抵呀!香港洲際酒店自助餐今個星期又會再次有優惠喇,優惠必需在 7月 12 日網上用信用卡預購,只限 24 小時內預訂,今個星期繼續會有自助餐餐廳「港畔餐廳」優惠,二人同行最低 6 折,自助午餐二人同行最平 $684 (即每位 $342 起) ,自助晚餐二人同行最平$1,258(即每位 $629起),以上價錢已包括加一服務費,6 百幾蚊就食到洲際既自助晚餐,非常抵。

自助晚餐冰鎮海鮮有麵包蟹、龍蝦、龍蝦鉗、長腳蟹、青口、蜆、翡翠螺、凍蝦,熱盤有煎鴨肝、天婦羅、鮑魚或者燕窩羹(視乎當日貨源),自助晚餐繼續會有鹿兒島黑毛和牛供應。如想食生蠔,可以用優惠價 $158 享用半打或 $288 享用一打法國 Fine De Claire 生蠔。

而自助午餐由即日起至 8 月 30 日期間的星期一至五,會有主廚陳褔和師傅帶來的各式印度美食,食完就有如置身於印度一樣,新加菜式有印式炒龍蝦、印度捲餅、印式 BBQ 烤雞翼、印式 BBQ 烤雞魚、印式羊肉咖哩、自助午餐海鮮仍有長腳蟹、麵包蟹、青口、蜆等,日式壽司仲加了新款式添。


米芝蓮一星既法國餐廳 Rech by Alain Ducasse,更有一個特價的 3 道菜 Menu,每位只需 $488(再加一服務費),頭盤可選法國生蠔、法式慢煮三文魚或豌豆忌廉湯、主菜可選小麥鍋、鱈魚或香煎牛柳伴鴨肝,而甜品則可選 Mr Rech 或草莓/青檸蛋白脆餅。今個星期五預購更可額外獲得一杯有汽酒、白酒或紅酒。餐廳對住無敵維港夜景,性價比高。

▼法式海鮮餐廳 Rech by Alain Ducasse

「誘饌星期五」預訂日期:只限 2019 年 7 月 12 日 (00:00 至 23:59 )
數量有限,先訂先得。跟據經驗,適用日期通常由星期五至下星期四,實際適用日期要等開賣先知。

大家到時可以去以下網址預購:https://www.hongkong-ic.eshop.intercontinental.com/html/moreish-friday-checkout-zh.php
(先選日期,然後選擇餐廳,就會顯示相關折扣,食自助餐既餐廳中文叫港畔餐廳,英文叫 Harbourside)

另外,香港洲際酒店為了答謝眾饕客支持,即日起逢星期五,每日在網上商店都會有驚喜餐飲優惠:www.hongkong-ic.eshop.intercontinental.com

香港洲際酒店港畔餐廳 Harbourside | Rech by Alain Ducasse
地址:尖沙咀梳士巴利道18號香港洲際酒店下層 | 大堂樓層
查詢號碼:2313 2323 (留意電話訂座不能享有今次優惠)

 

====================
歡迎轉發相關優惠訊息,轉發時請註明出處來自 Runhotel.hk 。
====================
如你有旅遊資訊、旅遊優惠想跟我們分享,歡迎電致至
邀約採訪或商務合作,請聯絡
====================
Runhotel 是全港唯一專門發佈酒店折扣、優惠的網站,你地想繼續留意到相關優惠消息,記得緊貼我地  Runhotel Facebook 和 Runhotel Instagam 的資訊。 http://facebook.com/runhotel.hk
https://instagram.com/runhotel.hk/



留言