【深圳大鵬最Chill新開海景度假酒店！】松善 SENSEA· 山海度假酒店，環境超靚：有全海景房、露天泡池、地中海餐廳同懸崖咖啡廳！
想搵個離香港近、又可以chill到爆的海邊度假地？最近深圳大鵬就悄悄開咗一間超靚新酒店「松善 SENSEA· 山海度假酒店」，打卡感一流，仲有全海景房、露天泡池、地中海餐廳同懸崖咖啡廳，完全係低調奢華代表！北上都可以有海外度假感，CP 值高得誇張。松善SENSEA 位於深圳大鵬溪湧一帶，由羅湖口岸打車出發，車程大約 30 分鐘，不算太遠。酒店以濃厚「中國紅」為主調，配上自然木質元素同柔和淺色系設計，貫穿出一種鬆弛又不失格調嘅氛圍。由大堂到房間每個角落都好 IGable，紅磚、拱門、山海景交錯，真係點影都靚！打開窗就係海，聽住浪聲、吹住海風，成個人都放鬆晒！夜晚再坐喺陽台睇星星，真係療癒到唔捨得走。每晚房價 HK$2,052（已連服務費）起，經 Trip.com 預訂仲會連歡迎水果 2 份 + 迷你吧 1 份 + 精美下午茶套餐 1 份、私人管家服務 1 份 + 30分鐘旅拍體驗 1 份 + 入住禮包 1 份等等。
一站式海邊度假：地中海餐廳＋懸崖咖啡＋親子CLUB
酒店走一站式度假概念，除咗住宿，仲有地中海餐廳、婚禮堂、非遺文創空間、旅拍基地同海洋運動親子 CLUB。無論係情侶staycation、家庭度假，定係同閨蜜影相打卡都超啱～另外即將開放嘅懸崖威士忌吧、山海宴會廳同攝影美術館都好值得期待，感覺之後會變成深圳最有藝術感的度假新地標。
▼酒店走一站式度假概念，除咗住宿，仲有地中海餐廳、婚禮堂、非遺文創空間、旅拍基地同海洋運動親子 CLUB
必住房型推薦：全海景＋泡池＋星空洞穴
酒店設有多種房型：全海景露台套房落地玻璃窗直接望到一整片海，坐喺露台就可以睇住日出日落，氛圍感滿分。房內設計走簡約自然風，木色調配上紅磚牆，無論影相定 chill 一日都好舒服。全海景星空洞穴泡池套房私密度極高，泡池就正對大海，夜晚可以邊浸邊睇星星～ 被山海環抱嘅空間，超有異國浪漫感，好似喺希臘小島度假一樣。每間客房都設有獨立泡池同開揚景觀，設計細節位滿分，啱晒鐘意打卡影相嘅旅人。
▼酒店設有多種房型
酒店設施：泳池＋森林步道＋日光浴場
酒店設有室外泳池、溫水泳池、公共海灘、花園休憩區、日光浴場，仲有雲端露台同森林步道可以散步打卡～無論係想曬太陽、打卡、行山、定chill住飲杯咖啡，呢度都幫你一次過滿足。想搞活動或婚禮，酒店仲有設計師禮堂同宴會廳，景觀超正，影相出片保證仙氣滿滿。
▼酒店設有室外泳池、溫水泳池、公共海灘、花園休憩區、日光浴場，仲有雲端露台同森林步道可以散步打卡
松善SENSEA·山海度假酒店
地址：深圳市龍崗區葵湧街道溪湧社區深葵路1091號
其它深圳酒店推介
