復活節假期就到，想北上搵新餐廳同親子好去處，深圳福田「領展中心城」最近又有新搞作！位於 L1 層東走廊一口氣進駐多間人氣餐廳，加上多個親子活動同港人專屬優惠，玩足一日都未夠。

餐飲方面選擇相當豐富，「北村韓食」主打炭烤鮮活鰻魚，新店空間寬敞舒適，開業優惠雙人餐只需 ¥198 起，性價比唔錯；人氣「八合里火鍋」帶來正宗潮汕鮮牛肉火鍋，連 AI 教父黃仁勳都曾經到訪，雙人套餐低至 ¥168 起；想食精緻一點，可以試「鮨·匠龍 Omakase」，人均約 ¥183 就食到高質 Omakase；而「Dough Bros」就主打高性價比 Pizza，同香港水準一樣但價格更親民；隱藏版美食推介仲有 B1 層「鳳名軒·順德桑拿菜」，人均約 ¥100 已經可以食到靚雞同靚湯。

除咗食，親子娛樂同樣精彩。G 層中庭設有大型貓咪花園，沉浸式被「100 隻貓貓」包圍；B1 層有 MY FIRST BOOK × Baby Shark 主題快閃活動；M 層集合超級史萊姆、反斗樂園及 meland 親子樂園，小朋友可以盡情放電；G 層西廣場亦安排多場兒童 DIY 手作活動，假期安排輕鬆又充實。

而家仲有港人專屬優惠，由 4/3 – 6/30，註冊會員並憑回鄉證即可免費領取迪卡儂定制掛件；單筆消費滿 ¥399 可獲兔星球彈珠或反斗樂園遊戲幣；當日累計滿 ¥666 仲送 ¥60 餐飲券，食玩買一次過滿足。

另外 Runhotel 讀者都有專屬福利，即日起至 2026/4/7，只要出示「領展中心城復活節活動消息截圖」，到「北村韓食（領展中心城店）」消費，即可免費獲贈酸奶一份，每人限領 1 次，數量有限，先到先得。

▼領展中心城復活節活動消息截圖

深圳領展中心城，位於那個地鐵站出口？

深圳領展中心城位於深圳地鐵 4 號線會展中心站 B 出口，交通方法：

從羅湖口岸出發：

• 由羅湖站出發，坐 1 號羅寶線（機場東方向），坐 7 個站即可到達會展中心站，B 出口即通深圳領展中心城，只需 13 分鐘。

從福田口岸出發：

• 由福田口岸站出發，坐 4 號龍華線（牛湖方向），坐 2 個站即可到達會展中心站，B 出口即通深圳領展中心城，全程只需 9 分鐘。