋自助區域嘅熱盤,當中包括西班牙炸丸子、西班牙帕德龍尖椒牛肉漢堡、牛臀肉配薯蓉。小編每一樣都試晒,真係需要讚一讚海岸扒房既自助區域真係相當認真, 感覺每一樣自助食品都係有主菜級別嘅水準。牛臀肉熱盤更加係眼前一亮,完全唔靭、入口可以食到脂肪溶化、啖啖肉。

▼享受咗一陣自助區域嘅美食之後,海鮮拼盤就上菜啦。一個拼盤包曬法國芬迪奇生蠔、加拿大雪場蟹腳、原隻虎蝦、法國藍青口、蜆同埋波士頓龍蝦。份量超級充足,每一樣都好新鮮架,見到呢一個海鮮拼盤已經覺得超回票價。另外值得一提嘅係假日早午餐加多 HK$128 可以享用無限量供應無酒精飲品、加多 HK$198 起可以享用配無限量指定美酒。

▼假日早午餐每人都會包一份單點主食,可以喺北海道帶子、西班牙黑毛豬、普羅旺斯雜燴及穀飼西冷四款中做選擇。一開始仲好擔心份量會唔會好大,但係上咗菜之後發現啱啱好。今次揀咗個黑毛豬同埋帶子試吓,北海道帶子配菜有茴香蓉、燒牛油果、粟米、荷蘭豆,帶子同埋牛油果配搭起上嚟超級 Creamy、入口有一種想溶化感覺,其他配菜啱啱好平衡返唔會好滯;另外西班牙黑毛豬配菜有阿根廷式青醬、露荀、茄子蓉,有少少似更加肥美嘅泰式豬頸肉,其他配菜帶有一種輕輕嘅炭燒味,令到豬頸肉冇咁肥膩同時香味更加突出!

▼最後仲有一個甜品拼盤收尾,包咗忌廉泡芙、奧利奧芝士蛋糕、紅莓慕斯蛋糕、雜莓及水果。甜品配搭上水果多少少,相當新鮮同埋鮮甜。食完水果之後開胃返少少可以享受埋其他甜點,當中嘅忌廉泡芙外脆內軟,每一啖都好令人滿足。

▼最後一定要同大家睇吓餐廳環境。不論係坐喺室內定室外,可以睇到一望無際嘅海景十分寫意。如果天氣唔熱嘅話坐喺室外打卡真係相當適合;而室內都有落地大玻璃、配搭埋歐式嘅裝潢,有啲好似去咗旅行嘅感覺。高品質嘅自助區域、再加埋豐富嘅海鮮拼盤、主食、甜品、迷人景致,雖然價錢唔低,但係真係幾值得。

 

假日早午餐價錢 (網店預訂可享 9 折)
成人 HK$550(已連服務費,原價 HK$605)
小童 HK$498(已連服務費,原價 HK$548)

*價錢有機會隨季節調整,一切價錢官網 Eshop 顯示為準

 

▼東涌世茂喜來登酒店 Eshop 預訂網址▼
假日早午餐成人每位 HK$550(已連服務費,原價 HK$605)起
https://sheratontungchungshop.com/product-category/dining/sunset-grill/?ref=33

東涌世茂喜來登酒店
地址:東涌怡東路 9 號香港東涌世茂喜來登酒店 19 樓

────── 相關文章 ──────
由即日起去永安旅遊網站,預訂全線酒店,輸入優惠碼「PH606」,全單可享有 94 折,最高可減 $400。 預訂網址:https://www.wingontravel.com/

由即日起去永安旅遊網站,預訂澳門船飛,輸入優惠碼「PF412」,訂滿 HK$160 即減 HK$10,或訂滿 HK$460 可減 HK$35。 預訂網址:https://www.wingontravel.com/ferry/

====================
想喺酒店包場舉辦攪生日會、百日宴、公司私人活動、婚宴或講座?但又唔知要幾多錢?即上 Runhotel 全新搵酒店派對場地網站,一次過睇晒各大酒店包場 Package 價錢:https://event.runhotel.hk/
====================
需要搵月租酒店 / 短租酒店?即上搵月租酒店網站睇晒所有酒店月租價錢,連服務式住宅都有!網止: https://rent.runhotel.hk/
====================
歡迎轉發相關優惠訊息,轉發時請註明出處來自 Runhotel.hk 。
====================
Runhotel 網站已努力審查過所有資訊才作出以上報導,而 Runhotel 只是情報網站報導各項優惠資訊,並不是預訂平台,酒店或網遊網站會因應情況更改條款而不作另行通知,預訂時請一切以官網的條款和價錢為準。
====================
如有旅遊資訊、旅遊優惠想跟我們分享,或邀約採訪或商務合作,請聯絡 [email protected]
====================
Runhotel 是全港唯一專門發佈酒店折扣、優惠的網站,你地想繼續留意到相關優惠消息,記得緊貼我地 Runhotel FacebookRunhotel Instagam 的資訊。 http://facebook.com/runhotel.hk
https://instagram.com/runhotel.hk/



留言