深圳光明美爵酒店住宿介紹｜最新房價、親子主題房、交通優惠一次睇清
深圳光明美爵酒店係雅高集團旗下高端品牌，位於光明區中心，鄰近鳳凰城地鐵站，樓下就有光明萬達廣場同藍鯨世界商場，食肆、超市、咖啡店同娛樂選擇超多，啱曬週末帶屋企人或朋友嚟深圳「Chill」返兩晚。雖然離關口遠啲，但交通都算方便，今篇會同大家詳盡分享酒店房型、親子設施、附近玩樂情報及訂房優惠教學。
小編自己住過光明美爵酒店一次，印象都非常好。最大優點除咗夠新淨、管理細心，地點真係市中心級，一落樓玩、飲、食、買乜都有，而且周邊一帶發展愈來愈厲害，生活機能激強。有啲房仲望到城市夜景，親子房啲主題元素、滑梯設計勁受小朋友歡迎，就算只係一晚Staycation都覺得物超所值。
酒店最新房價最平 HK$600 起，每間房都夠大夠新，設備又齊，基本高級房、雙床房至嘉賓大床房全部有落地玻璃窗、浴缸、Nespresso 咖啡機同Work Space。親子旅客特別鍾意B.Duck房和樹屋滑梯主題房，假期要提早預訂，屋企有小朋友一定會玩到唔捨得走！
▼深圳光明美爵酒店
▼Runhotel 幫大家搜尋最平訂房網站 ▼
文章目錄
酒店房型／親子主題房介紹
深圳光明美爵酒店提供多款房型，包括高級客房、嘉賓大床房、親子主題房同套房等，每間房都以現代時尚設計為主，寬敞明亮。全部客房配有落地玻璃窗，望出去就係光明城景，仲設有高品質寢具、Nespresso 咖啡機、智能電視、Wi-Fi 同乾濕分離浴室。酒店主打貼心服務，特別為親子旅客設有8間兒童主題房間，畀小朋友開心入住。
▼小編今次入住嘅係嘉賓大床房，目測超過 500 呎，非常大
▼設有浴缸，仲有浴鹽提供
▼廁所係乾濕分離，花灑亦都夠力，好大水
▼全部洗漱用品都有提供，大家嚟可以準備少樣野
▼樹屋滑梯親子主題房，樹屋滑梯房極受歡迎，假日一定要提前預訂，真正係親子酒店「Next Level」之選！有精美樹屋造型上下床，再連旋轉滑梯，小朋友一入住就開心到唔捨得走！房入面仲有小型帳篷、益智玩具、繪本角。
▼浴室都好貼心，設有、兒童浴袍、馬桶圈、腳踏凳等齊全裝備。
▼高級雙床房
▼高級大床房
▼企鵝雪屋親子主題房
▼高級套房
自助晚餐
▼自助晚餐仲可以打埋邊爐，仲要係一人一鍋！
▼每位都會有一客焗龍蝦
▼手切吊龍
▼全部打邊爐食材都好新鮮
▼刺身
▼熱菜選擇都好豐富
▼各類甜品
▼第一次係國內食buffet，連水果都係超新鮮鮮甜！
▼酒水任飲
▼餐廳裡面設有小朋友嘅玩樂區，食飽就可以等小朋友自己去玩
▼餐廳環境
自助早餐
▼自助早餐同晚餐一樣咁豐富！
中餐廳
如果大家同小編一樣鍾意食精品中菜的話，一定要試下酒店嘅中餐廳，無論環境抑或菜式味道都非常好，價錢最平只需 RMB300 一位，套餐已包冷盤、主廚推介、足料燉湯、主食同甜品。頭盤有醃鴨舌、話梅山楂雪耳等，主菜包括焗雞、黑松露鮑魚配南瓜、牛肝菌鹿肉同新鮮蔬菜，全部擺盤精美味道超有水準。甜品有無花果檸檬雪葩同鮮果拼盤，食到尾都好滿足！
酒店設施介紹
設有露天恒溫泳池、超大健身房、免費洗衣烘衣、送外賣機器人，每層有充電器借用。
