【珠海橫琴免費景點】唔使去西安！兵馬俑真品免費睇，新增 2 尊秦俑！247 件文物展出、附預約攻略
唔使專程飛西安，珠海橫琴都有兵馬俑真品免費睇！橫琴文化藝術中心正舉辦「陝」耀中華文物展，展出來自陝西的 247 件（套）珍貴文物，包括秦始皇兵馬俑真品、青銅器等。最新消息，2026 年 10 月 27 日起再新增 2 尊秦代武士俑，而且展覽完全免費，展期至 2027 年 1 月 16 日！想趁週末北上珠海玩，記得提前預約入場，現場仲有免費集章活動，非常適合親子、情侶去打卡！
珠海橫琴兵馬俑展覽｜新增 2 尊秦俑、247 件珍貴文物
今次「陝」耀中華文物展最大賣點，就係可以近距離欣賞真正由陝西運到橫琴嘅秦始皇兵馬俑！原本展出的將軍俑、跪射俑及跽坐俑已經相當受歡迎，由 10 月 27 日起再加入「鎧甲武士俑」及「戰袍武士俑」，讓大家一次過欣賞不同秦軍士兵嘅造型。展覽合共展出 247 件（套）珍貴文物，分為「根與源」、「天與人」、「通與融」及「新與續」四大單元，涵蓋古代石器、商周青銅器、秦漢文明，以及古代文化交流等歷史主題。現場仲設有文創商品區、古裝造型體驗及青少年研學區，亦有免費公益講解，適合一家大細參觀。
*圖片轉自小紅書「定定妈的出逃日记」
免費領取限定蓋章本｜打卡攻略
除咗免費欣賞兵馬俑展覽，現場仲有限定蓋章本免費派發！想領取嘅朋友，只需要喺展覽現場拍攝至少 6 張相片（必須包括展覽海報及展廳入口），再將相片上載至小紅書，加入話題「#橫琴“陝”耀中華文物展#」，並撰寫不少於 15 字嘅內容，同時將貼文定位設定為「橫琴文化藝術中心」。完成後，到展覽 3 樓前台出示已發佈嘅小紅書貼文，就可以按現場安排免費領取限定蓋章本。要留意，每人限領一本，數量有限，分時段派發，先到先得，而且必須出示已發佈嘅貼文，單靠截圖係唔得㗎！如果唔想參加打卡活動，亦可以自備小本子到場集章。
珠海橫琴兵馬俑展覽｜免費預約方法及開放時間
今次珠海橫琴兵馬俑展覽完全免費，不過入場前需要實名預約。港澳居民可以使用回鄉證資料，提前最多 7 日透過微信「橫琴民生」或「橫琴文體通」預約。
每個帳號單次最多預約 5 人，包括最多 3 名 14 歲以下兒童，未成年人須由成年人陪同參觀。
| 展覽資訊 | 詳情 |
| 展覽名稱 | 「陝」耀中華文物展 |
| 展覽日期 | 2026 年 9 月 17 日至 2027 年 1 月 16 日 |
| 開放時間 | 星期二至日 10:00 – 18:00（17:00 停止入館）；星期一閉館，法定節假日除外 |
| 展覽地點 | 橫琴文化藝術中心 3 樓（濠江路 698 號），由西側觀眾入口進場 |
| 門票 | 免費，需提前預約 |
| 預約渠道 | 微信「橫琴民生」或「橫琴文體通」 |
Klook 橫琴酒店優惠｜睇完兵馬俑順便住一晚！酒店連早餐 HK$961 起
免費睇完兵馬俑，不如順便安排珠海橫琴兩日一夜遊！Klook 現時推出橫琴酒店獨家優惠，預訂指定酒店套票滿人民幣 800 元，輸入優惠碼「ZHHQHTL1」即減人民幣 160 元（約 HK$188）！今次精選 3 間橫琴酒店，當中包括凱悅、悅椿及英迪格酒店，唔單止包住宿，部分套票仲包雙人自助早餐、自助晚餐、雞尾酒等禮遇，用優惠碼後低至 HK$961 起，非常適合情侶、親子家庭安排週末 Staycation！
珠海橫琴凱悅酒店｜2 大 2 小早餐＋雞尾酒，用碼後 HK$974 起
帶小朋友北上珠海玩，可以考慮珠海橫琴凱悅酒店（Hyatt Regency Hengqin）！今次嘉賓軒大床房套票，除咗包 1 晚住宿，仲包括 2 大 2 小自助早餐及雞尾酒等禮遇，一家大細入住都啱！套票價 HK$1,162，輸入優惠碼後即減 HK$188，折後只需 HK$974 起，連早餐都有埋，幾抵玩！
▼預訂網址▼
https://www.klook.com/zh-HK/activity/57891-hyatt-regency-zhu-hai/
珠海橫琴英迪格酒店｜包雙人自助晚餐，用碼後 HK$1,323 起
想同另一半去橫琴享受兩日一夜 Staycation，珠海橫琴英迪格酒店（Hotel Indigo Zhuhai Hengqin）都值得留意！今次精品大床房套票，包 1 晚住宿、雙人自助晚餐及酒店指定禮遇，去完兵馬俑展覽，夜晚返酒店食埋自助餐，唔使再煩惱去邊度食飯！套票價 HK$1,511，輸入優惠碼即減 HK$188，折後只需 HK$1,323 起，住宿連雙人晚餐一次過安排好！
珠海橫琴悅椿酒店｜雙人早餐＋輕食，用碼後 HK$961 起
想住得舒服啲，又想享受悠閒度假氣氛，可以選擇珠海橫琴悅椿酒店（Angsana Zhuhai Hengqin）！今次綠蘊大床房套票，包 1 晚住宿、雙人自助早餐及雙人輕食等禮遇，第二朝瞓醒可以慢慢食早餐，享受輕鬆假期。套票價 HK$1,149，輸入優惠碼後減 HK$188，折後只需 HK$961 起，係今次 3 間精選酒店之中最平嘅住宿套票！
▼預訂網址▼
https://www.klook.com/zh-HK/activity/93128-angsana-zhuhai-hengqin/
