【香港美利酒店住宿體驗】房價 $2,500 起,包雙人早餐籃、主題下午茶及迎賓雞尾酒,再送 Jo Malone London古龍水及沐浴凝膠體驗裝!
位於中環的美利酒店最近推出以夏日遊園會為主題的住宿優惠,二人房價 HK$2,500 (連服務費 HK$2,750)起,查過系統,週末及公眾假期入住都一樣價錢,包 Superior Room 一晚、雙人早餐籃、「初夏遊園下午茶」同迎賓雞尾酒兩杯,住客仲可以獲得 Jo Malone London 古龍水體驗套裝(3×1.5毫升)兼可去打卡位影相!而早餐籃唔單止可以於房內享用,住客仲可以帶出去戶外野餐,食完成個籃拎返屋企都得。Runhotel 讀者記得透過以下連結預訂仲會再送 Jo Malone London手部及身體沐浴凝膠(15 ml),數量有限,先到先得!
適用入住日期:即日起至 2021 年 6 月 30 日
官網預訂網址:
https://bit.ly/3gP1hsM
(Runhotel 讀者透過此連結預訂仲會再送 Jo Malone London 手部及身體沐浴凝膠 15ml 一枝,數量有限,先到先得!)
今次小編體驗嘅房型係較高級的 N3 Grand Deluxe King,加 HK$800 就可以入住,客房超大,有提供埋瑜珈墊可以做運動,電視亦可以連手機播片睇,仲有浴缸可以浸浴添!而「初夏遊園下午茶」(餐牌按此)就可以揀喺餐廳或客房享用,又或者喺退房時拎外賣走都得,最特別就係有提供 5 款由 Jo Malone London 最新古龍水系列啟發的主題手工果醬,包括「橙花無花果」、「香桃玫瑰」、「士多啤梨接骨木花」、「雲呢嗱大黃」及「薰衣草黑莓」,配埋 Scone 一齊食超正!食完去指定位置打埋卡,仲可以拎走 Jo Malone London 最受歡迎的「英國梨與小蒼蘭」、「藍風鈴」同「牡丹與胭紅麂絨」3 款古龍水體驗裝(每款1.5毫升)!
另外,呢個 Package 包嘅早餐籃都好豐富,包括有 3 款丹麥酥同牛角包、乳酪鮮果穀麥片、橙汁及水果等等,二人份量飽到小編都食唔晒,重點係可以將成個野餐籃連餐具帶走,之後出去野餐都可以用返啊!
▼ N3 Grand Deluxe King 二人房價 HK$3,300 (連服務費 HK$3,630)
▼電視有 Apple TV 同 Screen Mirroring 功能,iPhone 同 Android 機都可以連到!
▼辦公桌旁邊有 Nespresso 咖啡機、電熱水壺、迷你吧同雪櫃,其中咖啡、茶包同枝裝水都係免費,值得一讚的是,酒店已預先在咖啡機裏注滿水,好體貼!
▼衣櫃內仲有浴袍、瑜珈墊、行李架等提供
▼拖鞋有一大一中兩個 Size,有需要的話可以於預定時備註要咩 Size,而且係毛毛面料,好柔軟舒服!
▼洗手間同廁所分開兩邊,而且有齊浴缸同企缸,浴缸旁邊仲有提供浴鹽可以浸浴。
▼提供澳洲品牌 Grown Alchemist 洗浴用品
▼Runhotel 讀者預訂會送 Jo Malone London 手部及身體沐浴凝膠(15 ml)
▼今次下午茶共有 10 款鹹甜點,包括雙桃忌廉撻、紫花地丁蛋白杏仁餅、柚子茉莉泡芙、杏仁奶凍等等,仲有原味同香橙蜂蜜共兩款口味的英式鬆餅,以及從 5 款限定主題手工果醬中自選喜愛口味。(餐牌按此)
▼餐廳會提供 5 款由 Jo Malone London 新古龍水啟發的主題手工果醬,食客可以挑選喜愛的口味配 Scone 一齊食,包括有「橙花無花果」、「香桃玫瑰」、「士多啤梨接骨木花」、「雲呢嗱大黃」及「薰衣草黑莓」。
▼仲有酒店古樹「節果決明」花季期間推出的限量口罩套送
▼大家記得去餐廳外面的「Jo Malone London 英倫初夏園遊會展覽」打卡,就可以免費獲贈迷你英式藤籃及 Jo Malone London 古龍水體驗套裝 (3×1.5毫升),每人可獲一份。
▼今次送的古龍水體驗套裝,包括有 Jo Malone London 最受歡迎的「英國梨與小蒼蘭」、「藍風鈴」同「牡丹與胭紅麂絨」3 款味道的古龍水。
▼雙人早餐籃都好驚喜,唔止野食豐富,仲可以將成個野餐籃連餐具、暖水壺等都帶走,之後拎去野餐用都好正啊!
▼呢個早餐籃包括有朱古力酥、鮮果吉士酥、牛角包、乳酪鮮果穀麥片、橙汁、香蕉及蘋果,二人份量飽到小編都食唔晒,另外仲有得揀要咖啡或茶等飲品。
▼另外,依家去 Staycation 仲可以見到酒店內的著名香港古樹名林「節果決明」開花的面貌。(小編 4 月 29 日入住已經睇到部份粉紅色啦)
房價包括:
- 雙人早餐籃一份
- 於入住當日到 Popinjays 享用以新鮮果醬為主題的迎賓雞尾酒兩杯
- 雙人「初夏遊園下午茶」下午茶 (可於指定餐廳或客房內享用,又或於退房時領取下午茶外賣一份)
- 泊車位只需每輛額外港幣 200 元 (只限星期五至日及公眾假期,以每次入住計算)
條款及細則:
- 用餐地點視供應而定並將由酒店安排。請致電+852 3141 8888或電郵至[email protected]預約用餐時間。相關安排將於登記入住時確認。
- 客人可選擇於指定餐廳或客房內享用下午茶,又或於退房時領取下午茶外賣一份,請於訂房時或登記入住時註明。
- 6-12 歲小童早餐定價為每位港幣 160 元。
- 全部價格均以每間客房每晚計算,不包括加一服務費。
- 每間客房最多可容納一隻 15 公斤以下之小型犬或貓隻(導盲犬除外),每晚收費港幣 800 元。請按此查看我們的寵物政策。
- 客人可於入住當日下午 4 時至 6 時享用迎賓雞尾酒,地點視供應而定。如未能安排客人到訪 Popinjays,酒店將以其他餐廳或酒吧替代。
- 如未能於入住日期(酒店當地時間)的下午 6 時之 24 小時前修改或取消預訂,酒店將收取一晚住宿房費為修改或取消費用。
- 優惠不能與任何其他促銷活動或禮品券同時使用。
適用入住日期:即日起至 2021 年 6 月 30 日
香港美利酒店
地址:中環紅棉路 22 號
▼官網預訂網址▼
https://bit.ly/3gP1hsM
(Runhotel 讀者透過此連結預訂仲會再送 Jo Malone London 手部及身體沐浴凝膠 15ml 一枝,數量有限,先到先得!)
香港美利酒店其它優惠