▼酒店有送外賣機器人，叫美團都好方便，會直接送到房門口
▼每一層一出lift就有外置充電器借，好方便
▼出遊最怕返到屋企要係咁洗衫，酒店有免費洗衣烘衣提供，酒店房間部電視就可以見到睇衫洗好未
▼個gym room超大，成層都係，不過就開放到夜晚 10 點
▼酒店設有露天恆溫泳池
周邊環境介紹
深圳光明美爵酒店周邊有光明萬達廣場、藍鯨世界商場、光明之眼（美術館／圖書館）、天橋連通，雨天都可行街，酒店仲有光明城市候機樓，去深圳機場都非常方便。
▼酒店直接有通道去「光明萬達廣場」，廣場連通地鐵「鳳凰城站」，可以由鳳凰城站行去「藍鯨世界」，就算落雨都唔洗驚，全程都唔會淋到雨
▼「光明之眼」，有美術館圖書館，由「藍鯨世界」會有天橋直通「光明之眼」
▼光明區最大嘅商場「藍鯨世界」
▼萬達廣場就係正酒店隔離，商場地下成層都係超市嚟，超方便
▼酒店裡面仲有光明城市候機樓，如果係深圳機場飛嘅朋友，可以先過嚟光明當中轉站先
▼可以帶小朋友去 2025 年 5 月新開嘅「深圳科學技術館」亦好方便，由酒店搭兩個地鐵站（由鳳凰城站至光明大街站）就到，小朋友可以玩晒互動展品，寓學習於娛樂。
住宿優惠
深圳光明美爵酒店而家最平 HK$600 就可以住到一晚，真係超值之選！
▼Runhotel 幫大家搜尋最平訂房網站 ▼
如何去深圳光明美爵酒店？
酒店鄰近深圳地鐵 6 號線同 13 號線鳳凰城站，步行 2 分鐘即到。
由香港出發去深圳光明美爵酒店可以揀兩種方法：
- 環島中港通跨境巴士：每位 HK$65，由觀塘裕民坊出發，直達酒店門口，全程差唔多 3 個鐘，好處係點對點直達，環島中港通跨境巴士由香港去深圳光明美爵酒店，九龍、新界有好多上車點，唔使轉其他交通工具，特別啱一家大細或者拖住行李。
- 高鐵+滴滴：由香港西九龍高鐵站上車，票價 HK$108，大約 45 分鐘到深圳光明城站，落車再搭滴滴出行，車程 10 分鐘左右，搭車大約 RMB15 ，全程約一個鐘就到酒店，夠曬方便。
常見問題FAQ
問：如何由香港直達深圳光明美爵酒店？
答：搭環島中港通巴士由九龍/新界多個點直達酒店門口，或者搭高鐵到深圳光明城站，再轉滴滴。
問：光明美爵酒店有啲咩房型？
答：提供高級客房、嘉賓大床房、親子主題房（包括B.Duck小黃鴨房、樹屋滑梯房、企鵝雪屋房）同多款套房，全部房間超寬敞，有落地玻璃窗、浴缸、Nespresso 咖啡機、Wi-Fi，浴室全部乾濕分離，親子設施齊備。
問：酒店附近有咩玩？
答：落樓就係光明萬達廣場同藍鯨世界，全程有商場、超市、餐廳、影院，天橋連通唔怕落雨；步行或地鐵兩站即到深圳科學技術館，小朋友可以玩晒互動展品；酒店設有光明城市候機樓，搭機場巴士都好方便。
問：光明美爵酒店有什麼餐廳或自助晚餐？
答：酒店內有全日餐廳供應豐富自助餐及一人一鍋火鍋、焗龍蝦等主打菜式，設有兒童玩樂區及多款甜品；自助早餐包含中西日式選擇，另有精品中餐廳，RMB300起可享多道精美菜式，非常高質。
深圳光明美爵酒店
地址：光明大道與觀光路交匯處特區建發樂府廣場1A棟, 光明新區, 深圳
▼Runhotel 幫大家搜尋最平訂房網站 ▼
